ꓟꓶ‐ꓡꓯ‐ꓫ ꓗꓴꓷꓼ ꓑꓰꓠꓮꓠꓖ ꓡꓳ ꓒꓱ ꓗꓪ ꓮꓢꓲꓮ ꓗꓴꓷꓼ ꓗꓪ ꓐꓰ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓐꓴ ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓓꓳꓽ
11 ꓦ ꓟ 30 ꓠꓬꓲ 2025 ꓘꓳꓼ ꓕꓯ ꓟꓶ‐ꓡꓯ‐ꓫ ꓗꓴꓷꓼ ꓑꓰꓠꓮꓠꓖ ꓡꓳ ꓒꓱ ꓗꓪ ꓮꓢꓲꓮ ꓗꓴꓷꓼ ꓗꓪ ꓐꓰ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓐꓴ ꓐꓰ ꓔꓲꓺ ꓒ ꓔꓲꓺ ꓟ ꓐꓴ ꓖꓪ ꓙꓱ ꓜꓲꓼ ꓓꓴ ꓔꓯ ꓧꓪ. ꓧꓪ.ꓼ ꓐꓰ ꓬꓰ ꓓꓳ ꓡꓰꓳ ꓐꓰ ꓢꓷ. ꓪ ꓡꓳ꓿ ꓕꓱ ꓖꓪꓽ ꓙꓱ ꓜꓲꓼ ꓓꓴ ꓬꓲ ꓟꓶꓽ ꓦꓬꓼ ꓠꓬꓲ ꓗꓪ ꓑꓰꓠꓮꓠꓖ ꓡꓳ ꓒꓱ ꓗꓪ ꓫꓬ, ꓦ ꓟ ꓙꓲꓻ ꓫꓬ ꓢꓴ ꓮꓠꓠ ꓪꓽ ꓘꓴ ꓦꓲꓻ ꓗꓪ ꓟꓲ‐ꓢ ꓔꓲ ꓓꓴ ꓪꓽ ꓘꓴ ꓙꓵ, ꓬꓰ ꓗꓷ ꓟ ꓥ ꓡꓳ꓿
ꓥꓳꓻ ꓡꓳ ꓓꓴ ꓔꓶꓻ ꓙꓱꓽ ꓗꓪ ꓕꓲ ꓪ ꓙꓻ ꓫꓱ_ ꓟ ꓐꓰ ꓟꓬꓱꓺ_ ꓟ ꓮꓢꓲꓮ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓐꓴ ꓠꓯꓼ ꓗꓪ ꓣꓱ ꓬꓯꓼ ꓣꓱ ꓞ, ꓔꓬ ꓟ ꓚꓱ, ꓮ ꓟꓬ, ꓔꓯ ꓖꓪ ꓙꓱ ꓗꓷ ꓐꓰ ꓢꓷ. ꓪ ꓡꓳ꓿
ꓫ. ꓟꓳ ꓟ ꓟꓲ‐ꓢ ꓔꓲ ꓪꓽ ꓘꓴ ꓙꓵ, ꓗꓪ ꓦꓮꓔꓲꓚꓮꓠ ꓗꓴꓷꓼ ꓓꓳꓽ ꓫꓵꓽ ꓐꓯ ꓑꓶ ꓔꓲ. ꓗꓪ ꓐꓰ ꓔꓲꓺ ꓒ ꓓꓽ Cardinal Luis Antonio G.Tagle ꓡꓰ ꓧꓳꓽ ꓪꓴ. ꓟꓴ ꓗꓷ ꓟ ꓥ ꓡꓳ꓿ꓝꓮꓲ ꓟꓲ‐ꓢ ꓔꓲ ꓪꓽ ꓘꓴ ꓙꓵ, ꓗꓪ ꓔꓲꓺ ꓒ ꓓꓽ ꓐꓴ ꓔꓲꓺ ꓒ꓾ ꓔꓲꓺ ꓟ ꓐꓴ ꓐꓰ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓔ ꓗꓷꓳ ꓐꓰ ꓢꓷ. ꓪ ꓡꓳ꓿
