ꓙꓲ‐ꓫꓬ ꓢꓴ ꓬꓲ ꓫꓵ ꓐꓴ ꓔꓯ ꓕꓯ ꓢꓳˍꓟ ꓗꓪ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓢꓯꓼ ꓖꓶˍꓟ꓾
ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ ꓟꓽ ꓟꓶ ꓫꓵˍꓕꓯ ꓙꓲ‐ꓫꓬ ꓢꓴ ꓬꓲ ꓫꓵꓼ ꓬꓰˍꓟ ꓑꓮꓲ ꓗꓪ ꓡ ꓢꓴ ꓕꓲ ꓟꓲ ꓡꓱ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓕꓱ ꓙꓲ‐ꓫꓬ ꓢꓴ ꓐꓴ ꓔꓯ ꓥꓳꓽ ꓡꓳ. ꓓꓴ꓾ ꓐꓰ ꓦꓽ ꓡꓱ ꓢꓴ ꓮ ꓙꓵꓽ ꓢꓴ ꓐꓱ ꓶ ꓕꓯ ꓢꓳ ꓓꓴ ꓥ ꓡꓳ ꓐꓰ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯˍꓟ ꓠꓬ ꓙꓲ‐ꓫꓬ ꓢꓴ ꓐꓰ ꓙꓲ‐ꓫꓬ ꓢꓴ ꓬꓲ ꓫꓵꓼ ꓐꓴ ꓠꓬ ꓬꓲꓽ ꓪ ꓤꓶ., ꓮ ꓙꓵꓽ ꓪꓴ‐ꓢ ꓔꓯ ꓖꓶ ꓗꓷ ꓢꓲ꓾ ꓛꓳ ꓒꓯ, ꓔꓯ ꓥˍꓟꓲ ꓠꓵ., ꓠꓲ, ꓗꓪ ꓐꓰ ꓮ ꓕꓯ ꓥˍꓟꓲ ꓣꓱꓽ ꓙ ꓠꓬꓲ ꓙ ꓗꓷ ꓟ ꓥ ꓡꓳ꓾ ꓕꓱ ꓟ ꓡꓰ ꓐꓰ ꓣꓳ ꓐꓴ ꓥˍꓟꓲ ꓕꓯ ꓢꓳ ꓠ, ꓟ ꓣꓳ ꓚꓵˍꓡꓳ ꓐꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
ꓙꓲ‐ꓫꓬ ꓢꓴ ꓢꓮꓲꓠꓔ ꓐꓮꓣꓔꓳꓲꓳ ꓡꓳꓠꓖꓳ ꓠꓬ ꓡꓳ, ꓬꓰ ꓟ ꓕꓲ ꓙꓵꓽ ꓕꓯ ꓪꓴ‐ꓢ ꓔꓯ ꓦ ꓡꓱ ꓚꓱ, ꓗꓪ ꓶꓼ ꓞ, ꓥˍꓟꓲ ꓫ. ꓢꓴ ꓟꓷꓼ ꓢꓴ ꓐꓰ ꓠꓲ, ꓟ ꓫ. ꓔꓬ ꓢꓴ ꓔꓯ ꓬꓰ ꓙ ꓠꓬꓲꓽ ꓟ ꓟꓬꓱꓽ ꓔꓯ ꓬꓰ ꓢꓲ꓾ ꓬꓲ ꓛꓲ ꓚꓬ ꓬꓲ ꓤꓶ., ꓮ ꓙꓵꓽ ꓪꓴ‐ꓢ ꓔꓯ ꓖꓶ ꓗꓷ ꓢꓲ꓾ ꓣꓳꓢꓮꓣꓬ ꓪꓽ ꓘꓴ ꓠ, ꓟ ꓢꓯꓼ ꓪ ꓖꓶ ꓗꓷ ꓢꓴ ꓕꓲ ꓣꓳ ꓥ ꓡꓳ꓿ ꓔꓲ.. ꓒ ꓪ ꓔꓲ ꓡꓰꓳ (14) ꓠꓬ ꓕꓱ ꓕꓯ ꓥꓳꓽ ꓗꓪ ꓐꓰ ꓮ ꓕꓯ ꓥˍꓟꓲ ꓣꓳꓢꓮꓣꓬ ꓪꓽ ꓘꓴ ꓠ, ꓟ ꓝꓮꓲ ꓕꓲ ꓧꓪꓽ ꓢꓯꓼ ꓖꓶ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
