ꓣꓳ ꓐꓴ ꓠꓬ ꓢꓲ ꓒꓽ ꓬꓰ-ꓢꓴ ꓐꓰ ꓕꓲ ꓠꓲꓹ ꓕꓲ ꓪꓽꓙ ꓫꓱꓹ ꓢꓴ ꓥ ꓡꓳ ꓐꓰ ꓔꓲꓸꓸ ꓒ ꓪ ꓔꓲ ꓡꓰꓳ (14) ꓡꓰ ꓐꓯˍꓟ ꓓꓳꓽ

ꓡꓳꓹ ꓬꓰ ꓟ ꓕꓲ ꓙꓵꓽ ꓕꓯ ꓢꓮꓲꓠꓔ ꓙꓳꓧꓠ ꓪꓽ ꓘꓴꓽ ꓑꓮꓲ ꓗꓪ ꓣꓳ ꓐꓴ ꓠꓬ ꓫꓸ ꓠꓬꓲ ꓤ ꓠꓲꓹꓟ ꓐꓰ ꓠꓲꓹ ꓟ ꓗꓴ ꓖꓶꓽ ꓟ ꓢꓲ ꓡꓲꓸ ꓗꓷ ꓠꓹ ꓟ ꓐꓰ ꓪꓴ-ꓢ ꓶꓼ ꓓꓳꓽ ꓫꓱꓼ ꓓꓳꓽ ꓔꓯ ꓕꓲ ꓟꓲ ꓠꓯ ꓡꓱ ꓢꓷꓸ ꓡꓰ ꓠꓹ ꓟ ꓐꓱ ꓶ ꓟꓸꓖꓶ ꓢꓴ ꓐꓴ ꓥ ꓡꓳ꓾ ꓐꓰ ꓔꓲꓸꓸ ꓒ ꓪ ꓔꓲ ꓡꓰꓳ (14) ꓡꓰ ꓢꓯꓼ ꓖꓶ ꓔ ꓟ ꓥ ꓡꓳ=
ꓢꓲ ꓒꓽ ꓬꓰ-ꓢꓴ ꓠꓬ ꓮ ꓫꓵꓽ ꓗꓪ ꓥˍꓟꓲ ꓬꓰ ꓑ ꓡ ꓢꓴ ꓕꓲ ꓣꓳ ꓟ ꓤ ꓕꓲꓽ ꓥ ꓡꓳ꓾ ꓣꓳ ꓐꓱ ꓶ ꓚꓬꓱꓽ ꓙ ꓢꓴ ꓥ ꓡꓳ꓾ ꓐꓰ ꓔꓲꓸꓸ ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓠꓲꓸꓹ ꓠꓵ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ꓦ ꓕꓲ ꓒꓳꓹ ꓗꓪ ꓢꓯꓼ ꓕꓵꓼ ꓙꓰ ꓠꓹ ꓟ ꓣꓳ ꓠꓲꓹ ꓟ ꓔꓯ ꓙ ꓖꓶ ꓠ ꓗꓸ ꓡꓳ꓾ ꓕꓱ ꓡꓱ ꓢꓯꓼ ꓕꓵꓼ ꓗꓪ ꓤ ꓠꓬꓲ ꓓꓴ ꓥˍꓟꓲ ꓙꓳ ꓡ ꓥꓳ꓾ ꓖꓳ ꓡꓰ ꓐꓯ ꓥˍꓟꓲ ꓠꓲꓹ ꓟ ꓟꓽ ꓑꓬ ꓡꓰ ꓢꓯꓼ ꓕꓵꓼ ꓡꓯ ꓐꓰ ꓔꓲꓸꓸ ꓒ ꓪ ꓔꓲ ꓡꓰꓳ ꓡꓰ ꓢꓯꓼ ꓖꓶ ꓗꓷ ꓟ ꓥ ꓡꓳ=
ꓔꓲꓸꓸ ꓒ ꓪ ꓔꓲ ꓡꓰꓳ (14) ꓡꓰ ꓣꓳ ꓐꓴ ꓮ ꓙꓵꓽ ꓠꓬ ꓪꓴ-ꓢ ꓡꓰ ꓢꓲ ꓚꓰꓼ ꓗꓷ ꓢꓴ ꓐꓴ ꓥˍꓟ ꓑꓶꓸ ꓓꓴ ꓗꓹ ꓛꓲ ꓛꓲ ꓡꓰ ꓣꓳ ꓐꓴ ꓙꓰ ꓓꓴ ꓬꓰ ꓡꓯ꓾ꓐꓰ ꓐꓯ ꓢꓲ꓾ ꓬꓲ ꓟꓶ ꓢꓱꓽ ꓖꓶ ꓟ ꓥ ꓡꓳ=