ꓟꓶ-ꓚꓲ-ꓠ ꓔꓲꓺ ꓒ ꓓꓽ ꓢ-ꓢꓲ-ꓠ ꓘꓴꓽ ꓗꓪ ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓟ ꓔꓲꓺ ꓒꓽ꓾ ꓔꓲꓺ ꓟ꓾ ꓐꓣꓳꓔꓧꓰꓣ ꓐꓴ ꓮ ꓙꓵ ꓐ_ ꓟ꓾ (Religious Association of Myitkyina) ꓣꓮꓟ ꓜꓴꓻ ꓔꓯ ꓫꓬꓹ ꓔꓶꓻ_ ꓟ 25 ꓘꓳꓼ ꓐꓲ ꓒꓴ ꓙꓴ-ꓐꓲ-ꓡꓲ ꓟꓲ-ꓢ ꓔꓯ 12 ꓦ ꓟ 13 ꓠꓬꓲ 2025 ꓘꓳꓼ ꓠꓯꓼ 10ꓽ00 ꓮꓟ ꓙꓵꓹ ꓕꓯ ꓠꓙꓮꓠꓖ ꓓꓴꓠꓖ ꓪꓽ ꓘꓴ ꓦꓲꓻ ꓗꓪ ꓬꓰ ꓓꓳ ꓡꓰ ꓟ ꓥꓳ=
ꓟꓲ-ꓢ ꓪꓽ ꓘꓴ ꓙꓵꓹ ꓔꓯ ꓠꓬ ꓔꓲꓺ ꓒꓽ ꓓꓽ ꓝꓣꓮꓠꓚꓲꓢ ꓓꓮꓪ ꓔꓮꓠꓖ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓔꓲꓺ ꓒꓽ ꓐꓴ ꓔꓲꓺ ꓟ ꓐꓴ ꓐꓰ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓐꓰ ꓕꓲ ꓪ ꓬꓰ ꓓꓳ ꓡꓰ ꓟ ꓥꓳ=ꓟ. ꓟꓲꓽ ꓢꓯꓼ ꓖꓶ ꓘꓶꓽ ꓔꓯ ꓠꓬ ꓔꓲꓺ ꓒ ꓐꓣꓮꓠꓖ ꓓꓰ ꓗꓪ ꓐꓰ ꓢꓯꓼ ꓖꓶ ꓗꓷ ꓢꓲ ꓠꓬꓲ ꓙꓲ ꓫꓬ ꓢꓴ ꓐꓴ ꓠꓬ ꓒꓵ ꓛꓳ_ ꓟ꓾ ꓢꓲ ꓫꓬ ꓟ ꓐꓰ ꓜꓲ ꓘꓴ ꓠꓲ, ꓢꓯꓼ ꓪ ꓔꓯ ꓠꓬꓲ. ꓢꓲ ꓢꓯꓼ ꓖꓶ ꓡꓳ, ꓬꓰ ꓟ ꓥꓳ꓿
ꓔꓲꓺ ꓒ ꓙꓳꓢꓰꓑꓧ ꓬꓴꓠꓖ ꓪꓮ ꓗꓪ ꓐꓰ ꓥ ꓟꓲ ꓣꓮꓟ ꓜꓴꓻ ꓔꓯ ꓟꓶ‐ꓚꓲ‐ꓠ ꓢ‐ꓢꓲ‐ꓠ ꓗꓪ ꓐꓰ ꓮ ꓘꓶ. ꓫ. ꓟꓳ_ ꓟ꓾ ꓮ ꓟꓶ ꓡꓰ ꓐꓰ ꓒꓵ ꓛꓳ ꓢꓯꓼ ꓕꓵꓼ ꓖꓶ ꓡ ꓟ ꓑꓶ ꓓꓴ ꓢ‐ꓢꓲ‐ꓠ ꓬꓲ. ꓚꓵ ꓮ ꓘꓶ. ꓫ. ꓟꓳ ꓡꓳ꓾ ꓟꓶ‐ꓚꓲ‐ꓠ ꓢ‐ꓢꓲ‐ꓠ ꓗꓪ ꓐꓰ ꓥ ꓟꓲ ꓬꓰ ꓖꓶ ꓠ ꓔ ꓟ ꓮ ꓟꓬ, ꓙꓳ ꓥ ꓟꓲ ꓟꓽ ꓬꓰ ꓖꓶ ꓟꓶ ꓫꓵ ꓙꓳ ꓔꓬ ꓟ ꓥꓳ꓾ ꓖꓳ ꓟ ꓡꓰ ꓐꓰ ꓝꓮꓲ ꓔꓲꓺ ꓒ ꓓꓽ ꓫꓵꓼ ꓐꓰ ꓕꓲ ꓪ ꓶ ꓓꓳ ꓫꓱ, ꓓꓳ ꓐꓱ ꓶ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾ ꓐꓰ ꓫ ꓟꓳ ꓘꓶꓽ ꓐꓰ ꓒꓵꓽ ꓗ, ꓐꓯ ꓘꓶꓽ ꓐꓯ ꓖꓶ ꓗꓷ ꓟ ꓥꓳ꓿
ꓢꓲ-ꓢ-ꓠ ꓟꓬꓱꓽ ꓗꓪ ꓕꓲ ꓠꓲꓹ ꓕꓲ ꓪ ꓢꓯꓼ ꓕꓵꓼ ꓐ ꓡ ꓠꓹ ꓟ ꓐꓱ ꓶ ꓬꓲꓸ ꓔꓶꓻ ꓙꓱꓼ ꓐꓰ ꓔꓲꓺ ꓒ ꓓꓽ ꓑꓮꓴꓡ ꓜꓲꓠꓖꓧꓔꓴꓠꓖ ꓖꓣꓮꓪꓠꓖ (ꓢꓲ ꓒꓽ ꓠꓯꓼ ꓗꓪ ꓬꓲꓼ ꓟꓶ ꓡꓰ ꓟ) ꓡꓰ 9 ꓦ ꓟ 17 ꓠꓬꓲ 2000 ꓘꓳꓼ ꓕꓯ ꓫꓬꓹ ꓔꓶꓻ ꓔ ꓟ ꓥ ꓡꓳ= ꓟꓲ-ꓚꓲ-ꓠ ꓢ-ꓢꓲ-ꓠ ꓘꓴꓽ ꓗꓪ ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓟ ꓜꓴꓻ 13 ꓜꓴꓻ ꓔꓬ ꓟ ꓥ ꓡꓳ=
