ꓟꓮ-ꓬꓮꓠ ꓞꓳ ꓘꓹ ꓗꓪ (75) ꓘꓳꓼ ꓐꓲˍꓟ ꓙꓴ-ꓐꓲ-ꓡꓲ ꓑꓮꓲꓽ ꓬꓰ ꓗꓷ ꓟ꓾
ꓡꓳꓹ ꓬꓰ ꓟ 2026 ꓘꓳꓼ 1 ꓦ ꓟ 17 ꓠꓬꓲꓽ ꓕꓯ ꓟꓲ-ꓚꓲ-ꓠ ꓔꓲꓸꓸ ꓒ ꓓꓽ ꓢ-ꓢꓲ-ꓠ ꓠꓮꓟ-ꓔꓲ ꓔꓲꓸꓸ ꓒ ꓙꓵꓽ ꓔꓶꓸ꓾ ꓟꓮ-ꓬꓮꓠ ꓞꓳ ꓘꓹ ꓗꓪ ꓪꓴ-ꓢ ꓣꓱ ꓛꓲ ꓗꓪ ꓐꓰ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓔꓬ ꓗꓷ ꓟ ( 2025) ꓘꓳꓼ ꓕꓯ (75) ꓘꓳꓼ ꓐꓲ ꓡꓰ ꓟ ꓙꓴ-ꓐꓲ-ꓑꓮꓲꓽ ꓔꓯ ꓡꓳꓹ ꓬꓰ ꓟ 2026 ꓘꓳꓼ 1 ꓦ ꓟ 17 ꓠꓬꓲꓽ ꓕꓯ ꓔꓲꓸꓸꓒ ꓓꓽ Cardinal ꓐꓰ ꓔꓲꓸꓸ ꓒ ꓓꓽ ꓔꓲꓸꓸ ꓒ ꓐꓴ ꓐꓰ ꓕꓲ ꓔꓶꓸ꓾ ꓡꓲꓽ ꓕꓲ ꓔꓶꓸ꓾ ꓗꓪ ꓟ ꓘꓴ ꓜꓲꓼ ꓞꓳ ꓐꓴ ꓜꓲꓼ ꓡ ꓢꓲ꓾ ꓙꓴ-ꓐꓲ-ꓡꓲ ꓑꓮꓲꓽ ꓔꓯ ꓗꓹ ꓛꓲ ꓛꓲ ꓡꓰ ꓬꓰ ꓓꓳ ꓬꓰꓳ=
ꓕꓱ ꓙꓴ-ꓐꓲ-ꓡꓲ ꓑꓮꓲꓽ ꓟꓲ-ꓢ ꓬꓰˍꓟ ꓗꓪ ꓟꓲ-ꓚꓲ-ꓠ ꓔꓲꓸꓸ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡꓮ ꓢꓮꓟ ꓡꓰ ꓐꓯˍꓟ ꓠꓬ”ꓠꓬꓲꓽ ꓠꓬꓲ ꓠꓬ ꓮ ꓓꓰꓽ ꓒꓴˍꓟ ꓪꓰꓸ꓾ ꓒꓵꓽ ꓡꓳ ꓑꓮꓲꓽ ꓦꓬꓼ ꓠꓬꓲ ꓥ ꓡꓳ” ꓕꓱ ꓟ ꓡꓰ ꓐꓰ (75) ꓘꓳꓼ ꓡꓰ ꓗꓪ ꓛꓲ ꓟꓮ-ꓬꓮꓠ ꓞꓳ ꓘꓹ ꓗꓪ ꓔꓬ ꓟ ꓘꓴ ꓜꓲꓼ ꓞꓳ ꓐꓴ ꓠꓬ꓾ ꓪꓴ-ꓢ ꓔꓯ ꓮ ꓘꓶꓸ ꓠꓲꓸꓹ ꓠꓵˍꓟ ꓔꓯ ꓡꓳꓸ ꓟꓳ ꓪ ꓥ ꓡꓳ꓾ ꓡ ꓠꓹ ꓗꓪ ꓤꓶꓸꓹ ꓗꓪ ꓪꓴ-ꓢ ꓣꓱꓽ ꓛꓰ ꓠꓬ ꓮ ꓕꓯ ꓥˍꓟꓲ ꓐꓲˍꓡ ꓓꓴ ꓥ ꓡꓳ꓾ ꓗꓴꓷꓼ ꓔꓯ ꓙꓵꓽ ꓢꓴ ꓐꓰ ꓢꓷꓸ ꓠꓲꓹ ꓓ ꓢꓴ ꓮ ꓟꓬꓹ ꓟꓬ ꓡ ꓓꓴ ꓥ ꓡꓳ ꓐꓰ ꓔꓲꓸꓸ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡꓮ ꓢꓮꓟ ꓡꓰ ꓢꓯꓹ ꓖꓶ ꓗꓷ ꓟ ꓥ ꓡꓳ=
(75) ꓘꓳꓼ ꓬꓲ ꓘꓴꓽ ꓗꓪ ꓣꓳ ꓪꓴ-ꓢ ꓔꓯ ꓠꓲꓸꓹ ꓠꓵ꓾ ꓦ ꓡꓱ ꓗꓷ ꓟ ꓡꓰ ꓐꓰ ꓡ ꓠꓹ ꓟ ꓦꓬꓼ ꓠꓬꓲꓽ ꓗꓪ ꓟꓲ ꓪꓴ-ꓢ ꓔꓯ ꓮꓽ ꓕꓯ ꓥˍꓟꓲ ꓶꓼ ꓓꓰ ꓪꓽ ꓘꓴ ꓢꓲ꓾ ꓞꓳ ꓙꓳ ꓢꓯꓼ ꓔꓬ ꓓꓴ ꓬꓰ ꓡꓯ꓾ ꓐꓰ ꓐꓯ ꓢꓲ꓾ ꓬꓲ ꓟꓶ ꓠꓽ ꓗꓷ ꓟ ꓥ ꓡꓳ=
