ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓒꓲ‐ꓡꓲ‐ꓒꓲ ꓗꓴꓷꓼ ꓗꓪ ꓫꓵꓻ ꓢꓴ ꓑ ꓫꓬ (100) ꓣꓳ ꓟꓽ ꓞꓲ ꓙꓳ ꓡꓰ_ ꓟ ꓓꓳꓽ
11 ꓦ ꓟ 7 ꓠꓬꓲ 2025 ꓘꓳꓼ ꓕꓯ ꓒꓲ˗ꓡꓲ˗ꓒꓲ ꓗꓴꓷꓼ ꓚꓴ˗ꓐ ꓡꓳ ꓒꓱ ꓓꓽ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶꓸ ꓓꓴ ꓫꓵꓻ ꓢꓴ ꓑ ꓫꓬ (100) ꓣꓳ ꓟꓽ ꓞꓲ ꓙꓳ ꓡꓰꓳ ꓐꓰ ꓐꓯ ꓔ ꓡꓳ꓿ 11 ꓦ ꓟ ꓬꓲ ꓪꓴꓸ ꓕꓲ ꓫꓵꓽ ꓗꓪ ꓐꓰ ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓬ ꓒꓲ˗ꓡꓲ˗ꓒꓲ ꓟꓵꓽ ꓗꓪ ꓙꓱꓼ ꓡ ꓡꓳ ꓐꓰ ꓐꓯ ꓔ ꓡꓳ꓿
ꓕꓱ ꓡꓱ ꓐꓰ 11 ꓦ ꓟ 6 ꓠꓬꓲ ꓗꓪ ꓛꓲ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶꓸ ꓓꓴ ꓑ ꓫꓬ (140) ꓣꓳ ꓫꓵꓻ ꓡꓰ ꓟ ꓥ ꓡꓳ꓿ ꓝꓮꓲ ꓟꓶ ꓔꓬ ꓢꓴ ꓑ ꓫꓬ ꓐꓴ ꓮ ꓟꓬꓹ ꓙꓳ ꓢꓰ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓰ ꓐꓰ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓥ ꓟꓲ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ ꓓꓴ ꓫꓸ ꓔꓬ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳꓹ ꓙ ꓠꓹ ꓟ ꓬꓰ ꓙ ꓢꓴ ꓜꓴꓻ ꓔꓯ ꓝꓲ ꓩꓴ ꓢꓲ ꓠꓬꓲ ꓚꓬꓴ ꓙ ꓟ ꓟꓬꓱꓽ ꓔꓯ ꓬꓰ ꓔꓬ ꓟ ꓥ ꓡꓳ꓿
ꓒꓲ˗ꓡꓲ˗ꓒꓲ ꓗꓴꓷꓼ ꓗꓪ 2025 ꓘꓳꓼ ꓘꓴꓽ ꓗꓪ ꓟꓵꓽ ꓙꓴꓽ ꓚꓵ, ꓟ ꓐꓰ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓟ ꓮ ꓟꓬꓹ ꓫꓵꓽ ꓫꓸ ꓓꓴ ꓔꓳꓹ ꓜꓳ ꓡꓰ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ ꓐꓰ ꓢꓷꓸ ꓪ ꓡꓳ꓿
