ꓟ‐ꓚꓲ‐ꓠ ꓢ‐ꓢꓲ‐ꓠ ꓘꓴꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓟ. ꓟ ꓐꓴ ꓐꓱ ꓶ ꓙꓴ‐ꓐꓲ‐ꓡꓲ ꓑꓮꓲ: ꓚꓲ. ꓟꓶ ꓓꓴ ꓑꓲ, ꓡꓴ. ꓔꓯꓺ ꓡꓯꓽ ꓘꓳ, ꓟ ꓑꓮꓲ ꓬꓰ ꓗꓷ ꓟ
10 ꓦ ꓟ 23 ꓠꓬꓲ 2025 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓘꓴꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓟ. ꓟ ꓐꓴ ꓐꓱ ꓶ ꓙꓴ‐ꓐꓲ‐ꓡꓲ ꓑꓮꓲꓽ ꓔꓯ ꓚꓲ. ꓟꓶ ꓓꓴ ꓑꓲ, ꓡꓴ. ꓔꓯꓺ ꓡꓯꓽ ꓘꓳ, ꓟ ꓑꓮꓲ ꓬꓰ ꓗꓷꓳ꓿
ꓕꓱ ꓑꓲ, ꓡꓴ. ꓔꓯꓺ ꓡꓯꓽ ꓘꓳ, ꓟ ꓗꓪ ꓟꓲ‐ꓚꓲ‐ꓠ ꓢ‐ꓢꓲ‐ꓠ ꓘꓴꓽ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓐꓴ ꓔꓲ ꓜꓴꓻ ꓝꓮꓲ ꓔꓲꓺ ꓒ ꓐꓴ ꓕꓲ ꓜꓴꓻ ꓐꓰ ꓡꓳ ꓖꓪ ꓗꓷ ꓟ ꓥ ꓡꓳ꓿ ꓑꓲ, ꓡꓴ. ꓔꓯꓺ ꓡꓯꓽ ꓘꓳ, ꓟ ꓬꓲ ꓟꓶ ꓕꓯ ꓟ. ꓒ ꓜꓴꓻ ꓡꓰ ꓔꓲꓺ ꓒ ꓜꓴꓻ ꓔꓯ ꓧꓪ. ꓡꓰ ꓟ ꓥ ꓡꓳ꓿
ꓕꓱ ꓡꓰ ꓐꓰ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓟ. ꓟ ꓐꓴ ꓮ ꓙꓵꓽ ꓐꓱ ꓶ ꓙꓴ‐ꓐꓲ‐ꓡꓲ ꓑꓮꓲꓽ ꓔꓯ ꓚꓲ. ꓟꓶ ꓓꓴ ꓑꓲ, ꓡꓴ. ꓔꓯꓺ ꓡꓯꓽ ꓘꓳ, ꓑꓮꓲꓽ ꓔꓯ ꓢꓔ. ꓡꓴꓗꓰ ꓰꓓꓲꓠ ꓗꓪ ꓗ, ꓛꓲ ꓛꓲ ꓡꓰ ꓬꓰ ꓓꓳ ꓡꓰ ꓟ ꓥ ꓡꓳ꓿ ꓑꓲ, ꓡꓴ. ꓡꓳ ꓖꓪꓻ ꓑꓮꓲꓽ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬꓽ ꓥ ꓟꓲ ꓢꓯꓼ ꓖꓶ ꓪꓽ ꓖꓶ ꓡ ꓟ ꓥ ꓡꓳ꓿ ꓕꓱ ꓑꓲ, ꓡꓴ ꓡꓳ ꓖꓪꓻ ꓑꓮꓲꓽ ꓬꓰ ꓖꓶ ꓗꓷ ꓟ ꓠꓬ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓟ. ꓒ ꓐꓴ ꓔꓯ ꓢꓯꓼ ꓖꓶ ꓟ ꓝꓮꓲ ꓟ. ꓒ ꓐꓴ ꓐꓰ ꓔꓲꓺ ꓒ ꓐꓴ ꓕꓲ ꓣꓳ ꓛꓳꓽ ꓕꓲ ꓣꓳ ꓢꓷ. ꓡꓯꓽ ꓘꓳ, ꓠ, ꓟ ꓥ ꓡꓳ꓿
