ꓮꓢꓲꓮ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓢꓷ. ꓠꓲ, ꓙꓳ ꓒꓽ ꓐꓴ ꓡꓰ ꓐꓰ ꓙꓻ ꓫꓱꓽ ꓢꓴ ꓗꓷ ꓡꓰ ꓝꓲ ꓐꓰ ꓔꓲꓺ ꓒ ꓓꓽ ꓟ ꓚꓮꓣꓓꓲꓠꓮꓡ ꓔꓮꓖꓡꓰ ꓢꓯꓼ ꓖꓶ_ ꓟ꓾
ꓔꓲꓺ ꓒ ꓓꓽ ꓟ ꓚꓮꓣꓓꓲꓠꓮꓡ ꓔꓮꓖꓡꓰ ꓠꓬ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓔꓯ ꓚꓵ ꓚꓵ ꓔꓱ, ꓟ ꓙꓻ ꓫꓱꓽ ꓢꓴ ꓗꓷ ꓡꓰ ꓝꓲ꓾ ꓙꓽ ꓣꓳꓺ ꓠꓲ, ꓙꓳ ꓡꓰ ꓢꓲ꓾ ꓢꓲ ꓫꓬ ꓕꓳ ꓶ ꓗꓪ ꓢꓷ. ꓠꓲ, ꓙꓳ ꓒꓽ ꓐꓴ ꓡꓰ ꓐꓰ ꓪꓴꓽ ꓓꓰ ꓡꓰ ꓟ ꓠꓲ, ꓟ꓾ ꓒꓴ ꓒꓴ ꓡꓯ ꓡꓯ ꓙꓳ ꓠ, ꓟ꓾ ꓟꓶ‐ꓡꓯ‐ꓫ ꓗꓴꓷꓼ ꓑꓰꓠꓮꓠꓖ ꓡꓳ ꓒꓱ ꓗꓪ ꓬꓰ ꓗꓷ ꓟ ꓮꓢꓲꓮ ꓗꓴꓷꓼ ꓗ‐ꓕꓳ‐ꓡꓲꓗ ꓔꓲꓺ ꓒ ꓓꓽ ꓟ ꓜꓴꓻ (ꓝꓮꓐꓚ) ꓖꓪ ꓙꓱ ꓜꓲꓼ ꓓꓴ ꓗꓪ ꓢꓯꓼ ꓖꓶ ꓗꓷ ꓟ ꓥꓳ꓿ ꓖꓪ ꓙꓱ ꓜꓲꓼ ꓓꓴ ꓗꓪ ꓜꓲꓼ ꓡ ꓢꓴ ꓐꓴ ꓔꓯ ꓢꓯ. ꓔꓬ ꓟ ꓥꓳ ꓡꓳ. ꓓꓴ ꓚꓺ ꓟꓲꓽ ꓒꓬꓱꓼ ꓡꓰ ꓠ, ꓟ꓾ ꓢꓲ ꓒꓽ ꓬꓰ‐ꓢꓴ ꓓꓳꓽ ꓔꓯ ꓣꓳ ꓫ. ꓪ ꓐꓯ ꓘꓶꓽ꓾ ꓟꓬꓱꓽ ꓠꓯꓼ ꓗꓪ ꓙꓻ ꓡꓯ ꓘꓳ_ ꓟ ꓗꓪ ꓐꓰ ꓟ. ꓖꓶ ꓠ, ꓟ ꓢꓯꓼ ꓖꓶ_ ꓡꓳ꓿
ꓔꓲꓺ ꓒ ꓓꓽ ꓟ ꓚꓮꓣꓓꓲꓠꓮꓡ ꓔꓮꓖꓡꓰ ꓠꓬ ꓔꓲꓺ ꓒ ꓪ ꓔꓲ ꓠꓯꓼ ꓗꓪ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓛꓱꓻ ꓓꓳꓺ ꓠ, ꓟ ꓣꓳ. ꓦꓲꓻ ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓥ ꓡꓳ꓿ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓔꓯ ꓚꓲ ꓛꓬ ꓐꓱ ꓶ ꓡꓰ ꓓꓵꓽ ꓙ ꓟ ꓠꓲ, ꓟ ꓟꓽ ꓙꓳ ꓠ, ꓟ꓾ ꓢꓯꓼ ꓖꓶ_ ꓡꓳ꓿ ꓕꓱ ꓮꓢꓲꓮ ꓔꓲꓺ ꓒ ꓓꓽ ꓜꓴ ꓐꓴ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ ꓗꓴꓷꓼ 30 ꓗꓴꓷꓼ ꓗꓪ ꓐꓰ ꓝꓲ ꓓꓴ ꓐꓴ 800 ꓣꓳ ꓟꓽ ꓞꓲ ꓜꓲꓼ ꓡ ꓟ ꓥꓳ꓿ ꓙꓵꓻ ꓠꓲ, ꓙꓻ ꓫꓱꓽ ꓟ ꓠꓬ ꓢꓷ. ꓠꓲ, ꓙꓳ ꓒꓽ ꓢꓽ ꓣꓳ ꓐꓰ ꓩꓴ‐ꓡꓲ ꓪ ꓔꓲ. ꓐꓴ ꓬꓲ ꓪ ꓛꓳ ꓫꓱꓽ ꓟ ꓠꓬ ꓟꓽ ꓫꓱ, ꓟ ꓡꓰ ꓐꓰ ꓗꓷ ꓠ ꓔ ꓡꓳ꓿ ꓢꓷ. ꓠꓲ, ꓙꓳ ꓒꓽ ꓢꓽ ꓣꓳ ꓐꓴ ꓛꓳ_ ꓟ ꓡꓰ ꓐꓰ ꓥꓳ ꓡꓳ. ꓟ꓾ ꓠꓲ, ꓟ ꓟꓽ ꓐꓬ ꓟ꓾ ꓚꓵ ꓚꓵ ꓓꓵꓽ ꓙ ꓢꓲ ꓙꓻ ꓫꓱꓽ_ ꓟ꓾ ꓓꓵꓽ ꓙ ꓞꓷ, ꓓꓴ ꓠꓯꓼ ꓗꓪ ꓠꓲ, ꓟ ꓫꓵꓺ ꓢꓲ ꓢꓲ ꓒ ꓬꓰ‐ꓢꓴ ꓐꓰ ꓕꓲ ꓪ ꓛꓳ ꓫꓱꓽ ꓠ, ꓟ ꓔꓲꓺ ꓒ ꓓꓽ ꓟ ꓡꓰ ꓢꓯꓼ ꓖꓶ ꓗꓷ ꓟ ꓥꓳ꓿
