ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓟꓵꓽ ꓗꓳ. ꓓꓵ ꓓꓵ ꓚꓱ, ꓔꓯ ꓟꓳ. ꓝꓲ ꓓꓴ ꓐꓴ ꓔꓯ ꓐꓯ ꓖꓶ_ ꓟ ꓗꓪ ꓗꓴꓷꓼ ꓫꓵ ꓪꓴ ꓘꓶ ꓡꓶꓽ ꓔꓬ ꓟ ꓟꓬ‐ꓟ ꓗꓴꓷꓼ ꓚꓱ, ꓔꓯ ꓟꓳ. ꓬꓲꓼ ꓠꓬꓲ. ꓐꓯ ꓖꓶ ꓗꓷ ꓢꓲ꓾ “ꓢꓲ ꓡꓲ, ꓟ ꓚꓱ, ꓠꓯꓼ ꓗꓪ ꓮ ꓙꓵ ꓔ, ꓐ ꓡ ꓟ ꓖꓪ ꓙꓱ ꓜꓲꓼ ꓓꓴ” ꓬꓰ ꓠ, ꓟ ꓐꓰ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓔꓯ ꓟꓳ. ꓬꓰ ꓙ ꓔꓳ, ꓙ ꓠ, ꓟ ꓶꓽ ꓓꓰ ꓗꓷ ꓟ ꓥꓳ꓿
ꓔꓲꓺ ꓒ ꓪ ꓔꓲ ꓡꓰ 2026 ꓘꓳꓼ 1 ꓦ ꓟ 9 ꓠꓬꓲ ꓠꓽ ꓥꓪꓽ ꓠꓬꓲ ꓕꓯ ꓦꓮꓔꓲꓚꓮꓠ (Holy See) ꓔꓯ ꓟꓳ. ꓝꓲ ꓓꓴ ꓐꓴ ꓔꓯ ꓕꓳ ꓶ ꓐꓳ ꓦ ꓩꓴ ꓗꓷ ꓟ ꓥꓳ꓿ ꓦꓮꓔꓲꓚꓮꓠ ꓗꓪ ꓐꓰ ꓟꓬ‐ꓟ ꓗꓴꓷꓼ ꓝꓲ ꓓꓴ Msgr. Andrea Ferrante ꓡꓰ ꓟꓬ‐ꓟ ꓗꓴꓷꓼ ꓗꓪ ꓫ. ꓔꓬ ꓟ ꓫ. ꓙꓵ ꓟꓷꓼ ꓙꓵ ꓔꓬ ꓢꓴ ꓐꓴ ꓚꓱ, ꓔꓯ ꓙꓻ ꓗꓷ ꓢꓲ꓾ ꓬꓲꓼ ꓠꓬꓲ. ꓐꓯ ꓖꓶ ꓗꓷ ꓟ ꓥꓳ꓿
“ꓥꓪ ꓓꓵꓽ ꓙ ꓠꓲ, ꓗꓪ ꓟꓬ‐ꓟ ꓗꓴꓷꓼ ꓗꓪ ꓫ ꓙꓵ ꓔꓬ ꓟ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓐꓰ ꓬꓲ ꓪ ꓔꓯ ꓗꓽ ꓕ ꓟ ꓚꓱ, ꓫ. ꓔꓬ ꓟ ꓠꓯꓼ ꓗꓪ ꓛꓲ ꓔꓬ ꓟ ꓥ ꓡꓳ꓿ ꓕꓱ ꓟ ꓗꓪ ꓐꓰ ꓡꓳ, ꓬꓰ ꓟ ꓙꓵ, 3 ꓦ ꓕꓯ ꓗꓷ ꓡꓰ ꓟ ꓟꓵꓽ ꓙꓴꓽ ꓚꓵ, ꓟ ꓑꓶ ꓓꓴ ꓟꓬ ꓠꓬꓲ ꓫ. ꓗꓷ ꓟ ꓥꓳ꓾” ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ ꓥꓳ꓿ ꓢꓲ ꓡꓲ, ꓟ ꓐꓱ ꓶ ꓑꓶ._ ꓟ ꓢꓯꓼ ꓪ ꓐꓰ ꓢꓲꓺ ꓚꓰ. ꓓꓴ ꓔꓯ ꓬꓰ ꓠ, ꓟ ꓐꓰ “ꓡ ꓞꓳ ꓮ ꓙꓵ ꓐꓱ ꓶ ꓞꓳ ꓙꓳ ꓚꓱ, ꓔꓯ ꓟꓳ. ꓬꓰ ꓙ ꓠ, ꓟ꓾ ꓔꓱ, ꓟ ꓔꓯ ꓬꓲ. ꓙꓵ, ꓟꓽ ꓞꓰ ꓪ ꓟꓶ ꓠ, ꓟ ꓐꓱ ꓶ” ꓠꓲ, ꓡꓶꓽ ꓐꓰ ꓢꓯꓼ ꓪ ꓖꓶ ꓗꓷ ꓟ ꓥꓳ꓿
“ꓟꓬ‐ꓟ ꓗꓴꓷꓼ ꓫ. ꓙꓵ ꓟꓷꓼ ꓙꓵ ꓓꓴ ꓢꓲ ꓡꓲ, ꓟ ꓔꓯ ꓫꓬ, ꓔꓶꓻ ꓠ, ꓟ ꓟꓽ ꓪ ꓟ ꓔꓯ ꓟꓳ. ꓢꓲ ꓡꓲ, ꓟ ꓠꓬ ꓖꓳ ꓓꓱ ꓢꓯꓼ ꓪ ꓗꓪ ꓐꓰ ꓗꓽ ꓕ ꓟ ꓗꓪ ꓐꓰ ꓪ ꓟꓽ ꓓ ꓐꓰ” ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿ “ ꓢꓰꓼ ꓡꓯ ꓘꓳ ꓓꓴ ꓠꓬ ꓐꓬ ꓡꓰ ꓟ ꓗꓪ ꓐꓰ ꓡꓰ ꓠꓲ, ꓘꓪ ꓫꓵ ꓔꓬ ꓥ ꓟꓲ ꓢꓲ ꓡꓲ, ꓟ ꓔꓯ ꓫꓬ, ꓔꓶꓻ ꓠ, ꓟ ꓮ ꓕꓯ ꓟꓲ ꓢꓯꓼ ꓕꓵꓼ ꓠ, ꓟ ꓣꓱ ꓬꓯꓼ ꓡꓳ꓾” ꓐꓰ ꓐꓯ ꓔ ꓡꓳ꓿
ꓗ. ꓠꓯ. ꓒꓬꓱꓼ ꓡꓰ ꓓ_ ꓟ ꓐꓳꓽ ꓡ ꓛꓴ. ꓔꓯꓺ ꓡꓯ ꓘꓳ_ ꓟ ꓠꓯꓼ ꓗꓪ ꓬꓲꓼ ꓠꓬꓲ. ꓘꓶꓽ ꓐꓳ ꓩꓴ ꓗꓷ ꓟ ꓥꓳ꓿ 2 ꓦ ꓕꓯ ꓠꓰꓪ ꓢꓔꓮꓣꓔ NUCLEAR ꓪꓽ ꓡꓯ ꓘꓳ ꓗꓷ ꓟ ꓕꓳ ꓶ ꓖꓴ ꓡꓰ ꓟ ꓠꓯꓼ ꓗꓪ ꓐꓰ ꓟꓬ ꓠꓬꓲ ꓪꓴꓽ ꓟꓴ ꓡ ꓟ ꓐꓳꓽ ꓡ ꓛꓴ. ꓬꓲ. ꓫꓵꓼ ꓫꓬ, ꓐꓱ ꓡ ꓟ ꓟꓬ ꓠꓬꓲ ꓠꓬ Artificial Intelligence (AI) ꓔꓯ ꓣꓱ ꓟ ꓗꓪ ꓐꓰ ꓒꓬꓱꓼ ꓡ ꓓ_ ꓟ ꓔꓯ ꓬꓲꓼ ꓠꓬꓲ ꓐꓯ ꓔ ꓟ ꓥꓳ꓿
ꓔꓲꓺ ꓒ ꓪ ꓔꓲ. ꓡꓰ ꓮꓲ ꓔꓯ “ꓬꓲ ꓚꓱ, ꓗꓪ ꓚˍ ꓟ ꓔꓱ,ˍ ꓟ ꓒꓬꓱꓼ ꓠ ꓔˍ ꓡꓳ” ꓐꓰ ꓐꓯˍ ꓡꓳ꓿ ꓝꓮꓲ “ꓩꓴ ꓗꓷˍ ꓟ ꓚꓱ, ꓔꓯ ꓗꓽ ꓕˍ ꓟ ꓐꓰ ꓞꓳ ꓤ ꓡꓰ ꓐꓰ ꓣꓱꓽ ꓬꓰ ꓠ, ꓟ” ꓕꓲ ꓒꓳ, ꓗꓪ ꓟꓬꓽ ꓠꓬꓲ ꓣꓱꓽ ꓞ,ˍ ꓡꓳ꓾ ꓐꓰ ꓐꓯˍ ꓡꓳ꓿
ꓟꓬ‐ꓟ ꓗꓴꓷꓼ ꓐꓱ ꓶ ꓔꓲꓺ ꓒ ꓪ ꓔꓲ. ꓬꓲ ꓫ. ꓕꓱ ꓘꓶꓽ ꓐꓴ ꓠꓬ ꓗꓴꓷꓼ ꓫꓵꓽ ꓪꓴ ꓚꓱ, ꓔꓯ ꓟꓲ ꓠꓯ ꓒꓬꓱꓽ ꓕꓯꓽ ꓗꓪ ꓪ ꓜꓲ ꓖꓴ ꓟ. ꓖꓶˍ ꓟˍ ꓡꓰ ꓐꓰ꓾ ꓬꓰ ꓙˍ ꓟ ꓔꓯ ꓣꓱꓽ ꓞ,ˍ ꓟ꓾ ꓖꓪ ꓙꓱ ꓡꓯ ꓘꓳ ꓠ ꓔˍ ꓟ ꓐꓴ ꓔꓯ ꓞꓳ ꓤ ꓐꓴ ꓔꓯ ꓬꓰ ꓙˍ ꓟ ꓕꓲ ꓟˍ ꓡꓰ ꓐꓰ꓾ ꓖꓳ ꓟ ꓡꓰꓽ ꓟꓽ ꓞꓲꓺ ꓟꓲ ꓠꓯ ꓗꓴꓷꓼ ꓢꓲ ꓡꓲ ꓟ ꓫꓬ, ꓜꓶ ꓓꓴ ꓐꓱ ꓶ ꓓꓰꓽ ꓘꓶꓽ ꓕꓲ ꓟ ꓖꓶˍ ꓟ ꓡꓰ ꓐꓰ ꓒꓬꓱꓼ ꓡ ꓝꓲˍ ꓡꓳ꓿
