Jubilee of Hope ꓙꓴꓐꓲꓡꓰꓰ ꓘꓳꓼ ꓗ ꓘꓶꓽ ꓚꓲꓸˍ ꓟ ꓑꓮꓲꓽ ꓟꓲ-ꓢ ꓔꓯ 24ꓸ12ꓸ2025꓾ ꓠꓽ-ꓢꓽ-ꓠꓬꓲ ꓕꓯ ꓟꓲ-ꓚꓲ-ꓠ ꓡꓳ ꓒꓱ꓾ ꓮꓴꓠꓖ-ꓠꓮꓠ ꓗꓪ ꓙꓳˍ ꓟ ꓟ ꓙꓲꓻ ꓫꓬ ꓢꓴ ꓚꓳꓡꓴꓟꓐꓮꓠ ꓪꓽ ꓘꓴ ꓦꓲꓻ ꓓꓽ ꓗꓪ ꓬꓰ ꓗꓷꓳ=

ꓑꓮꓲꓽ ꓕꓱ ꓟ ꓔꓯ ꓟꓲ‐ꓚꓲ‐ꓠ ꓢ‐ꓢꓶ‐ꓠ ꓙꓵꓽ ꓔꓲ ꓒ ꓓꓽ John Mung Ngwan La Sam ꓐꓰ ꓕꓲ ꓪꓽˍ ꓢ‐ꓢꓶ‐ꓠ ꓘꓴꓽ ꓠꓯꓸꓼ ꓗꓪ ꓟ ꓔꓲꓺ ꓒ ꓐꓴ꓾ ꓔꓲꓺ ꓟ ꓐꓴ꓾ ꓐ‐ꓣ‐ꓓ ꓐꓴ꓾ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓠꓬ ꓙꓴꓐꓲꓡꓰꓰ ꓗ ꓘꓶꓽ ꓟꓲ ꓙꓬ ꓗꓪ ꓪꓽ ꓘꓴ ꓗꓷ ꓢꓲ꓾ ꓔꓲꓺ ꓒ ꓓꓽ ꓗꓪ ꓐꓰ ꓙꓴꓐꓲꓡꓰꓰ ꓗ ꓘꓶꓽ ꓔꓯ ꓚꓲ. ꓗꓷꓳ꓿

ꓖꓳ ꓗ ꓠꓯ. ꓪꓽ ꓘꓴ ꓦꓲ ꓗ ꓘꓶꓽ ꓓꓽ ꓗꓪ ꓐꓰ ꓪꓽ ꓘꓴ ꓦꓲ ꓗꓪ ꓓꓵꓽ ꓡꓰ ꓢꓲ ꓙꓴꓐꓲꓡꓰꓰ ꓘꓳꓼ ꓡꓳ, ꓬꓰˍ ꓟ ꓫ. ꓟꓳˍ ꓟ ꓟꓲ‐ꓢ ꓪꓽ ꓘꓴ ꓑꓮꓲꓽ ꓔꓯ ꓬꓰ ꓗꓷꓳ꓿

ꓑꓮꓲꓽ ꓟꓲ-ꓢ ꓪꓽ ꓘꓴˍ ꓟ ꓔꓯ ꓟꓲ-ꓚꓲ-ꓠ ꓔꓲꓺ ꓒ ꓓꓽ John Mung Ngwan La Sam ꓡꓰ ꓧꓳꓽ ꓪꓴꓸ ꓟꓳ ꓢꓲ ꓠꓬꓲ ꓬꓰ ꓗꓷ ꓟ ꓥ ꓡꓳ=

ꓔꓲꓺ ꓒ ꓓꓽ ꓡꓰ ꓬꓲ ꓐꓯˍ ꓟ ꓠꓬ꓾ “ꓣꓳ ꓠꓬ ꓙꓴꓐꓲꓡꓰꓰ ꓡꓳꓹ ꓬꓰˍ ꓟ ꓗ ꓘꓶꓽ ꓚꓲꓸ ꓑꓮꓲꓽ ꓔꓯ ꓬꓰˍ ꓕꓯ ꓣꓳ ꓠꓬ ꓣꓳ ꓠꓲꓹ ꓟ ꓗ ꓘꓶꓽ ꓔꓯ ꓒꓴ ꓔ ꓢꓲ ꓣꓱꓽ ꓛꓰꓽ ꓐꓴ ꓔꓯ ꓐꓱꓻ ꓖꓶ ꓠꓹ ꓟ ꓣꓳ ꓔꓯ ꓶꓻ ꓙꓳˍ ꓡꓳ= ꓠꓬꓲꓸ ꓠꓬꓲ ꓟꓶ ꓘꓶꓽ ꓗꓪ ꓦꓵꓻ ꓡˍ ꓟ ꓬꓰ-ꓢꓴ ꓢꓲ ꓒ ꓔꓯ ꓠꓲꓹ ꓟ ꓥ ꓘꓶꓽ ꓒꓴ ꓢꓲ ꓘꓳ ꓣꓴ ꓐ ꓡ ꓠꓹ ꓟ ꓐꓱ ꓶ ꓙꓽ ꓖꓶ ꓡꓯ꓾” ꓐꓰ ꓕꓵꓼ ꓪ ꓖꓶ ꓗꓷꓳ=

ꓙꓴꓐꓲꓡꓰꓰ ꓘꓳꓼ ꓔꓯ ꓠꓬ 26.12.2024 ꓗꓪ ꓐꓰ 6.1.2026 ꓗꓪ ꓛꓲ ꓢꓷꓸ ꓙ ꓟꓳ ꓙ ꓔˍ ꓟ ꓥ ꓡꓳ=