ꓢꓔ. ꓟꓲꓚꓧꓮꓰꓡ ꓔꓲꓺ ꓒ ꓙꓵ: ꓔꓶ. ꓒꓴˍ ꓟ 4 ꓘꓳꓼ ꓐꓲ ꓚꓲ. ꓟꓶ ꓓꓴ ꓐꓰ ꓔꓲꓺ ꓒ ꓙꓵ: ꓔꓶ. ꓗꓪ ꓔꓬ ꓟ ꓐꓹ ꓐ ꓜꓴꓻ꓾ ꓟ ꓟꓹ ꓜꓴꓻ꓾ ꓞꓳ ꓡꓱ ꓜꓴꓻ ꓐꓴ ꓔꓯ ꓟꓴ ꓖꓪ ꓐꓰ ꓛꓲ ꓡꓵ ꓡꓯ ꓡꓵ ꓔꓯꓺ ꓡꓯ ꓘꓳ ꓝꓲ ꓢꓲ꓾ ꓡꓳ ꓖꓪ ꓫꓵꓽ ꓮ ꓟꓬꓹ ꓐꓰ ꓬꓰ ꓖꓶ ꓗꓷ ꓟ ꓥꓳ=
3.1.2026 ꓕꓯ ꓢꓔ. ꓟꓲꓚꓧꓮꓰꓡ ꓔꓲꓺ ꓒ ꓙꓵ: ꓔꓶ. 4 ꓘꓳꓼ ꓐꓲˍ ꓟ ꓚꓲ. ꓟꓶ ꓓꓴ ꓑꓮꓲ ꓫ ꓟꓳ ꓟꓲ-ꓢ ꓪꓽ ꓘꓴ ꓙꓵꓹ ꓔꓯ ꓠꓬ ꓠꓯꓼ 7:30 ꓙꓵꓹ ꓗꓪ ꓬꓰ ꓗꓷ ꓢꓲ ꓠꓬꓲ꓾ ꓠꓯꓼ 9:00 ꓙꓵꓹ ꓗꓪ ꓐꓰ ꓠꓬ ꓡꓳ ꓖꓪ ꓫꓵꓽ ꓮ ꓟꓬꓹ ꓐꓰ ꓡꓳ ꓖꓪ ꓔꓯꓺ ꓡꓯ ꓘꓳ ꓗꓷ ꓟ ꓥ ꓡꓳ=
ꓖꓳ ꓗ. ꓠꓯ. ꓟꓳꓼ ꓡꓳ 1:00 ꓙꓵꓹ ꓗꓪ ꓐꓰ ꓠꓬ ꓟꓴ ꓖꓪ ꓔꓯꓺ ꓡꓯ ꓘꓳˍ ꓟ꓾ ꓛꓲ ꓡꓵ ꓡꓯ ꓡꓵ ꓔꓯꓺ ꓡꓯ ꓘꓳˍ ꓟ꓾ ꓔꓯ ꓪꓴ. ꓔꓴ ꓗꓷ ꓟ ꓥꓳ= ꓐꓹ ꓐ ꓜꓴꓻ ꓐꓰ ꓞꓳ ꓡꓱ ꓤ ꓜꓴꓻ ꓠꓬ ꓟꓴ ꓖꓪ ꓔꓯꓺ ꓡꓯ ꓘꓳ ꓢꓲ ꓠꓬꓲ ꓟꓹ ꓟ ꓜꓴ ꓐꓴ ꓔꓯ ꓠꓬ “မနောမြေမှတေးသံသာ” ꓐꓯˍ ꓟ ꓟꓴ ꓖꓪ ꓐꓰ ꓛꓲ ꓡꓵ ꓡꓯ ꓡꓵ ꓔꓯꓺ ꓡꓯ ꓘꓳ ꓝꓲ ꓟ ꓥꓳ=
ꓖꓳ ꓗꓪ ꓐꓰ ꓛꓲ ꓡꓵ ꓡꓯ ꓡꓵ ꓔꓯꓺ ꓡꓯ ꓘꓳˍ ꓟ ꓟꓹ ꓟ ꓜꓴꓻ ꓗꓪ ꓐꓰ ꓡꓯ ꓫꓴꓻ ꓕꓲ: ꓪ ꓟꓶ ꓟ ꓜꓴꓻ ꓠꓬ ꓠꓮꓪꓖ ꓑꓳꓠꓖ꓾ ꓠ‐ꓐ ꓠꓬꓲ: ꓠꓬ꓾ ꓑ-ꓟ-ꓔꓲ꓾ ꓠ‐ꓐ ꓢ ꓠꓬ ꓟꓬꓳ-ꓔꓲ-ꓖꓬꓲ, ꓟꓶ ꓡꓰꓳ꓿
ꓟꓴ ꓖꓪ ꓖꓪ ꓔꓯꓺ ꓡꓯ ꓘꓳˍ ꓟ ꓐꓹ ꓐꓹ ꓜꓴꓻ ꓠꓯꓸꓼ ꓗꓪ ꓐꓰ ꓠ‐ꓐ ꓕꓲꓽ ꓡꓯꓼ ꓫꓴ ꓟꓶ ꓡꓰ ꓢꓴ ꓜꓴ ꓠꓬ ꓑ-ꓟ-ꓔꓲ.꓾ ꓠ‐ꓐ ꓠꓬꓲ: ꓠꓬ ꓠꓮꓪꓠꓖ-ꓑꓳꓠꓖ꓾ ꓐꓰ ꓠ‐ꓐ ꓢ ꓠꓬ ꓠꓮꓠ-ꓗꓪꓰ ꓕꓱ ꓡꓱ ꓧꓪ. ꓡꓰ ꓟ ꓥ ꓡꓳ꓿
ꓟꓴ ꓖꓪ ꓜꓯꓻ ꓔꓯꓺ ꓡꓯ ꓘꓳˍ ꓟ ꓞꓳ ꓡꓱ ꓜꓴꓻ ꓠꓯꓸꓼ ꓗꓪ ꓐꓰ ꓠ‐ꓐ ꓕꓲ: ꓠꓬ ꓢꓧꓪꓰ-ꓮꓲꓗꓰ꓾ ꓠ‐ꓐ ꓠꓬꓲ: ꓠꓬ ꓠꓮꓠ-ꓗꓪꓰ꓾ꓠ‐ꓐ ꓢ ꓠꓬ ꓑ-ꓟ-ꓔꓲ꓾ ꓕꓱ ꓡꓱ ꓟꓶ ꓡꓰꓳ꓿
ꓟꓴ ꓖꓪ ꓐꓳ ꓡꓯꓼ ꓫꓴꓻ ꓠꓬ ꓟꓮꓣꓲꓑ ꓢꓔꓲꓦꓰꓠ (Karai a maka lam) ꓡꓰ ꓟꓶ ꓡꓰ ꓟ ꓥ ꓡꓳ꓿
