ꓑꓮꓔꓧꓰꓲꓠ ꓢ‐ꓢꓲ‐ꓠ ꓘꓴꓽ ꓗꓪ ꓪꓴ‐ꓢ ꓶꓼ ꓓꓳꓽ ꓫꓱ, ꓓꓳꓽ ꓬꓰ ꓠ, ꓟ ꓤ ꓠꓱ ꓤ ꓜꓴꓻ ꓔꓯ ꓓꓽ ꓪꓴ. ꓒꓴ ꓖꓶ ꓗꓷ ꓟ꓾

11 ꓦ ꓟ 9 ꓠꓬꓲ 2025 ꓘꓳꓼ ꓕꓯ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓑꓮꓔꓧꓰꓲꓠ ꓢ‐ꓢꓲ‐ꓠ ꓘꓴꓽ ꓗꓪ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓤ ꓠꓱ ꓤ ꓜꓴꓻ ꓔꓯ ꓓꓽ ꓪꓴ. ꓒꓴ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿ ꓕꓱ ꓤ ꓠꓱ ꓤ ꓔꓯ ꓑꓮꓔꓧꓰꓲꓠ ꓡꓳ ꓒꓱ ꓟꓲ‐ꓟꓬ‐ꓘꓳ‐ꓣꓲ ꓞꓳ ꓘ, ꓓꓽ ꓗꓪ (Pontifical Society of Missionary Childhood) ꓜꓴꓻ ꓔꓯ ꓒꓴ ꓖꓶ ꓗꓷꓳ꓿

ꓕꓱ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓤ ꓠꓱ ꓤ ꓜꓴꓻ ꓔꓯ ꓠꓯꓼ 7 ꓙꓵ, ꓕꓯ ꓪꓽ ꓘꓴ ꓦꓲꓻ ꓘꓴꓽ ꓗꓪ ꓟꓲ‐ꓢ ꓔꓲ ꓖꓶ ꓪꓽ ꓘꓴ ꓙꓵ, ꓬꓰ ꓖꓶ ꓢꓲ ꓠꓬꓲ ꓒꓴ ꓖꓶ ꓗꓷ ꓟ ꓥ ꓡꓳ꓿ ꓤ  ꓠꓱ ꓤ ꓜꓴꓻ ꓔꓯ ꓒꓴ ꓖꓶ ꓗꓷ ꓟ ꓙꓵ, ꓕꓯ ꓤ ꓠꓱ ꓤ ꓐꓴ (141) ꓣꓳ ꓐ ꓗꓷ ꓟ ꓥ ꓡꓳ꓿ ꓕꓱ ꓤ ꓠꓱ ꓤ ꓜꓴꓻ ꓔꓯ ꓧꓳꓽ ꓪꓴ. ꓟꓴ ꓢꓴ ꓠꓬ ꓔꓲꓺ ꓒ Cyril Win Mg ꓥ ꓡꓳ꓿

ꓟꓲ‐ꓢ ꓔꓲ ꓖꓶ ꓟ ꓙꓵ, ꓗꓪ ꓟ. ꓟꓲꓽ ꓚꓺ ꓖꓶ ꓢꓴ ꓠꓬ ꓔꓲꓺ ꓒ ꓝꓣꓮꓠꓚꓲꓢ ꓟꓲꓠ ꓟꓲꓠ ꓧꓔꓴꓠ ꓥ ꓡꓳ꓿ ꓔꓲꓺ ꓒ ꓡꓰ ꓟ. ꓟꓲꓽ ꓚꓺ ꓟ. ꓗꓪ ꓠꓬꓲ. ꓠꓬꓲ ꓙꓲꓻ ꓫꓬ ꓢꓴ ꓬꓳ‐ꓦ ꓑꓮꓲꓽ ꓦꓬꓼ ꓠꓬꓲ ꓥ ꓡꓳ꓿ ꓝꓮꓲ ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ ꓢꓲꓽ ꓫꓬ ꓦꓲꓻ ꓪꓽ ꓘꓴ ꓦꓲꓻ ꓗꓪ ꓶꓻ ꓡꓯꓼ ꓬꓰ ꓢꓴ ꓐꓴ ꓔꓯ ꓫꓬ, ꓡꓰ ꓝꓲ ꓟ ꓢꓲꓽ ꓫꓬ ꓕꓳ ꓶ ꓥ ꓡꓳ꓿

ꓠꓬꓲ. ꓠꓬꓲ ꓣꓳ ꓤ ꓠꓱ ꓤ ꓐꓴ ꓣꓳ ꓧꓪꓽ ꓖꓳ ꓓꓱ ꓠꓬ ꓢꓲꓺ ꓒ ꓬꓰ‐ꓢꓴ ꓔꓬ ꓟ ꓢꓲꓽ ꓫꓬ ꓦꓲꓻ ꓥ ꓟ ꓪꓴ. ꓠꓬꓲ ꓢꓲꓽ ꓫꓬ ꓠ, ꓟ ꓣꓳ. ꓚꓵ_ ꓟ ꓚꓱ, ꓔꓯ ꓟ. ꓟꓲꓽ ꓚꓺ ꓖꓶ ꓗꓷ ꓟ ꓥ ꓡꓳ꓿

ꓝꓮꓲ ꓤ ꓠꓱ ꓤ ꓜꓴꓻ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓚꓬꓣꓲꓡ ꓡꓰ ꓢꓯꓼ ꓖꓶ ꓟ ꓠꓬ ꓠꓬꓲ. ꓠꓬꓲ ꓣꓳ ꓤ ꓠꓱ ꓤ ꓐꓴ ꓜꓴꓻ ꓠꓬ ꓛꓲ ꓡ ꓟ ꓙꓵ, ꓕꓯ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓢꓴ꓾ ꓗꓴꓷꓼ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓥ ꓡꓳ ꓐꓰ ꓢꓯꓼ ꓖꓶ ꓗꓷ ꓐꓰ ꓣꓦꓮ ꓑꓪꓳ ꓗꓮꓣꓰꓠ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿