ꓢꓲ ꓒꓽ ꓬꓰ‐ꓢꓴ ꓠꓬ ꓬꓲꓽ ꓤ ꓠꓱ ꓥˍꓟ ꓣꓴ ꓐꓴ ꓐꓱ ꓶ ꓢꓲ ꓡꓲ. ꓗꓷ ꓠ, ꓟ ꓔꓯ ꓥꓳꓽ ꓡꓳ. ꓔꓬ ꓡꓳ ꓐꓰ ꓔꓲ.. ꓒ ꓡꓰꓳ (14) ꓡꓰ ꓐꓯˍꓟ ꓓꓳꓽ
ꓡꓳ, ꓬꓰ ꓟ ꓢꓲꓽ ꓒ ꓦꓬꓼ ꓠꓬꓲ ꓮꓠꓖꓰꓡꓴꓢ ꓪꓽ ꓘꓴ ꓙꓵ ꓕꓯ ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓠꓬꓲ. ꓤꓲ_ꓟ ꓟꓽ ꓬꓰ ꓠ, ꓟ ꓶꓽ ꓓꓰ ꓢꓲ꓾ ꓦ ꓡꓱ ꓢꓴ ꓐꓴ ꓠꓬ ꓞꓳ ꓫꓵꓽ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓗꓷ ꓟ ꓥ ꓡꓳ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓗꓷ ꓟ ꓥ ꓡꓳ꓿
ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓠꓬꓲ. ꓤꓲˍꓟ ꓢꓰꓽ ꓟ ꓕꓱ ꓡꓰ ꓬꓰ ꓔꓬ ꓟ ꓔꓯ ꓮ ꓙꓵꓽ ꓠꓲ, ꓟ ꓗ ꓟ ꓛꓲ ꓔꓬ ꓡꓳ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓡꓳ꓿ ꓟꓬ ꓠꓬꓲ ꓐꓭ ꓠꓬꓲ ꓐꓮꓠꓖꓡꓮꓓꓰꓢꓧ ꓠꓲꓖꓰꓣꓲꓮ ꓐꓰ ꓟꓳꓜꓮꓟꓐꓲQꓴꓰ ꓐꓰ ꓠꓱ. ꓐꓯꓼ ꓮ ꓟꓬ, ꓗꓴꓷꓼ ꓗꓪ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓠꓬꓲ. ꓤꓲˍꓟ ꓮ ꓟꓬ, ꓑ ꓙ ꓟ ꓥ ꓡꓳ꓿ ꓢꓲ ꓒꓽ ꓬꓰ‐ꓢꓴ ꓠꓬ ꓬꓲꓽ ꓤ ꓠꓱ ꓥˍꓟ ꓣꓴ ꓐꓴ ꓐꓱ ꓶ ꓢꓲ ꓡꓲ. ꓗꓷ ꓠ, ꓟ ꓔꓯ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓔꓲ.. ꓒ ꓡꓰꓳ ꓢꓷ. ꓙ ꓟꓳ ꓙ ꓗꓷ ꓟ ꓥ ꓡꓳ꓿
ꓟꓽ ꓞꓲ ꓴꓗꓣꓮꓲꓠ ꓟꓯꓼ ꓢꓱꓼ ꓡꓯꓼ ꓘꓳ, ꓡ ꓟ ꓑꓶ. ꓓꓴ ꓠꓲ., ꓟ ꓫ. ꓔꓬ ꓢꓴ ꓐꓴ ꓐꓰ ꓫꓵ., ꓡꓰ ꓢꓴ ꓐꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓥ ꓡꓳ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ꓿
