Bangladesh ꓗꓴꓷꓼ ꓗꓪ ꓗ˗ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲꓻ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓐꓳꓽ ꓑꓳ ꓗꓷ ꓟ ꓪꓴ. ꓠꓬꓲ ꓐꓬ ꓡꓰ ꓝꓲˍ ꓟ ꓓꓳꓽ

11 ꓦ ꓟ 9 ꓠꓬꓲ 2025 ꓘꓳꓼ ꓕꓯ ꓐꓮꓠꓖꓡꓮꓓꓰꓢꓧ ꓗꓴꓷꓼ ꓗꓪ ꓙꓳ ꓟ ꓗ˗ꓔꓳ˗ꓡꓲꓗ ꓘꓴ ꓜꓲꓼ ꓞꓳ ꓪꓽ ꓘꓴ ꓦꓲꓻ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓐꓳꓽ ꓑꓳ ꓗꓷ ꓢꓲ ꓠꓬꓲ ꓐꓬ ꓡꓰ ꓝꓲꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓰ ꓗꓷ ꓡꓰ ꓝꓲ ꓟ ꓠꓬ ꓟꓽ ꓙꓲ ꓢꓴ ꓐꓴ ꓡꓰ ꓗ˗ꓔꓳ‐ꓡꓲꓗ ꓙꓲ˗ꓢꓴ ꓢꓲꓺ ꓤ ꓐꓴ ꓪꓽ ꓘꓴ ꓦꓲꓻ ꓔꓯ ꓐꓳꓽ ꓑꓳ ꓗꓷ ꓟ ꓥ ꓡꓳ꓿ ꓪꓽ ꓘꓴ ꓦꓲꓻ ꓗꓪ ꓐꓳꓽ ꓑꓳ ꓗꓷ ꓥ ꓟꓲ ꓠꓻ ꓓꓴ ꓡꓰ ꓢꓴ ꓐꓴ ꓐꓰ ꓫꓵꓻ ꓡꓰ ꓢꓴ ꓐꓴ ꓟꓽ ꓔꓬ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟꓲ ꓙꓲ˗ꓢꓴ ꓢꓲꓺ ꓤ ꓐꓴ ꓮ ꓘꓶꓸ ꓙꓳꓺ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓪꓽ ꓘꓴ ꓦꓲꓻ ꓔꓯ ꓕꓱ ꓡꓰ ꓬꓰ ꓟ ꓑꓶꓸ ꓓꓴ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓚꓲꓸ ꓚꓺ ꓔꓬ ꓡꓳ ꓐꓰ ꓢꓷꓸ ꓪ ꓡꓳ꓿ ꓐꓮꓠꓖꓡꓮꓓꓰꓢꓧ ꓗꓴꓷꓼ ꓗꓪ ꓠꓬ ꓟꓴꓢꓲꓡꓴꓟ ꓙꓵꓻ ꓠꓲꓹ ꓔꓯ ꓘꓳꓹ ꓣꓴ ꓢꓴ ꓐꓴ ꓮ ꓟꓬꓹ ꓔꓬ ꓟ ꓗꓴꓷꓼ ꓥ ꓢꓲ ꓠꓬꓲ ꓗ˗ꓔꓳ˗ꓡꓲꓗ ꓙꓲ˗ꓢꓴ ꓢꓲꓺ ꓤ ꓐꓴ ꓠꓬ ꓮ ꓘꓶꓸ ꓟꓽ ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ꓿ 2026 ꓘꓳꓼ 1 ꓦ ꓕꓯ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓢꓲꓹ ꓡꓲ, ꓠꓹ ꓟ ꓙꓳ ꓟ ꓪꓴꓸ ꓠꓬꓲ ꓕꓱ ꓡꓰ ꓐꓰ ꓙꓲ˗ꓢꓴ ꓢꓲꓺ ꓤ ꓐꓴ ꓪꓽ ꓘꓴ ꓦꓲꓻ ꓔꓯ ꓐꓬ ꓡꓰ ꓝꓲ ꓓꓴ ꓬꓰ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ ꓐꓰ (Myanmaplatform) ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ꓿

Write to Paul Yemi