Asia Mission Congress ꓖꓪ ꓙꓱ ꓜꓲꓼ ꓓꓴ ꓔꓯ ꓮ ꓟꓰ 11 ꓦ 27 ꓠꓬꓲ 2025 ꓘꓳꓼ ꓠꓽ ꓢꓽ ꓠꓬꓲ ꓕꓯ ꓬꓰ ꓓꓳˍ ꓟ ꓓꓳꓽ
11 ꓦ ꓟ 27 ꓠꓬꓲ 2025 ꓘꓳꓼ ꓠꓽ ꓢꓽ ꓠꓬꓲꓽ ꓕꓯ Asia Mission Congress ꓖꓪ ꓙꓱ ꓜꓲꓼ ꓓꓴ ꓔꓯ ꓬꓰ ꓗꓷꓳ ꓐꓰ ꓐꓯ ꓔ ꓡꓳ꓿ ꓕꓱ ꓖꓪ ꓙꓱ ꓜꓲꓼ ꓓꓴ ꓔꓯ ꓟꓶ‐ꓡꓯ‐ꓫ ꓗꓴꓷꓼ ꓐꓲ‐ꓠ ꓡꓳ ꓒꓱ ꓗꓪ ꓬꓰ ꓔꓬ ꓟ ꓥ ꓡꓳ꓿ ꓖꓪ ꓙꓱ ꓜꓲꓼ ꓓꓴ ꓬꓲ ꓪꓴ. ꓕꓲ ꓠꓬꓲ ꓔꓯ ꓠꓬ ꓟꓶꓼ ꓘꓶꓼ 3ꓽ30 ꓗꓪ ꓪꓴ. ꓔꓴ ꓗꓷ ꓟ ꓥ ꓡꓳ꓿
ꓝꓮꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓟꓲ‐ꓢ ꓔꓲ ꓓꓴ ꓪꓽ ꓘꓴˍ ꓟ ꓥ ꓟꓲ ꓬꓰ ꓗꓷꓳ꓿ ꓟꓲ‐ꓢ ꓔꓲ ꓓꓴ ꓔꓯ ꓧꓳꓽ ꓪꓴ. ꓟꓴ ꓢꓴ ꓠꓬ ꓔꓲꓺ ꓒ ꓓꓽ Sebastian꓾ CARDINAL FRANCIS Bꓴ ꓥ ꓢꓲ ꓠꓬꓲ ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓐꓴ ꓐꓰ ꓔꓲꓺꓒ ꓓꓽ ꓐꓴ ꓔꓲꓺ ꓒ꓾ ꓔꓲꓺ ꓟ ꓐꓴ ꓐꓰ ꓟꓬ‐ꓟ ꓗꓴꓷꓼ ꓗꓪ ꓐꓰ ꓖꓪ ꓙꓱ ꓜꓲꓼ ꓓꓴ ꓗꓪ ꓡ ꓢꓴ ꓐꓴ ꓮ ꓙꓵꓽ ꓥ ꓟꓲ ꓐ ꓗꓷꓳ꓿ ꓖꓪ ꓙꓱ ꓜꓲꓼ ꓓꓴ ꓗꓪ ꓓꓽ ꓪꓴ. ꓘꓳ, ꓣꓴ ꓘꓶꓽ ꓔꓯ ꓔꓲꓺ ꓒ ꓓꓽ GEORGE PALLIPPARAMBI S.D.B, ꓡꓰ ꓘꓳ, ꓣꓴ ꓘꓶꓽ ꓔꓯ ꓫ. ꓕꓱ ꓗꓷꓳ꓿
ꓬꓲ ꓠꓬ ꓮꓢꓲꓮ ꓔꓲꓺ ꓒ ꓓꓽ ꓐꓴ ꓣꓳ. ꓦꓲꓻ ꓗꓪ (FABC OE) ꓗꓪ ꓧꓳꓽ ꓪꓴ. ꓟꓴ ꓔꓬ ꓢꓴ ꓥ ꓡꓳ꓿ ꓙꓵꓻ ꓠꓲ, ꓔꓯ ꓪꓴꓽ ꓟꓴ ꓡ ꓠ, ꓟ ꓟ. ꓟꓲꓽ ꓚꓱ, ꓔꓯ ꓔꓲꓺ ꓒ ꓓꓽ LUIS ANTONIO LE M. MI: ꓚꓺ ꓗꓷ ꓟ ꓥ ꓡꓳ꓿ ꓬꓲ ꓡꓰ ꓟꓽ ꓫꓱ. ꓡꓯꓽ ꓘꓳ, ꓟ ꓚꓱ, ꓗꓪ ꓐꓰ ꓥꓳ ꓡꓳ. ꓓꓴ ꓙꓵꓻ ꓠꓲ, ꓐꓰ ꓟꓬꓱꓺ ꓔ ꓟ ꓬꓲ ꓕꓲ ꓟꓳ ꓗꓪ ꓐꓰ ꓟ. ꓟꓲꓽ ꓚꓺ ꓗꓷꓳ꓿ ꓕꓱ ꓡꓰ ꓐꓰ ꓬꓲ ꓪꓴ. ꓕꓲ ꓠꓬꓲ ꓟ ꓖꓪ ꓙꓱ ꓜꓲꓼ ꓓꓴ ꓔꓯ ꓠꓬ ꓟꓶ‐ꓡꓯ‐ꓫ ꓬꓲ ꓙꓵ, ꓟꓶꓼ ꓘꓶꓼ 9ꓼ30 ꓕꓯ ꓠꓽ ꓡꓰ ꓢꓲ ꓠꓬꓲ ꓟꓶꓼ ꓘꓶꓼ ꓜꓻ ꓜꓽ ꓗꓷ ꓟ ꓥ ꓡꓳ꓿
