ꓛ‐ꓖꓳ ꓟꓵꓽ ꓗꓪ ꓟꓶ ꓦ ꓮ ꓟꓬ, ꓦ ꓢꓲ ꓠꓬꓲ ꓟꓵꓽ ꓡꓶꓽ ꓟ ꓑꓶ. ꓓꓴ ꓟꓳ‐ꓓꓳ ꓙ ꓖꓴ ꓐꓬ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ. ꓔꓬ ꓟ ꓓꓳꓽ 11 ꓦ ꓟ 7 ꓠꓬꓲ 2025 ꓘꓳꓼ ꓕꓯ ꓛ‐ꓖꓳ ꓟꓵꓽ ꓗꓪ ꓟꓶ ꓦ ꓮ ꓟꓬ, ꓦ ꓗꓷ ꓢꓲ ꓠꓬꓲ ꓟꓵꓽ ꓡꓶꓽ ꓟ ꓑꓶ. ꓓꓴ ꓟꓳ‐ꓓꓳ ꓙ ꓖꓴ ꓮ ꓟꓬ, ꓐꓬ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓖꓳ ꓡꓱ ꓗꓷ ꓡꓰ ꓟ ꓠꓬ ꓞꓲꓼ ꓠꓲ, ꓠꓬ ꓛ‐ꓖꓳ ꓟꓵꓽ ꓗꓪ ꓟꓶ ꓦ ꓮ ꓟꓬ, ꓦ ꓡ ꓢꓲ ꓠꓬꓲ ꓟꓳ‐ꓓꓳ ꓙ ꓖꓴ ꓮ ꓟꓬ, ꓥ ꓟꓲ ꓟꓵꓽ ꓡꓶꓽ ꓔꓲ ꓟ ꓑꓶ. ꓓꓴ ꓑ ꓫꓬ ꓐꓴ ꓙ ꓖꓴ ꓙꓰ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓖꓳ ꓟ ꓡꓰ ꓟꓽ ꓞꓲ ꓗꓳ. ꓗꓷ ꓟ 6 ꓦ ꓕꓯ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓬꓲꓻ ꓙꓬ ꓐꓵ ꓔꓯ, ꓙꓰ ꓟ ꓡꓯ‐ꓓꓳ ꓙꓳ‐ꓟ ꓦꓲꓻ ꓥ ꓟꓲ ꓟꓽ ꓫꓬ, ꓪ ꓢꓲ ꓟ ꓪꓴ. ꓠꓬꓲ ꓢꓳꓻ ꓤ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓛ‐ꓖꓳ ꓟꓵꓽ ꓡꓯ.‐ꓓꓯ ꓞꓳ ꓘ, ꓗꓪ ꓙꓳ‐ꓟ (60) ꓣꓳ ꓔꓬ ꓟ ꓥ ꓢꓲ ꓠꓬꓲ ꓕꓳ ꓶ ꓢꓳꓻ ꓠ, ꓟ ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿
ꓗꓳ. ꓗꓷ ꓟ ꓙꓵ, ꓕꓯ ꓛ‐ꓖꓳ ꓟꓵꓽ ꓗꓪ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓟꓳ‐ꓓꓳ ꓗꓪ ꓐꓰ ꓙꓰ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓙ ꓖꓴ ꓮ ꓘꓶ. ꓐꓬ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓙ ꓖꓴ ꓙꓰ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓶꓻ ꓤꓼ ꓒꓵꓽ ꓥ ꓟꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓓꓯ ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿
