ꓔꓲꓺ ꓒ ꓪ ꓔꓲ ꓡꓰꓳ (14) ꓐꓰ Palestine ꓗꓴꓷꓼ ꓙꓵꓽ ꓢꓲꓽ ꓒꓽ ꓜꓲ ꓡꓯꓽ ꓘꓳ_ ꓟ ꓓꓳꓽ
11 ꓦ ꓟ 8 ꓠꓬꓲ 2025 ꓘꓳꓼ ꓕꓯ ꓦꓮꓔꓲꓚꓮꓠ ꓗꓴꓷꓼ ꓗꓪ ꓔꓲꓺ ꓒ ꓪ ꓔꓲ ꓡꓰꓳ (14) ꓐꓰ ꓑꓮꓡꓰꓢꓔꓲꓠꓰ ꓗꓴꓷꓼ ꓙꓵꓽ ꓢꓲꓽ ꓒꓽ (Mahmoud Abbas) ꓐꓴ ꓜꓲ ꓡꓯꓽ ꓘꓳ, ꓗꓷ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓐꓰ ꓑꓮꓡꓰꓢꓔꓲꓠꓰ ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓰ ꓜꓲ ꓡꓯꓽ ꓘꓳ, ꓗꓷ ꓟ ꓙꓵ, ꓕꓯ ꓖ‐ꓜ ꓟꓵꓽ ꓗꓪ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓮ ꓟꓬ, ꓛꓲ ꓣꓱ ꓬꓯꓼ ꓔꓬ ꓟ ꓚꓱ, ꓔꓯ ꓐꓯ ꓟ. ꓖꓶ ꓗꓷ ꓟ ꓥ ꓡꓳ꓿
ꓖ‐ꓟ ꓟꓵꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴ ꓔꓯ ꓢꓲ ꓡꓲ, ꓟꓶ ꓠ, ꓟ ꓖꓪꓽ ꓙꓱ ꓠ, ꓟ ꓔꓯ ꓥ ꓟꓲ ꓐꓯ ꓟ. ꓖꓶ ꓗꓷꓳ꓿ ꓝꓮꓲ ꓑꓮꓡꓰꓢꓔꓲꓠꓰ ꓗꓴꓷꓼ ꓙꓵꓽ ꓢꓲꓽ ꓒꓽ ꓠꓬ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓱꓼ ꓜꓴꓻ ꓗꓪ ꓥ ꓟꓲ ꓙꓰ ꓢꓲ ꓠꓬꓲ ꓒꓵꓽ ꓗ, ꓬꓰ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓢꓯ. ꓔꓬ ꓟ ꓙꓵ, ꓕꓯ ꓖ‐ꓟ ꓟꓵꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴ ꓔꓯ ꓠꓽ ꓡꓰ ꓠ, ꓟ ꓮ ꓕꓯ ꓥ ꓟꓲ ꓪꓽ ꓘꓴ ꓙ ꓢꓲ ꓠꓬꓲ ꓫ. ꓔꓬ ꓟ ꓑ ꓫꓬ ꓐꓴ ꓔꓯ ꓜ ꓓꓴ ꓓꓳ ꓓꓴ ꓬꓰ ꓙ ꓟ ꓥ ꓡꓳ꓿
ꓦꓮꓔꓲꓚꓮꓠ ꓗꓴꓷꓼ ꓐꓰ ꓑꓮꓡꓰꓢꓔꓲꓠꓰ ꓗꓴꓷꓼ ꓐꓰ ꓙꓻ ꓡꓯꓽ ꓘꓳꓼ ꓟ (10) ꓐꓲˍ ꓟ ꓦꓬꓼ ꓠꓬꓲ ꓔꓯ ꓥ ꓟꓲ ꓝꓮꓲ ꓝ. ꓢꓲ ꓠꓬꓲ ꓕꓲ ꓗꓴꓷꓼ ꓐꓰ ꓕꓲ ꓗꓴꓷꓼ ꓙꓻ ꓡꓯꓽ ꓘꓳ, ꓟ ꓚꓱ, ꓗꓪ ꓮ ꓘꓶ. ꓛꓲ ꓙꓲˍ ꓟ ꓟꓬꓱꓽ ꓬꓰ ꓐ ꓡ ꓠ, ꓟ ꓖꓪꓽ ꓙꓱ ꓗꓷꓳ꓿ ꓙꓱ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓔꓬ ꓟ ꓬꓴ‐ꓔ ꓙꓵꓻ ꓠꓲ, ꓔꓯ ꓘꓳ, ꓣꓴ ꓢꓴ ꓐꓴ ꓲꓢꓡꓮꓟ ꓙꓵꓻ ꓠꓲ, ꓘꓳ, ꓣꓴ ꓢꓴ ꓐꓴ ꓝꓮꓲ ꓙꓲ‐ꓢꓴ ꓢꓲꓺ ꓤ ꓐꓴ ꓕꓲ ꓠꓲ, ꓕꓲ ꓪ ꓔꓬ ꓠ, ꓟ ꓪꓽ ꓡꓯꓽ ꓘꓳ ꓠ, ꓟ ꓚꓱ, ꓮ ꓟꓬ, ꓔꓯ ꓖꓪꓽ ꓙꓱ ꓗꓷ ꓐꓰ ꓢꓷ. ꓪ ꓡꓳ꓿
