ꓠꓙꓮꓠꓖ ꓓꓴꓠꓖ ꓔꓲꓺ ꓒ ꓙꓵꓽ ꓔꓶ. ꓗꓪ ꓔꓬ ꓟ ꓞꓳ ꓡꓯ. ꓐꓴ ꓢꓲ ꓫꓬ ꓢꓴ ꓚꓳꓡꓴꓟꓐꓮꓠ ꓑꓮꓲ ꓚꓵ. ꓟꓶ ꓓꓴ ꓐꓰ ꓐꓲ‐ꓡꓴ. ꓔꓯ ꓡꓯ ꓘꓳ_ ꓟ꓾

ꓟꓲ‐ꓚ‐ꓠ ꓔꓲꓺ ꓒ ꓓꓽ ꓢ‐ꓢꓲ‐ꓠ ꓠꓙꓮꓠꓖ ꓓꓴꓠꓖ ꓔꓲꓺ ꓒ ꓙꓵꓽ ꓔꓶ. ꓗꓪ ꓔꓬ ꓟ ꓞꓳ ꓡꓱ ꓐꓴ 2025 ꓘꓳꓼ ꓢꓲ ꓫꓬ ꓢꓴ ꓚꓳꓡꓴꓟꓐꓮꓠ ꓑꓮꓲ ꓚꓵ. ꓟꓶ ꓓꓴ ꓐꓰ ꓐꓲ‐ꓡꓴ. ꓡꓳ ꓖꓪ ꓔꓯ ꓡꓯ ꓘꓳ_ ꓟ ꓑꓮꓲ ꓔꓯ 11 ꓦ ꓟ 16 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓑꓮꓔꓣꓲꓚꓗ ꓜꓲꓠꓪꓮ ꓐꓣꓮꓠꓖ ꓓꓲ ꓗꓪ ꓐꓰ ꓪꓽ ꓘꓴ ꓶ ꓥꓳꓽ ꓙꓱ ꓗꓷ ꓢꓲ ꓪꓴ. ꓔꓴ ꓗꓷ ꓟ ꓥꓳ꓿

ꓔꓯ ꓡꓯ ꓘꓳ_ ꓟ ꓔꓯ ꓠꓬ ꓠꓮꓟꓙꓲꓟ ꓟ. ꓒꓽ ꓙꓵꓽ ꓔꓶ.꓾ ꓢꓔ. ꓟꓮꓣꓬ ꓪꓽ ꓘꓴꓽ ꓦꓲꓻ ꓐꓲ‐ꓡꓴ. ꓡꓳ ꓖꓪ ꓔꓶ. ꓗꓪ 11 ꓦ 23 ꓠꓬꓲ 2025 ꓘꓳꓼ ꓗꓪ ꓛꓲ ꓡꓳ ꓖꓪ ꓓꓴ ꓥ ꓢꓲ ꓠꓬꓲ꓾ ꓤ ꓟꓶ ꓤ ꓞꓳ ꓡꓯ. ꓐꓴ ꓝꓴꓢꓮꓡ ꓡꓳ ꓖꓪ ꓔꓯ ꓡꓯ ꓘꓳ_ ꓟ ꓔꓯ ꓠꓬ ꓣꓮꓓꓮ ꓗꓮꓪꓠꓖ (ꓮꓴꓠꓖ ꓢꓔꓮꓣ) ꓝꓴꓢꓮꓡ ꓡꓳ ꓖꓪ ꓔꓶ. ꓗꓪ 11 ꓦ 22 ꓠꓬꓲ 2025 ꓘꓳꓼ ꓗꓪ ꓛꓲ ꓡꓳ ꓖꓪ ꓔꓯ ꓡꓯ ꓘꓳ ꓠ, ꓟ ꓥ ꓡꓳ꓾ ꓤ ꓑ. ꓤ ꓐꓲ‐ꓡꓴ. ꓬꓲ ꓟꓶ ꓔꓯ ꓡꓯ ꓘꓳ_ ꓟ ꓔꓯ ꓠꓬ 11 ꓦ 23 ꓠꓬꓲ 2025 ꓘꓳꓼ ꓕꓯ ꓥ ꓡꓳ꓾ ꓐꓰ ꓞꓳ ꓡꓯ. ꓪꓴ. ꓓꓵ ꓣꓱ ꓢꓴ ꓢꓽ ꓡ ꓙꓵꓽ ꓥ ꓟ ꓚꓳꓡꓴꓟꓐꓮꓠ ꓠꓔꓮꓪꓠꓖ ꓔꓴ ꓖꓴꓟ ꓙꓮ ꓠꓮꓪ ꓡꓰ ꓐꓯ ꓔ ꓟ ꓥꓳ꓿

ꓢꓲ ꓫꓬ ꓢꓴ ꓚꓳꓡꓴꓟꓐꓮꓠ ꓔꓯ ꓫꓱ. ꓖꓶ_ ꓟ ꓚꓵ. ꓟꓶ ꓓꓴ ꓑꓮꓲ ꓐꓲ‐ꓡꓴ. ꓡꓳ ꓖꓪ ꓔꓯ ꓡꓯ ꓘꓳ_ ꓟ ꓗꓪ ꓠꓙꓮꓠꓖ ꓓꓴꓠꓖ꓾ ꓣꓮꓓꓮ ꓗꓮꓪꓠꓖ꓾ ꓚꓬꓮꓣꓮꓑꓮꓔꓲ ꓐꓰ ꓠꓮꓟꓙꓲꓟ ꓟ. ꓒꓽ ꓙꓵꓽ ꓔꓶ. ꓗꓪ ꓐꓰ ꓞꓳ ꓡꓯ. ꓐꓴ ꓐ_ ꓡꓳ꓾ ꓐꓰ ꓣꓦꓮ ꓗꓮꓚꓧꓲꓠ ꓢꓰꓔꓦꓲꓚꓰ ꓗꓪ ꓐꓰ ꓢꓷ. ꓪ ꓡꓳ꓿