ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓔꓲꓺ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡꓮ‐ꓢꓮꓟ ꓠꓬ ꓮ‐ꓡꓮꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓗꓪ ꓓꓽ ꓪꓴ. ꓕꓲ ꓧꓪ, ꓟ ꓚꓳ ꓙꓰ ꓟ꓾
11 ꓦ ꓟ 22 ꓠꓬꓲ 2025 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓔꓲꓺ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡꓮ‐ꓢꓮꓟ ꓠꓬ ꓮ‐ꓡꓮꓟ ꓞꓳ ꓘ, ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓐꓰ ꓓꓽ ꓪꓴ. ꓕꓲ ꓧꓪ, ꓟ ꓜꓲꓼ ꓗꓷꓳ꓿ ꓮ ꓟꓶ ꓟ ꓙꓵ, ꓗꓪ ꓮ‐ꓡꓮꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓔꓲꓺ ꓒ ꓡꓴ‐ꓘ ꓗꓮꓪꓮ ꓔꓴ ꓟꓮꓲ ꓥ ꓡꓳ꓿ ꓝꓮꓲ ꓮ‐ꓡꓮꓟ ꓔꓲꓺ ꓒ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓔꓲ ꓒ ꓓꓽ ꓔꓯ ꓘꓳ, ꓣꓴ ꓗꓷ ꓟ ꓥ ꓡꓳ꓿
ꓝꓮꓲ ꓮ‐ꓡꓮꓟ ꓪꓽ ꓘꓴ ꓦꓲꓻ ꓗꓪ ꓟꓲ‐ꓢ ꓔꓲ ꓖꓶ ꓟ ꓙꓵ, ꓕꓯ ꓙꓲꓺ ꓢꓴ ꓢꓲꓺ ꓤ ꓐꓴ ꓔꓯ ꓮ ꓟꓬ, ꓛꓲ ꓢꓯꓼ ꓖꓶ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓓꓽ ꓠꓬ ꓟꓲ‐ꓢ ꓔꓲ ꓖꓶ ꓟ ꓙꓵ, ꓕꓯ (Confirmation Sacrament) ꓦꓻ ꓢꓯꓼ ꓪ ꓡꓴ ꓖꓶ ꓟ ꓢ‐ꓗ‐ꓟꓲ‐ꓔꓴ ꓔꓯ ꓥ ꓟꓲ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓖꓶ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓮ‐ꓡꓮꓟ ꓔꓲꓺ ꓒ ꓙꓵꓽ ꓔꓶ. ꓙꓲ‐ꓢꓴ ꓢꓲꓺ ꓤ (313) ꓣꓳ ꓔꓬ ꓟ ꓔꓶ. ꓥ ꓡꓳ꓿ ꓝꓮꓲ ꓟꓲ‐ꓢ ꓔꓲ ꓪꓽ ꓘꓴ ꓙꓵ, ꓗꓪ ꓙꓲ‐ꓢꓴ ꓢꓲꓺ ꓤ (130) ꓣꓳ ꓔ ꓗꓷꓳ ꓐꓰ (Rva Kachin ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
