ꓢꓲ, ꓜꓲ ꓢꓲ, ꓟꓲ ꓠꓬ ꓫ. ꓕꓱ ꓗꓴ, ꓟ ꓚꓱ, (Climates change)
ꓠꓬꓲ, ꓠꓬꓲ. ꓠꓬꓲ ꓟꓵꓽ ꓘꓳꓼ ꓐꓰ ꓫ. ꓕꓱ ꓟ ꓚꓱ, ꓗꓪ ꓐꓰ ꓢꓲ, ꓜꓲ ꓡꓳ ꓜꓲ, ꓠꓬ ꓫ. ꓕꓱ ꓗꓴ, ꓟ ꓚꓱ, ꓔꓯ ꓣꓳ ꓡꓳ. ꓠꓬꓲ ꓓꓴ ꓬꓰ ꓡꓯ꓿ ꓟꓵꓽ ꓘꓳꓼ ꓔꓯ ꓬꓰ ꓙ ꓟ ꓠꓬ ꓢꓲ, ꓜꓲ ꓠꓬ ꓮ ꓘꓶ. ꓛꓲ ꓣꓳ ꓚꓵˍ ꓟ ꓥ ꓡꓳ꓿ ꓢꓲ, ꓜꓲ ꓠꓬ ꓫ. ꓕꓱ ꓗꓴ ꓟ ꓐꓰ ꓑꓶ ꓓꓲ ꓡꓯꓽ ꓓꓲ ꓐꓴ ꓥ ꓟꓲ ꓫ. ꓕꓱ ꓗꓴ ꓟ ꓥ ꓡꓳ꓿ ꓬꓲ ꓪ ꓥꓳꓽ ꓫꓵꓽ ꓙꓳ ꓟ ꓥ ꓡꓳ ꓐꓰ ꓐꓯ ꓟ ꓔꓯ ꓠꓴ ꓘꓳ, ꓣꓴ ꓓꓽ ꓡ? ꓚꓵ ꓚꓵˍ ꓐꓯ ꓠꓬ ꓫ. ꓕꓱ ꓗꓴ ꓟ ꓥ ꓡꓳ꓿
ꓗꓳ. ꓗꓷ ꓟ ꓙꓵ, ꓕꓯ ꓬꓲ‐ꓢꓷ‐ꓡꓲ ꓗꓴꓷꓼ ꓗꓪ ꓐꓰ ꓟ. ꓒꓽ ꓓꓽ ꓐꓴ ꓠꓬ ꓑꓶ ꓓꓲ ꓡꓯꓽ ꓓꓲ ꓐꓰ ꓢꓲ, ꓜꓲ ꓠꓬ ꓫ. ꓕꓱ ꓗꓴ, ꓟ ꓚꓱ, ꓔꓯ ꓬꓲ ꓪ ꓡꓳ. ꓟꓳ ꓗꓷ ꓟ ꓥ ꓡꓳ꓿ ꓕꓱ ꓐꓱ ꓢꓲ, ꓜꓲ ꓐꓴ ꓠꓬ ꓫ. ꓕꓱ ꓟ ꓠꓵꓽ ꓠꓵꓽ ꓡꓰ ꓫ. ꓕꓱ ꓟ ꓔꓯ ꓑꓶ ꓓꓲ ꓡꓯꓽ ꓓꓲ ꓐꓴ ꓠꓬ ꓑ ꓙ ꓘꓴ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓬꓲ ꓪ ꓚꓲ. ꓚꓺ ꓟꓶ ꓡꓰ ꓢꓲ ꓠꓬꓲ ꓟꓲ ꓠꓯ ꓗꓪ ꓐꓯ ꓑꓶ ꓗꓷ ꓕꓯ ꓡ ꓞꓳ ꓮ ꓙꓵꓽ ꓠꓬ ꓓꓴ ꓙ ꓟꓶ ꓡꓰ ꓓꓴ ꓙꓳ ꓡꓰꓳ꓿
ꓬꓲ‐ꓢꓷ‐ꓡꓲ ꓟ. ꓒꓽ ꓓꓽ ꓐꓴ ꓮ ꓡꓰ ꓐꓰ ꓢꓷ. ꓪ ꓡꓰ ꓥ ꓐꓯ ꓠꓬ ꓑꓶ ꓓꓲ ꓡꓯ ꓓꓲ ꓕꓲ ꓐꓱ ꓟ ꓠꓬ ꓢꓶ ꓢꓶꓽ ꓜꓲ ꓗꓪ ꓙꓰ ꓢꓲ ꓠꓬꓲ ꓬꓲ ꓩꓴ ꓩꓴ ꓝꓮꓲ ꓬꓲ ꓜ ꓙꓳ ꓡꓰ ꓗꓪ ꓛꓲ ꓔꓬ ꓟ ꓔꓯ ꓡꓳ. ꓟꓳ ꓡꓰꓳ ꓿ ꓬꓲ ꓪ ꓠꓬ ꓢꓶ ꓢꓶꓽ ꓓꓱ ꓟ ꓢꓲ, ꓜꓲ ꓠꓬꓲꓽ ꓜꓲ ꓐꓰ ꓢꓶ ꓢꓶꓽ ꓟꓽ ꓓꓱ ꓟ ꓠꓬꓲ ꓜꓲ ꓔꓯ ꓚꓲ. ꓚꓺ ꓗꓷ ꓟ ꓙꓵ, ꓕꓯ ꓬꓲ ꓪ ꓡꓳ. ꓟꓳ ꓡꓰ ꓟ ꓥ ꓡꓳ꓿
ꓝꓮꓲ ꓢꓶ ꓢꓶꓽ ꓓꓱ ꓟ ꓢꓲ, ꓜꓲ ꓗꓪ ꓠꓬ ꓟꓲ ꓠꓯ ꓞꓳ ꓤ ꓠ, ꓑꓳꓺ ꓡꓰ ꓟꓽ ꓑ ꓙ ꓘꓴ ꓟ ꓢꓯꓼ ꓔꓯ ꓑꓶ ꓓꓲ ꓐꓴ ꓠꓬ ꓑ ꓙ ꓗꓷ ꓟꓪꓴ. ꓠꓬꓲ ꓢꓶ ꓢꓶꓽ ꓓꓱ ꓟ ꓢꓲ, ꓜꓲ ꓗꓪ ꓡ ꓟ ꓔꓯ ꓡꓳ. ꓟꓳ ꓡꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕ ꓖꓶ ꓟ ꓙꓲ ꓟ ꓑꓶ ꓓꓲ ꓡꓯ ꓓꓲ ꓐꓴ ꓠꓬ ꓟꓲ ꓠꓯ ꓗꓪ ꓮ ꓟꓬ, ꓔꓬ ꓟ ꓥ ꓡꓳ꓿
ꓟꓲ ꓠꓯ ꓗꓪ ꓪꓴ‐ꓢ ꓚꓰꓼ ꓔ ꓟ ꓮ ꓙꓵꓽ ꓔꓯ ꓞꓳ ꓒꓵꓽ ꓡꓯ꓿ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕ ꓠ, ꓟ ꓐꓱ ꓶ ꓢꓯꓼ ꓕꓵꓼ ꓡꓯ꓿ ꓫ. ꓟꓳ ꓪ꓿
