ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓠꓯꓼ ꓗꓪ ꓓꓽ ꓪꓴ. ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓠꓲꓚꓮꓰꓮ ꓡꓳ ꓒꓱ ꓗꓪ ꓖꓪꓽ ꓙꓱ ꓗꓷ ꓟ ꓝꓲ ꓓꓴ ꓐꓴ ꓙꓵꓻ ꓠꓲ, ꓚꓱ, ꓠꓬ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓕꓯ ꓥ ꓟꓲ ꓒꓵꓽ ꓠ, ꓟ ꓐꓰ ꓪꓽ ꓡꓯꓽ ꓘꓳ ꓠ, ꓟ ꓥ ꓡꓳ ꓐꓰ ꓐꓯ ꓔ ꓟ ꓓꓳꓽ
11 ꓦ ꓟ 23 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓔꓴꓣꓗꓰꓬ ꓗꓴꓷꓼ ꓗꓪ ꓟꓽ ꓛꓳ ꓬꓰ ꓢꓲ ꓕꓯ ꓮꓓ (1700) ꓘꓳꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓠꓯꓼ ꓗꓪ ꓓꓽ ꓪꓴ. ꓖꓪꓽ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓝꓲ ꓓꓴ ꓐꓴ ꓙꓵꓻ ꓠꓲ, ꓚꓱ, (ꓠꓲꓚꓮꓰꓮ ) ꓡꓳ ꓒꓱ ꓗꓪ ꓬꓰ ꓗꓷ ꓟ ꓠꓬ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓮ ꓫꓵꓽ ꓔꓯ ꓙꓵꓻ ꓔꓬ ꓟ ꓐꓰ ꓟꓵꓽ ꓗꓳ. ꓓꓵ ꓓꓵ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓪꓽ ꓡꓯꓽ ꓘꓳ ꓠ, ꓟ ꓥ ꓡꓳ ꓐꓰ ꓫ. ꓕꓱ ꓗꓷꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓕꓲ ꓠꓲ, ꓕꓲ ꓪ ꓪꓽ ꓡꓯꓽ ꓘꓳ ꓢꓲ ꓠꓬꓲ ꓙꓵꓻ ꓠꓲ, ꓕꓲ ꓟ ꓐꓰ ꓟꓲ ꓕꓯ ꓢꓲ ꓗꓪ ꓙꓰ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓝꓮꓲ ꓠꓲꓚꓮꓰꓮ ꓡꓳ ꓒꓱ ꓗꓪ ꓬꓰ ꓗꓷ ꓟ ꓝꓲ ꓓꓴ ꓐꓴ ꓙꓵꓻ ꓠꓲ, ꓚꓱ, ꓠꓬ ꓮ ꓘꓶ. ꓣꓳ ꓚꓵˍ ꓟ ꓚꓱ, ꓔꓯ ꓥ ꓟꓲ ꓐꓯ ꓔ ꓡꓳ꓿
ꓠꓲꓚꓮꓰꓮ ꓡꓳ ꓒꓱ ꓗꓪ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓚꓵ ꓚꓵ ꓥ ꓟ ꓔꓯ ꓙꓵꓻ ꓠ, ꓟ ꓐꓳ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓮ‐ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓥꓳꓽ ꓡꓰ ꓟ ꓙꓵꓻ ꓠꓲ, ꓔꓯ ꓗꓽ ꓕ ꓖꓶ ꓢꓲ ꓠꓬꓲ ꓔꓱ, ꓚꓵˍ ꓟ ꓙꓵꓻ ꓠꓲ, ꓔꓯ ꓫꓵꓻ ꓗꓪ ꓛꓲ ꓒꓵꓽ ꓛꓳ ꓢꓴ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓥ ꓟꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓣꓳ ꓙꓵꓻ ꓠꓲ, ꓔꓯ ꓢꓴ ꓔꓯ ꓟ. ꓖꓶ ꓠ, ꓟ ꓮ ꓘꓶ. ꓙꓲ_ ꓟ ꓬꓲ ꓙꓵ, ꓥ ꓡꓳ ꓐꓰ ꓐꓯ ꓔ ꓡꓳ꓿
ꓕꓲ ꓠꓲ, ꓕꓲ ꓪ ꓪꓽ ꓡꓯꓽ ꓘꓳ꓾ ꓝꓮꓲ ꓟꓲ ꓠꓯ ꓢꓲ ꓡꓲ, ꓟ ꓚꓱ, ꓗꓪ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓙꓰ ꓠ, ꓟ ꓐꓰ ꓢꓲꓽ ꓫꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓒꓬꓱꓼ ꓡ ꓠ, ꓟ ꓢꓯꓼ ꓕꓵꓼ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱ ꓔ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰꓳ ꓠꓬ ꓮ‐ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓓꓽ ꓪꓴ. ꓖꓪ ꓙꓱ ꓜꓲꓼ ꓓꓴ ꓬꓰ ꓗꓷ ꓟ (ꓠꓲꓚꓮꓰꓮ) ꓡꓳ ꓒꓱ ꓗꓪ ꓙꓰ ꓢꓲ ꓒꓵꓽ ꓗ, ꓬꓰ ꓠ, ꓟ ꓙꓳ ꓟ ꓥ ꓡꓳ ꓐꓰ (Vatican News) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
