ꓟꓲ˗ꓚꓲ˗ꓠ ꓔꓲꓺ ꓒ ꓓꓽ ꓙꓳꓧꓠ ꓡꓮ˗ꓢꓮꓟ ꓠꓬ ꓗ˗ꓟꓮꓲ ꓡꓳ ꓒꓱ ꓗꓪ ꓔꓬ ꓟ ꓙꓲ˗ꓢꓴ ꓢꓲꓺ ꓤ ꓐꓴ ꓔꓯ ꓜꓲ ꓗꓷ ꓟ ꓓꓳꓽ
ꓗ˗ꓛꓲ ꓗꓴꓷꓼ ꓫꓴꓻ ꓟꓲ˗ꓚꓲ˗ꓠ ꓢ˗ꓢꓲ˗ꓠ ꓔꓲꓺ ꓒ ꓓꓽ ꓬꓳ˗ꓦ ꓡꓮ˗ꓢꓮꓟ ꓠꓬ ꓓꓽ ꓪꓴꓸ ꓕꓲ ꓧꓪꓹ ꓟ ꓗ˗ꓟꓮꓲ꓾ ꓔꓲꓺ ꓒꓽ ꓙꓵꓽ ꓔꓶꓸ ꓗꓪ ꓔꓬ ꓟ ꓙꓲ˗ꓢꓴ ꓢꓲꓺ ꓤ ꓐꓴ ꓔꓯ ꓜꓲ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ 10 ꓦ ꓟ 26 ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓠꓯꓼ (9) ꓙꓵꓹ ꓕꓯ ꓗ˗ꓟꓮꓲ ꓔꓲꓺ ꓒ ꓣꓳꓐꓰꓣꓔ ꓐꓰ ꓕꓲ ꓪ ꓟꓲ˗ꓢ ꓔꓲ ꓖꓶ ꓗꓷ ꓟ ꓥ ꓡꓳ꓿
ꓟꓲ˗ꓢ ꓔꓲ ꓟ ꓙꓵꓹ ꓕꓯ ꓔꓲꓺ ꓒ ꓓꓽ ꓙꓳꓧꓠ ꓡꓮ˗ꓢꓮꓟ ꓡꓯꓼ ꓒꓯꓹ ꓗꓪ ꓗ˗ꓟꓮꓲ ꓙꓲ˗ꓢꓴ ꓢꓲꓺ ꓤ (107) ꓣꓳ ꓠꓬ ꓦꓻ ꓢꓯꓼ ꓪ ꓢ˗ꓗ˗ꓟ˗ꓔꓴ ꓘꓳꓹ ꓣꓴ ꓪ ꓡꓰ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓓꓽ ꓠꓬ ꓗ˗ꓟꓮꓲ ꓡꓳ ꓒꓱ ꓘꓴꓽ ꓗꓪ ꓔꓬ ꓟ ꓙꓲ˗ꓢꓴ ꓢꓲꓺ ꓤ ꓐꓴ ꓔꓯ ꓢꓯꓼ ꓖꓶ ꓪ ꓖꓶ ꓗꓷ ꓟ ꓥ ꓡꓳ꓿
ꓗ˗ꓟꓮꓲ ꓔꓲꓺ ꓒ ꓙꓵꓽ ꓔꓶꓸ ꓠꓬ ꓞꓳ ꓘꓹ ꓓꓽ (16) ꓘꓹ ꓐꓰ ꓒꓴ ꓔ ꓟ ꓥ ꓢꓲ ꓠꓬꓲ ꓙꓲ˗ꓢꓴ ꓢꓲꓺ ꓤ ꓠꓬ (590) ꓦꓲꓻ ꓙꓳ ꓟ ꓥ ꓡꓳ꓿ ꓗ˗ꓟꓮꓲ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓪꓴ˗ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ ꓕꓲꓽ ꓪ꓾ ꓔꓲꓺ ꓟ (3) ꓪ ꓐꓰ ꓟꓸ ꓒ ꓟꓸ ꓟ (21) ꓣꓳ ꓡꓰ ꓪꓴ˗ꓢ ꓟꓬꓱꓽ ꓬꓰ ꓔꓬ ꓟ ꓥ ꓡꓳ ꓐꓰ ꓣꓦꓮ ꓗꓮꓚꓧꓲꓠ ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ꓿
