ꓖ‐ꓟꓶ‐ꓓꓲ ꓑꓴꓔꓮꓳ ꓡꓳ ꓒꓱ ꓗꓪ ꓭ ꓛꓵ. ꓕꓲ ꓚ ꓠꓬ ꓡꓳ ꓟꓲ ꓒꓴ (38) ꓫꓬ, ꓒꓯꓼ ꓖꓶ ꓟ ꓓꓳꓽ
11 ꓦ ꓟ 17 ꓠꓬꓲ 2025 ꓘꓳꓼ ꓕꓯ ꓖ‐ꓟꓶ‐ꓓꓲ (Putao) ꓟꓵꓽ ꓗꓪ ꓭ ꓛꓵ. ꓕꓲ ꓚ ꓠꓬ ꓡꓳ ꓟꓲ ꓒꓴ (38) ꓫꓬ, ꓒꓯꓼ ꓖꓶ ꓡꓳ ꓐꓰ ꓢꓷ. ꓪ ꓡꓳ꓿ ꓕꓲ ꓘꓳꓼ ꓡꓰ ꓕꓲ ꓘꓳꓼ 10 ꓦ ꓗꓪ ꓐꓰ 12 ꓦ ꓘꓴꓽ ꓠꓬ ꓡꓳ ꓗ, ꓡꓳ꓾ ꓒ ꓕꓲ ꓗꓪ ꓡꓳ ꓓꓲ ꓘꓴꓽ ꓗꓪ ꓔꓬ ꓟ ꓟ ꓭ ꓛꓵ. ꓠꓬ ꓞꓲ ꓠꓲ, ꓠꓬ ꓮ ꓘꓶ. ꓛꓲ ꓒꓵꓽ_ ꓟ ꓘꓳꓼ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓭ ꓛꓵ. ꓠꓬ ꓗ‐ꓛꓲ ꓗꓴꓷꓼ ꓫꓴꓻ ꓖ‐ꓟꓶ‐ꓓꓲ ꓑꓴꓔꓮꓳ ꓟꓵꓽ ꓗꓪ ꓮ ꓘꓶ. ꓔꓬ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓭ ꓛꓵ. ꓠꓬ ꓮ ꓘꓶ. ꓛꓲ ꓒꓵꓽ ꓡ ꓟ ꓪꓴ. ꓠꓬꓲ ꓮ ꓘꓶ. ꓟꓽ ꓔꓬ ꓗꓷ ꓡꓰꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓭ ꓛꓵ. ꓧꓪ ꓢꓴ ꓐꓴ ꓠꓬ ꓞꓳ ꓘ, ꓗꓪ ꓐꓰ ꓶꓻ ꓤ ꓗꓪ ꓙꓰ ꓢꓲ ꓠꓬꓲ ꓧꓪ ꓡꓰ ꓟ ꓥ ꓡꓳ꓿ ꓞꓲ ꓠꓲ, ꓠꓬ ꓭ ꓛꓵ. ꓕꓲ ꓚ ꓠꓬ ꓡꓳ ꓟꓲ ꓒꓴ (38) ꓫꓬ, ꓖꓶ ꓡꓳ ꓐꓰ (Ah Si one) ꓡꓰ ꓐꓳ ꓔ ꓟ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
