ꓟꓲ-ꓚꓲ-ꓠ ꓢ-ꓢꓲ-ꓠ꓾ ꓢꓔ. ꓟꓲꓚꓧꓮꓰꓡ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓔꓲꓺ ꓒ ꓓꓽ ꓟ ꓚꓮꓣꓓꓲꓠꓮꓡ ꓟꓲ-ꓢ ꓔꓲꓺ ꓖꓶˍ ꓟ꓾
1 ꓦ ꓟ 18 ꓠꓬꓲ 2026 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓟꓶꓼ ꓘꓶꓼ (4) ꓙꓵꓹ ꓗꓪ ꓟꓲ-ꓚꓲ-ꓠ ꓢ-ꓢꓲ-ꓠ ꓢꓔ. ꓟꓲꓚꓧꓮꓰꓡ ꓔꓲꓺ ꓒ ꓙꓵꓽ ꓔꓶꓸ꓾ ꓢꓲꓸ ꓟꓲꓚꓧꓮꓰꓡ ꓪꓽ ꓘꓴ ꓦꓲꓻ ꓗꓪ ꓔꓲꓺ ꓒ ꓓꓽ ꓟ ꓚꓮꓣꓓꓲꓠꓮꓡ ꓚꓧꓮꓣꓡꓰꓢ ꓐꓳ ꓡꓰ ꓟꓲ-ꓢ ꓔꓲꓺ ꓖꓶ ꓗꓷ ꓟ ꓥ ꓡꓳ=
ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓡꓰ ꓟꓸ ꓟꓲ: ꓚꓺ ꓢꓯꓼ ꓖꓶ ꓗꓷ ꓟ ꓗꓪ ꓙꓲ-ꓢꓴ ꓢꓲꓺ ꓤ ꓐꓴ ꓠꓬ ꓬꓰ-ꓢꓴ ꓔꓯ ꓔꓯꓺ ꓢꓳ ꓢꓲ ꓠꓬꓲ ꓞꓳ ꓙꓳ ꓔꓬ ꓠꓹ ꓟ ꓐꓰ ꓔꓲꓺ ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓖꓶ ꓔ ꓟ ꓟꓲ ꓠꓯ ꓢꓲ ꓡꓲꓹ ꓟꓶ ꓠꓹ ꓟ ꓚꓱꓹ ꓔꓯ ꓢꓯꓼ ꓖꓶ ꓗꓷ ꓟ ꓥꓳ=
ꓟꓲ ꓠꓯ ꓢꓲ ꓡꓲꓹ ꓟꓶ ꓠꓹ ꓟ ꓚꓲꓸ ꓛꓬ ꓠꓲꓹ ꓟ ꓔꓯ ꓓꓽ ꓪꓴꓸ ꓝꓴꓲ ꓖ: ꓖꓶ ꓠꓹ ꓟ ꓢꓯꓼ ꓕꓵꓼ ꓢꓲ ꓠꓬꓲ ꓠꓱꓸ ꓐꓯꓼ ꓢꓴ ꓛꓬ ꓥꓳ: ꓡ ꓟ ꓝꓴꓲ ꓔꓯ ꓖ: ꓖꓶ ꓠꓹ ꓟ ꓥ ꓡꓳ= ꓝꓮꓲ ꓣꓳ ꓙꓲ-ꓢꓴ ꓢꓲꓺ ꓤ ꓐꓴ ꓠꓬ ꓮ ꓕꓯ ꓥ ꓟꓲ ꓟꓲ ꓠꓯ ꓢꓲ ꓡꓲꓹ ꓟꓶ ꓠꓹ ꓟ ꓐꓱ ꓶ ꓪꓽ ꓘꓴ ꓠꓹ ꓟ ꓚꓮꓣꓓꓲꓠꓮꓡ ꓡꓰ ꓟꓸ ꓟꓲꓽ ꓚꓺ ꓗꓷꓳ=
ꓟꓲ-ꓢ ꓪ: ꓘꓴ ꓓꓳꓺ ꓡꓰ ꓗꓸ ꓠꓯ. ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓔꓯ ꓞꓳ ꓡꓱ ꓞꓳ ꓡꓯꓸ ꓐꓴ ꓡꓰ ꓟꓴ ꓖꓪ ꓗꓪ ꓐꓰ ꓫꓱ. ꓖꓶ ꓟ ꓐꓰ ꓟꓬꓳ-ꓔꓧꓲꓔ-ꓗꓬꓲ ꓗꓪ ꓔꓬ ꓟ ꓙꓲ-ꓢꓴ ꓢꓲꓺ ꓤ ꓐꓴ ꓗꓪ ꓐꓰ ꓡꓯ ꓫꓴꓻ ꓖꓶ ꓟ ꓔꓯ ꓬꓰ ꓗꓷꓳ=
