ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓟꓯꓼ ꓢꓰꓼ ꓡꓯꓽ ꓘꓳ ꓔꓬ ꓟ ꓔꓯ ꓠꓽ ꓗꓷ ꓠꓹ ꓟ ꓐꓰ ꓟꓲ ꓠꓯ ꓢꓲꓹ ꓡꓲ ꓟꓶ ꓠꓹ ꓟ ꓢꓯꓼ ꓕꓵꓼ ꓠꓹ ꓟ ꓐꓯ ꓔ ꓟ
11 ꓦ ꓟ 9 ꓠꓬꓲ 2025 ꓘꓳꓼ ꓕꓯ ꓦꓮꓔꓲꓚꓮꓠ ꓗꓴꓷꓼ ꓗꓪ ꓔꓬ ꓢꓲ ꓠꓬꓲ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓔꓬ ꓟ ꓗ˗ꓔꓳ˗ꓡꓲꓗ ꓙꓲ˗ꓢꓴ ꓢꓲꓺ ꓤ ꓐꓴ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓟ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓟꓲ ꓠꓯ ꓗꓪ ꓢꓰꓼ ꓡꓯꓽ ꓘꓳ ꓔꓬ ꓟ ꓠꓽ ꓗꓷ ꓠꓹ ꓟ ꓟꓲ ꓠꓯ ꓢꓲꓹ ꓡꓲ ꓟꓶ ꓠꓹ ꓟ ꓢꓯꓼ ꓕꓵꓼ ꓠꓹ ꓟ ꓐꓯ ꓗꓷꓳ꓿
ꓔꓲꓺ ꓒ ꓪ ꓔꓲ ꓡꓰ ꓟꓵꓽ ꓗꓳꓹ ꓓꓵ ꓓꓵ ꓗꓪ ꓟꓯꓼ ꓢꓰꓼ ꓡꓯꓽ ꓘꓳ ꓔꓬ ꓟ ꓪꓴꓸ ꓠꓬꓲ ꓫꓵꓻ ꓡꓰ ꓢꓴ ꓐꓴ ꓞꓲꓼ ꓣꓳ_ ꓟ ꓤ ꓠꓱ ꓤ ꓐꓴ ꓐꓰ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓔꓯ ꓪꓴ˗ꓢ ꓢꓲ ꓡꓲ, ꓟ ꓟꓶ ꓠꓹ ꓟ ꓪꓽ ꓘꓴ ꓙ ꓖꓶ ꓗꓷ ꓟ ꓐꓰ ꓢꓰꓼ ꓡꓯꓼ ꓘꓳ ꓔꓬ ꓟ ꓠꓽ ꓗꓷ ꓠꓹ ꓟ ꓐꓰ ꓟꓲ ꓠꓯ ꓢꓲ ꓡꓲ, ꓟꓶ ꓠꓹ ꓟ ꓟꓬꓱꓽ ꓬꓰ ꓠꓹ ꓟ ꓐꓯ ꓗꓷꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶꓸ ꓓꓴ ꓒꓲ˗ꓡꓲ˗ꓒꓲ ꓗꓴꓷꓼ ꓗꓪ ꓫꓵꓻ ꓡꓰ ꓢꓴ ꓐꓴ ꓐꓰ ꓠꓻ ꓓꓴ ꓡꓰ ꓟꓶ ꓔꓬ ꓢꓴ ꓐꓴ ꓮ ꓙꓵꓽ ꓔꓯ ꓠꓲꓹ ꓟ ꓫꓸ ꓢꓲ ꓠꓬꓲ ꓪꓽ ꓘꓴ ꓙ ꓖꓶ ꓔꓬ ꓟ ꓓꓳꓽ ꓔꓯ ꓐꓯ ꓟꓸ ꓖꓶ ꓗꓷꓳ꓿
ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶꓸ ꓓꓴ ꓒꓲ˗ꓡꓲ˗ꓒꓲ ꓗꓴꓷꓼ ꓗꓪ ꓙꓲ˗ꓢꓴ ꓢꓲꓺ ꓤ ꓐꓴ ꓮ ꓟꓬꓹ ꓠꓬ ꓦꓲꓻ ꓟꓽ ꓙꓳ ꓗꓷ ꓢꓴ ꓐꓴ ꓮ ꓟꓬꓹ ꓔꓬ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓫꓸ ꓟꓳ ꓑꓮꓲꓽ ꓦꓬꓼ ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓮ˗ꓟ ꓟꓲ ꓠꓯ ꓔꓯ ꓒꓵꓽ ꓠꓹ ꓟ ꓐꓰ ꓟꓵꓽ ꓘꓳꓼ ꓐꓬ ꓡꓰ ꓝꓲˍ ꓟ ꓚꓱꓹ ꓮ ꓙꓵꓽ ꓔꓯ ꓠꓽ ꓗꓷ ꓠꓹ ꓟ ꓔꓯ ꓐꓯ ꓗꓷꓳ ꓐꓰ (Vatican News) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
