ꓔꓲꓺ ꓒ ꓪ ꓔꓲ ꓡꓰꓳ(14) ꓠꓬ ꓫꓵꓻ ꓡꓰ ꓢꓴ ꓐꓴ ꓦꓻ ꓐꓱ ꓶ ꓪꓽ ꓘꓴ ꓙ ꓟ ꓟꓲ‐ꓢ ꓔꓲ ꓖꓶ ꓟ ꓓꓳꓽ
11 ꓦ ꓟ 2 ꓠꓬꓲ 2025 ꓘꓳꓼ ꓕꓯ ꓦꓮꓔꓲꓚꓮꓠ ꓡꓳ ꓒꓱ ꓗꓪ ꓔꓬ ꓢꓲ ꓠꓬꓲ ꓟꓵꓽ ꓗꓳ. ꓓꓵ ꓓꓵ ꓗꓪ ꓔꓬ ꓟ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓔꓲꓺ ꓒ ꓪ ꓔꓲ ꓡꓰꓳ(14) ꓠꓬ ꓫꓵꓻ ꓢꓴ ꓐꓴ ꓦꓻ ꓐꓱ ꓶ ꓪꓽ ꓘꓴ ꓙ ꓟ ꓑꓮꓲꓽ ꓗꓪ ꓟꓲ‐ꓢ ꓔꓲ ꓖꓶ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓠꓬ ꓫꓵꓻ ꓢꓴ ꓐꓴ ꓦꓻ ꓐꓱ ꓶ ꓪꓽ ꓘꓴ ꓙ ꓟ ꓟꓲ‐ꓢ ꓔꓲ ꓖꓶ ꓗꓷ ꓟ ꓬꓲ ꓔꓶ. ꓠꓬ (Verano) ꓟꓬꓱꓺ ꓔ ꓟ ꓡꓱꓼ ꓜꓴ ꓔꓳ ꓗꓪ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓲ‐ꓢ ꓔꓲ ꓪꓽ ꓘꓴ ꓙꓵ, ꓗꓪ ꓟ. ꓟꓲꓽ ꓚꓺ ꓗꓷ ꓟ ꓠꓬ ꓣꓳ ꓠꓲ, ꓠꓵꓻ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓠꓯ ꓗꓪ ꓐꓰ ꓫꓵꓻ ꓡꓰ ꓢꓴ ꓐꓴ ꓧꓪꓽ ꓖꓳ ꓓꓱ ꓡꓳ, ꓬꓰ ꓢꓲ ꓠꓬꓲ ꓟꓲ ꓠꓯ ꓗꓪ ꓔꓬ ꓢꓴ ꓐꓴ ꓔꓯ ꓧ, ꓙꓰ ꓥ ꓟꓲ꓾ ꓣꓳ ꓟꓲ ꓠꓯ ꓗꓪ ꓔꓬ ꓢꓴ ꓐꓴ ꓠꓬ ꓬꓲ ꓪ ꓔꓯ ꓮ ꓕꓯ ꓥ ꓟꓲ ꓓꓵ ꓙ ꓔꓬ ꓟ ꓥ ꓡꓳ꓿
ꓬꓲ ꓪ ꓢꓯ. ꓔꓬ ꓗꓷ ꓟ ꓙꓵ, ꓕꓯ ꓮ ꓡꓰ ꓐꓰ ꓞꓳ ꓙꓳ ꓗꓷ ꓟ ꓠꓬ ꓣꓳ ꓔꓯ ꓓꓵ ꓙ ꓚꓱ, ꓗꓪ ꓢꓷ. ꓡ ꓝꓲ ꓟ ꓥ ꓡꓳ꓿ ꓣꓳ ꓟꓲ ꓠꓯ ꓗꓪ ꓐꓰ ꓫꓵꓻ ꓡꓰ ꓢꓴ ꓐꓴ ꓙꓲ‐ꓢꓴ ꓢꓲꓺ ꓤ ꓐꓴ ꓦꓻ ꓮ ꓙꓵꓽ ꓠꓬ ꓙꓲ‐ꓢꓴ ꓬꓰ‐ꓢꓴ ꓐꓰ ꓕꓲ ꓪ ꓢꓯ. ꓬꓲꓼ ꓡ ꓓꓴ ꓥ ꓡꓳ꓿ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓫꓵꓻ ꓡꓰ ꓢꓴ ꓐꓴ ꓦꓻ ꓐꓱ ꓶ ꓪꓽ ꓘꓴ ꓙ ꓟ ꓠꓬ ꓪꓽ ꓘꓴ ꓙꓵ, ꓬꓰ ꓔꓬ ꓡꓰ ꓟꓽ ꓥ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓙꓵꓻ ꓠꓲ, ꓚꓱ, ꓟꓲ ꓥ ꓡꓳ ꓐꓰ ꓫ. ꓕꓱ ꓗꓷꓳ꓿
ꓝꓮꓲ ꓣꓳ ꓟꓲ ꓠꓯ ꓗꓪ ꓢꓯ. ꓔꓬ ꓢꓴ ꓐꓴ ꓥ ꓟꓲ ꓙꓲ_ ꓟ ꓟꓬꓱꓽ ꓗꓪ ꓢꓯ. ꓕꓵꓼ ꓢꓲ ꓠꓬꓲ ꓞꓳ ꓙꓳ ꓠ, ꓟ ꓣꓳꓺ ꓚꓵ ꓟ ꓥ ꓡꓳ꓿ ꓣꓳꓺ ꓓꓰ ꓡꓰ ꓢꓴ ꓐꓴ ꓔꓯ ꓐ ꓡ ꓟ ꓕꓲ ꓒꓳ, ꓗꓪ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓲꓺ ꓒ ꓬꓰ‐ꓢꓴ ꓠꓲ, ꓒꓴ ꓚꓱ, ꓗꓪ ꓞꓳ ꓙꓳ ꓠ, ꓟ ꓢꓯꓼ ꓕꓵꓼ ꓠ, ꓟ ꓫ. ꓕꓱ ꓗꓷꓳ꓿ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓬꓲ ꓟꓶꓽ ꓟ ꓔꓶꓻ ꓙꓱꓼ ꓠꓬ ꓠꓵꓻ ꓠꓲ, ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓐꓰ ꓜꓲ ꓠ, ꓟ ꓬꓲ ꓐꓰ ꓕꓲ ꓪ ꓟꓴ ꓗꓪ ꓗꓴꓷꓼ ꓗꓪ ꓔꓬ ꓠ, ꓟ ꓐꓱ ꓶ ꓥ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰꓳ ꓡꓰ ꓟ. ꓟꓲ ꓚꓺ ꓗꓷꓳ ꓐꓰ ꓦꓮꓔꓲꓚꓮꓠ ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
