ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓬꓰ ꓙ ꓢꓴ ꓔꓰꓣꓔꓴꓡꓲꓮ ꓠꓬ ꓮꓓ (190) ꓘꓳꓼ ꓕꓯ ꓢꓯ. ꓔꓬ ꓗꓷ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ ꓮ ꓠꓱ ꓗꓪ ꓢꓯ. ꓔꓬ ꓗꓷ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓙꓵꓻ ꓠꓲ, ꓚꓱ, ꓗꓪ ꓟꓽ ꓥꓳꓽ ꓡꓰ ꓟꓽ ꓐꓬ ꓡꓰ ꓠ, ꓟ ꓢꓯꓼ ꓖꓶ ꓢꓲ ꓠꓬꓲ ꓟ. ꓟꓲꓽ ꓟ. ꓖꓶ ꓢꓴ ꓕꓲ ꓣꓳ ꓥ ꓡꓳ꓿ Tertulia ꓔꓯ ꓮꓓ (160) ꓘꓳꓼ ꓕꓯ ꓚꓮꓣꓔꓧꓮꓖꓰ ꓡꓳ ꓒꓱ ꓗꓪ ꓬꓲ ꓕꓯ ꓦꓵꓻ ꓗꓷ ꓟ ꓥ ꓡꓳ꓿
ꓬꓲ ꓞꓲꓼ ꓪꓴꓽ ꓡ ꓟ ꓙꓵ, ꓗꓪ ꓐꓰ ꓬꓲ ꓠꓬ ꓟꓲ ꓠꓯ ꓢꓷ. ꓔꓯ ꓢꓳꓻ ꓣꓴ ꓗꓷ ꓢꓲ ꓠꓬꓲ ꓬꓲ ꓠꓬ ꓖꓣꓰꓰꓗ ꓥꓳꓽ ꓐꓰ ꓡꓮꓔꓔꓲꓠ ꓥꓳꓽ ꓔꓯ ꓮ ꓘꓶ. ꓛꓲ ꓢꓷ. ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ ꓫꓵꓽ ꓘꓶꓽ ꓒꓽ ꓓꓽ ꓕꓲ ꓣꓳ ꓟꓲ ꓥ ꓡꓳ꓿ ꓞꓲꓼ ꓣꓳ ꓟ ꓙꓵ, ꓕꓯ ꓬꓲ ꓠꓬ ꓪꓴ‐ꓢ ꓟꓽ ꓦꓻ ꓡꓱ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ ꓬꓲ ꓙꓵ, ꓟꓶ ꓫꓵˍ ꓫꓵˍ ꓣꓳ‐ꓟ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓐꓱ ꓶ ꓟꓬꓱꓽ ꓬꓰ ꓖꓶ ꓢꓴ ꓥ ꓡꓳ꓿ ꓮꓓ (193) ꓘꓳꓼ ꓕꓯ ꓙꓲ‐ꓢꓴ ꓢꓲꓺ ꓤ ꓕꓲ ꓪ ꓒꓬꓱꓼ ꓗꓷꓳ꓿ ꓬꓲ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓢꓳꓻ ꓣꓴ ꓗꓷ ꓢꓲ ꓠꓬꓲ ꓚꓮꓣꓔꓧꓮꓖꓰ ꓡꓳ ꓒꓱ ꓗꓪ ꓬꓯꓼ ꓡ ꓢꓲ ꓠꓬꓲ ꓟꓽ ꓔꓱ, ꓟꓽ ꓜꓳ ꓟ ꓟ. ꓟꓲꓽ ꓚꓺ ꓒꓽ ꓐꓴ ꓔꓯ ꓔꓳ, ꓢꓴ ꓕꓲ ꓣꓳ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ ꓔꓯ ꓠꓬ ꓘꓴ ꓜꓲꓼ ꓞꓳ ꓗꓪ ꓮ ꓟꓬ, ꓛꓲ ꓟꓬꓱꓺ ꓓꓳꓽ ꓖꓶ ꓟ ꓥ ꓡꓳ꓿ ꓬꓲ ꓠꓬ ꓡꓮꓔꓔꓲꓠ ꓥꓳꓽ ꓗꓪ ꓙꓵꓻ ꓠꓲ, ꓚꓱ, ꓔꓯ ꓗꓽ ꓕꓽ ꓟ ꓕꓳ ꓶ ꓮ ꓟꓬ, ꓐꓳ ꓖꓶ ꓗꓷ ꓢꓴ ꓥ ꓡꓳ꓿ ꓔꓰꓣꓔꓴꓡꓲꓮ ꓡꓰ ꓐꓳ ꓔ ꓟ ꓕꓳ ꓶ ꓮ ꓟꓬ, ꓗꓪ ꓐꓰ ꓟꓬꓱꓺ ꓓꓳꓽ ꓙꓳ ꓟ ꓕꓳ ꓶ ꓠꓬ ꓮꓑꓳꓡꓳ Apologeticus ꓟꓬꓱꓺ ꓔ ꓟ ꓕꓳ ꓶ ꓑꓷꓠ ꓥ ꓡꓳ꓿ ꓕꓱ ꓕꓳ ꓶ ꓗꓪ ꓥꓳꓽ ꓡꓰ ꓟ ꓙꓵꓻ ꓠꓲ, ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓗꓽ ꓕꓽ ꓖꓶ ꓠ, ꓟ ꓐꓳ ꓔ ꓟ ꓕꓳ ꓶ ꓥ ꓡꓳ꓿ ꓬꓲ ꓠꓬ ꓮ‐ꓠꓱ ꓙꓲ‐ꓢꓴ ꓢꓲꓺ ꓤ ꓐꓴ ꓠꓯ, ꓗꓪ ꓟꓬꓱꓺ ꓓꓳ ꓙꓳ ꓢꓴ ꓢꓷ. ꓠꓲ, ꓙꓳ ꓒꓽ ꓓꓽ ꓕꓲ ꓟꓲ ꓥ ꓡꓳ꓿ ꓬꓲ ꓠꓬ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓮ ꓕꓯ ꓟꓲ ꓟꓬꓱꓺ ꓓꓳꓽ ꓖꓶ ꓔꓬ ꓟ ꓥ ꓡꓳ꓿
