ꓟꓲ‐ꓚꓲ‐ꓠ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓢ‐ꓢꓲ‐ꓠ ꓗꓪ ꓐꓰ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓓꓽ ꓐꓰ ꓔꓲꓺ ꓒꓽ ꓐꓴ ꓚꓲ ꓛꓬ ꓔꓱ, ꓚꓲ ꓛꓬ ꓓꓵꓽ ꓙ ꓢꓲ ꓪꓽ ꓘꓴ ꓟ꓾ (Annual Retreat) ꓔꓯ 12 ꓦ ꓟ 2‐5 ꓠꓬꓲ 2025 ꓘꓳꓼ ꓗꓪ ꓛꓲ ꓬꓰ ꓓꓳ ꓡꓰ ꓟ ꓥꓳ꓿
ꓔꓲꓺ ꓒ ꓓꓽ ꓐꓰ ꓔꓲꓺ ꓒ ꓐꓴ (3) ꓠꓬꓲ ꓡꓱꓼ ꓬꓰ ꓓꓳ ꓡꓰ ꓟ ꓪꓽ ꓘꓴ ꓟ ꓗꓪ ꓣꓰꓔꓣꓰꓮꓔ ꓑꓣꓰꓮꓚꓧꓰꓣ ꓐꓰ ꓬ‐ꓖꓳꓥ꓾ ꓢꓔ. ꓙꓳꓢꓰꓑꓧ ꓔꓲꓺ ꓒ ꓒꓬꓱꓼ ꓢꓳꓻ ꓙꓳ ꓗꓪ ꓐꓰ ꓢꓳꓻ ꓙꓳ ꓙꓵꓽ ꓢꓴ ꓥ ꓟ ꓔꓲꓺ ꓒ ꓚꓬꓑꓣꓲꓮꓠ ꓮꓴꓠꓖ ꓪꓲꓠ ꓗꓪ ꓐꓰ ꓪꓽ ꓘꓴ ꓢꓯꓼ ꓖꓶ ꓡ ꓟ ꓥꓳ꓿ ꓕꓱ ꓡꓱ ꓓꓵꓽ ꓙ ꓔꓱ, ꓕ ꓪꓽ ꓘꓴ ꓟ ꓔꓯ ꓐꓰꓠꓰꓓꓲꓚꓔꓲꓳꓠ ꓐꓰ ꓢꓲ ꓫꓬ ꓑ ꓑ ꓶꓽ ꓥꓳꓽ ꓙꓱꓽ ꓪꓽ ꓘꓴ ꓢꓲ ꓬꓰ ꓓꓳ ꓡꓳ, ꓬꓰ ꓟ ꓥꓳ꓿
ꓔꓲꓺ ꓒ ꓓꓽ ꓬꓳ‐ꓦ ꓟꓴꓠꓖ ꓠꓖꓮꓪꓠ ꓡꓮ ꓢꓮꓟ ꓗꓪ ꓐꓰ ꓔꓲꓺ ꓒ ꓚꓬꓑꓣꓲꓮꓠ ꓔꓯ ꓫ ꓟꓳ ꓘꓶꓽ ꓕꓱ ꓢꓲ ꓪꓽ ꓘꓴ ꓜꓲꓼ ꓟ ꓗꓪ ꓜꓲꓼ ꓡ ꓟ ꓔꓲꓺ ꓒ ꓐꓴ ꓮ ꓙꓵ ꓔꓯ ꓕꓱ ꓟ ꓡꓰ ꓐꓰ ꓓꓵꓽ ꓙ ꓔꓱ, ꓕ ꓪꓽ ꓘꓴ ꓟ ꓔꓯ ꓬꓰ ꓓꓳ ꓡꓰ ꓟ ꓠꓬ꓾ “ꓠꓲ, ꓟ꓾ ꓖꓳ ꓓꓱ꓾ꓦ꓾” ꓢꓯꓼ ꓪ ꓝꓮꓲ ꓪ ꓠ, ꓟ ꓐꓰ ꓡ ꓠ, ꓟ ꓗꓪ ꓬꓰ ꓠ ꓔ ꓟ ꓟꓬꓱꓽ꓾ ꓧꓳꓽ ꓣꓱ ꓠ, ꓟ ꓪꓴ‐ꓢ ꓟꓬꓱꓽ ꓠꓯꓼ ꓗꓪ ꓪꓴ‐ꓢ ꓠꓲ, ꓡꓶꓽ ꓙꓳ ꓟ ꓡꓰ ꓐꓰ ꓠꓲ, ꓟ ꓫꓵꓼ꓾ ꓞꓳ ꓤ ꓫꓵꓼ ꓐꓰ ꓝꓮꓲ ꓟꓬꓱꓽ ꓬꓰ ꓐ ꓡ ꓠ, ꓟ ꓥ ꓡꓳ꓾ ꓐꓰ ꓢꓯꓼ ꓖꓶ ꓔ ꓡꓳ꓿
ꓣꓰꓔꓣꓰꓮꓔ ꓑꓣꓰꓮꓚꓧꓰꓣ ꓥ ꓟ ꓔꓲꓺ ꓒ ꓚꓬꓑꓣꓲꓮꓠ ꓮꓴꓠꓖ ꓪꓲꓠ ꓗꓪ ꓐꓰ ꓔꓲꓺ ꓒ ꓓꓽ ꓐꓰ ꓔꓲꓺ ꓒ ꓐꓴ ꓮ ꓙꓵ ꓔꓯ ꓫ ꓟꓳ ꓚꓱ,꓾ ꓬꓲ ꓢꓳꓺ ꓙꓳ ꓟ ꓥ ꓢꓲ ꓔꓲꓺ ꓒ ꓒꓬꓱꓼ ꓡꓰ ꓟ ꓔꓲꓺ ꓒ ꓐꓴ ꓐꓰ ꓕꓲ ꓪ ꓟꓲ‐ꓢ ꓪꓽ ꓘꓴ ꓐ ꓡ ꓟ ꓑꓶ ꓓꓴ ꓮ ꓘꓶ. ꓗ, ꓛꓲ_ ꓟ ꓚꓱ,꓾ ꓔꓲꓺ ꓒ ꓐꓴ ꓮ ꓙꓵ ꓠꓬ ꓬꓲꓼ ꓠꓬꓲ ꓤ ꓐꓴ ꓡꓰ ꓥ ꓟ ꓑꓶ ꓓꓴ ꓕꓲ ꓣꓳ ꓐꓰ ꓕꓲ ꓣꓳ ꓬꓲꓼ ꓠꓬꓲ ꓤ ꓠꓲ, ꓟ ꓔꓬ ꓠ, ꓟ ꓐꓰ ꓠꓲ, ꓟ ꓐꓬ ꓔꓬ ꓟ ꓙꓵ, ꓗꓪ ꓕꓲ ꓣꓳ ꓛꓳ ꓕꓲ ꓣꓳ ꓢꓯꓼ ꓖꓶ ꓢꓲ ꓬꓰ ꓙ ꓔꓳ, ꓙ ꓡꓯ ꓘꓳ ꓠ, ꓟ ꓚꓱ, ꓔꓯ ꓔꓲꓺ ꓒ ꓐꓴ ꓔꓯ ꓢꓯꓼ ꓖꓶ ꓗꓷ ꓟ ꓥꓳ꓿ ꓓꓵꓽ ꓙ ꓔꓱ, ꓕ ꓪꓽ ꓘꓴ ꓟ ꓗꓪ ꓔꓲꓺ ꓒ ꓓꓽ 2 ꓣꓳ ꓐꓰ ꓔꓲꓺ ꓒ ꓐꓴ ꓮ ꓙꓵ (66) ꓣꓳ ꓜꓲꓼ ꓗꓷ ꓟ ꓥꓳ꓿
