ꓬ‐ꓖꓳꓥ ꓡꓳ ꓒꓱ ꓗꓪ ꓟꓶ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓔꓬ ꓟ ꓓꓳꓽ
10 ꓦ ꓟ 2 ꓠꓬꓲ 2025 ꓢꓲꓺ ꓒ ꓦꓬꓼ ꓠꓬꓲ ꓗꓪ ꓟꓬ‐ꓟ ꓗꓴꓷꓼ ꓬ‐ꓖꓳꓥ ꓡꓳ ꓒꓱ ꓗꓪ ꓟꓶ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓕꓱ ꓡꓱ ꓟꓶ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓟ ꓐꓰ ꓮ. ꓔꓳ. ꓥ ꓟꓲ ꓐꓬ ꓡꓰ ꓟ ꓙꓳ ꓡꓳ ꓐꓰ ꓐꓯ ꓔ ꓡꓳ꓿
ꓬ‐ꓖꓳꓥ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓟꓶ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓟꓳ‐ꓓꓳ ꓙꓻ ꓖꓴ ꓗꓪ ꓬꓲꓻ ꓙꓬ ꓮ ꓟꓬ, ꓙꓳ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓟꓽ ꓙꓲ ꓗꓷ ꓔꓬ ꓡꓳ ꓐꓰ ꓫ. ꓕꓱ ꓔ ꓡꓳ꓿ ꓝꓮꓲ ꓬ‐ꓖꓳꓥ ꓡꓳ ꓒꓱ ꓕꓲ ꓒꓱ ꓗꓪ ꓠꓬ ꓬꓲꓻ ꓙꓬ ꓮ ꓘꓶ. ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓬꓲꓻ ꓙꓬ ꓟꓽ ꓛꓲ ꓡ ꓟ ꓔꓶ. ꓗꓪ ꓙꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓬ‐ꓟ ꓗꓴꓷꓼ ꓟꓵꓽ ꓘꓳꓼ ꓔꓯ ꓟꓳ. ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓟꓬ‐ꓟ ꓗꓴꓷꓼ ꓗꓪ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓥ ꓟꓲ ꓟꓶ ꓦ ꓦ ꓡ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ ꓐꓰ (Myanmaplatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
