ꓜ-ꓬꓳ ꓔꓲꓺ ꓒ ꓙꓵꓽ ꓔꓶ. ꓗꓪ ꓬꓰ-ꓢꓴ ꓦꓵꓻ ꓑꓮꓲꓽ ꓬꓰ ꓗꓷ ꓟ ꓓꓳꓽ
12 ꓦ ꓟ 24-26 ꓠꓬꓲ 2025 ꓘꓳꓼ ꓕꓯ ꓟꓲ-ꓚꓲ-ꓠ ꓢ-ꓢꓲ-ꓠ ꓜ-ꓬꓳ ꓔꓲꓺ ꓒ ꓙꓵꓽ ꓔꓶ. ꓗꓪ ꓜ-ꓬꓳ ꓔꓲꓺ ꓒ ꓑꓰꓔꓰꓣ ꓜ-ꓬꓳ-ꓒꓴ ꓡꓰ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓬꓰ-ꓢꓴ ꓦꓵꓻ ꓑꓮꓲꓽ ꓔꓯ ꓬꓰ ꓗꓷ ꓟ ꓥ ꓡꓳ=
ꓜ-ꓬꓳ ꓔꓲꓺ ꓒ ꓙꓵꓽ ꓔꓶ. ꓗꓪ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓬꓰ-ꓢꓴ ꓦꓵꓻ ꓑꓮꓲꓽ ꓔꓯ ꓙꓲ-ꓢꓴ ꓢꓲꓺ ꓤ ꓐꓴ ꓔꓬ ꓟ ꓞꓳ ꓘꓹ ꓗꓪ ꓬꓰ ꓟ ꓗꓪ ꓐꓰ ꓕꓱ ꓕꓲ: ꓘꓳꓼ ꓠꓬ ꓑꓶ-ꓜꓯ ꓞꓳ ꓘꓹ ꓗꓪ ꓬꓰ-ꓢꓴ ꓦꓵꓻ ꓑꓮꓲ ꓔꓯ ꓬꓰ ꓗꓷ ꓟ ꓥ ꓡꓳ=
ꓞꓲ ꓠꓲꓹ ꓠꓬ ꓛ-ꓖꓳ ꓟꓵ: ꓗꓪ ꓜ-ꓬꓳ ꓔꓲꓺ ꓒ ꓙꓵ: ꓔꓶ. ꓗꓪ ꓠꓻ ꓒꓬ ꓢꓴ ꓮ ꓟꓬꓹ ꓔꓬ ꓥ ꓟꓲ ꓙꓲ-ꓢꓴ ꓢꓲꓺ ꓤ ꓐꓴ ꓮ ꓘꓶ. ꓢꓯꓼ ꓕꓵꓼ ꓢꓲ ꓠꓬꓲ ꓑꓮꓲ ꓗꓪ ꓐ ꓗꓷ ꓟ ꓥ ꓡꓳ=
ꓤ-ꓬꓳ ꓔꓲꓺ ꓒ ꓙꓵ: ꓔꓶ. ꓗꓪ ꓗ-ꓔꓳ-ꓡꓲꓗ ꓙꓲ-ꓢꓴ ꓢꓲꓺ ꓤ ꓔꓬ ꓟ ꓞꓳ ꓘꓹ (7) ꓘꓹ ꓔꓬ ꓟ ꓥ ꓢꓲ ꓠꓬꓲ ꓙꓲ-ꓢꓴ ꓢꓲꓺ ꓤ (300) ꓣꓳ ꓟ ꓞꓲ ꓔꓬ ꓟ ꓔꓲꓺ ꓒ ꓙꓵ: ꓔꓶ. ꓥ ꓡꓳ=
