ꓟꓲ‐ꓚꓲ‐ꓠ ꓔꓲꓺ ꓒ ꓓꓽ ꓢ‐ꓢꓲ‐ꓠ꓾ ꓑ‐ꓡ‐ꓠ ꓑ-ꓡ-ꓸꓠꓸ ꓞꓳ ꓘꓹ ꓗꓪ ꓙꓳˍ ꓟ ꓙꓲꓻ ꓫꓬ ꓢꓴ ꓝꓣꓮꓠꓚꓲꓢ ꓫꓮꓦꓲꓰꓣ ꓤ ꓛꓵꓽ ꓤ ꓜꓲꓼ ꓦꓲꓻ (25) ꓘꓳꓼ ꓐꓲˍ ꓟ ꓙꓴꓐꓲꓡꓰꓰ ꓑꓮꓲꓽ ꓔꓯ ꓠꓬꓲꓸ ꓠꓬꓲ (8ꓸ12ꓸ2025)꓾ ꓠꓯꓼ ꓠꓯꓼ (9ꓽ00)ꓮꓟ ꓙꓵꓹ ꓕꓯ ꓬꓰ ꓗꓷꓳ=
ꓑꓮꓲꓽ ꓔꓯ ꓟꓲ-ꓚꓲ-ꓠ ꓔꓲꓺ ꓒ ꓓꓽ John Mung Ngawn La Sam ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ꓾ ꓔꓲꓺ ꓒ ꓓꓽ Francis Daw Tang ꓐꓰ ꓕꓲ ꓪꓽˍ ꓔꓲꓺ ꓒ ꓐꓴ꓾ ꓔꓲꓺ ꓟ ꓐꓴ꓾ ꓐꓣꓳ ꓐꓴ ꓐꓰ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓡꓰ ꓙꓴꓐꓲꓡꓰꓰ ꓫꓸ ꓟꓳ ꓑꓮꓲꓽ ꓟꓲ-ꓢ ꓔꓯ ꓬꓰ ꓗꓷ ꓟ ꓥ ꓡꓳ=
ꓑ‐ꓡ‐ꓠ ꓙꓲꓻ ꓫꓬ ꓢꓴ ꓝꓣꓮꓠꓚꓲꓢ ꓫꓮꓦꓲꓰꓣ ꓤ ꓛꓵꓽ ꓤ ꓜꓲꓼ ꓦꓲꓻ ꓗꓪ ꓢꓳ ꓜꓲꓼ ꓔꓬ ꓟ ꓙꓳ ꓟ 1000 ꓣꓳ ꓟꓽ ꓞꓲ ꓔꓬ ꓗꓷ ꓟ ꓥ ꓢꓲ ꓠꓬꓲ ꓢꓷ. ꓠꓲ, ꓙꓳ ꓢꓴ꓾ ꓶ ꓡꓯꓼ ꓬꓰ ꓢꓴ꓾ ꓓ ꓢꓴ ꓮ ꓟꓬ, ꓔꓬ ꓗꓷ ꓟ ꓥꓳ꓿ ꓖꓳ ꓟ ꓡꓰ ꓐꓰ ꓖꓳ ꓗꓪ ꓠꓬ ꓶꓽ ꓤ ꓗꓪ ꓐꓰ ꓡ ꓢꓴ꓾ ꓫ. ꓔꓬ ꓢꓴ ꓐꓴ ꓡ ꓢꓲ ꓠꓬꓲ ꓢꓳ ꓣꓴ ꓔꓬ ꓟ ꓥ ꓡꓳ꓿ ꓖꓳ ꓗꓪ ꓢꓷ. ꓠꓲ, ꓢꓳ ꓣꓴ ꓟ ꓗꓪ ꓐꓰ ꓔꓲꓺ ꓒ 3 ꓣꓳ ꓐꓰ ꓔꓲꓺ ꓟ ꓐꓴ ꓐꓣꓳꓔꓧꓰꓣ ꓐꓴ ꓮ ꓟꓬ, ꓥ ꓟꓲ ꓒꓬꓱꓼ ꓡꓰ ꓟ ꓥ ꓡꓳ꓾
ꓮ ꓟꓶ ꓢꓷ. ꓠꓲ, ꓢꓳ ꓔꓬ ꓟ ꓤ ꓠꓱ ꓤ ꓐꓴ (115) ꓣꓳ ꓔꓬ ꓢꓲ ꓠꓬꓲ ꓟ. ꓒꓽ ꓟ. ꓟ (10) ꓣꓳ ꓔꓬ ꓡꓳ꓾ ꓐꓰ ꓢꓷ. ꓪ ꓡꓳ꓿ ꓖꓳ ꓟ ꓡꓰ ꓐꓰ ꓫ. ꓓꓴ ꓮ ꓟꓬ, ꓙꓳ ꓥ ꓟꓲ ꓪꓴ‐ꓢ ꓣꓱ ꓛꓰ ꓗꓪ ꓐꓰ ꓗꓳ. ꓙꓰ ꓐ ꓡ ꓟ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿
