ꓔꓲꓺ ꓒ ꓓꓽ ꓙꓳꓧꓠ ꓠꓬ ꓟꓲ‐ꓚꓲ‐ꓠ ꓡꓳ ꓒꓱ ꓡꓰ‐ꓗꓳꓠꓰ ꓞꓳ ꓘ, ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓠꓯꓼ ꓗꓪ ꓚꓳ ꓙꓰ ꓟ ꓓꓳꓽ
ꓟꓲ‐ꓚꓲ‐ꓠ ꓔꓲꓺ ꓒ ꓓꓽ ꓢ‐ꓢꓲ‐ꓠ ꓔꓲꓺ ꓒ ꓓꓽ ꓙꓳꓧꓠ ꓟꓴꓠꓖ ꓠꓖꓮꓪꓠ ꓡꓮ ꓢꓮꓟ ꓠꓬ 11 ꓦ ꓟ 16 ꓠꓬꓲ 2025 ꓘꓳꓼ ꓕꓯ ꓟꓲ‐ꓚꓲ‐ꓠ ꓡꓳ ꓒꓱ ꓡꓰ‐ꓗꓳꓠꓰ ꓟ. ꓒꓽ ꓙꓵꓽ ꓔꓶ. ꓗꓪ ꓔꓬ ꓟ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓠꓯꓼ ꓗꓪ ꓚꓳ ꓙꓰ ꓢꓲ ꓠꓬꓲ ꓢꓔ. ꓑꓮꓴꓡ ꓪꓽ ꓘꓴ ꓦꓲꓻ ꓗꓪ ꓟꓲ‐ꓢ ꓪꓽ ꓘꓴ ꓖꓶ ꓗꓷ ꓟ ꓥꓳ꓿ ꓢꓔ. ꓑꓮꓴꓡ ꓪꓽ ꓘꓴ ꓦꓲꓻ ꓟꓲ‐ꓢ ꓪꓽ ꓘꓴ ꓬꓰ ꓔꓶ. ꓔꓯ ꓥ ꓟꓲ ꓝꓮꓲ ꓫꓬ, ꓓꓳ ꓡꓰ ꓟ ꓥꓳ꓾ ꓖꓳ ꓟ ꓡꓰ ꓐꓰ ꓢꓲ ꓫꓬ ꓑ ꓑ ꓔꓬ ꓔꓶ. ꓔꓯ ꓥ ꓟꓲ ꓪꓽ ꓘꓴ ꓶ ꓥꓳꓽ ꓙꓱ ꓗꓷ ꓖꓶ ꓟ ꓥꓳ꓿
ꓡꓰ‐ꓗꓳꓠꓰ ꓟ. ꓒꓽ ꓙꓵꓽ ꓔꓶ. ꓗꓪ ꓚꓳ ꓙꓰ ꓢꓲ ꓟꓲ‐ꓢ ꓪꓽ ꓘꓴ ꓖꓶ ꓗꓷ ꓟ ꓔꓲꓺ ꓒ ꓓꓽ ꓙꓳꓧꓠ ꓔꓯ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓥ ꓟꓲ ꓡꓲꓽ ꓒꓰꓼ ꓚꓱ, ꓗꓪ ꓐꓰ ꓥ ꓟꓲ ꓠꓲ, ꓡꓱ ꓗ, ꓛꓲ ꓛꓲ ꓐꓰ ꓘꓳ, ꓣꓴ ꓗꓷ ꓟ ꓥꓳ꓿
