ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓮꓣꓟꓰꓠꓲꓮ ꓗꓴꓷꓼ ꓢꓲ ꓒꓽ ꓓꓽ ꓐꓰ ꓜꓲ ꓡꓯ ꓘꓳ_ ꓟ꓾
10 ꓦ ꓟ 20 ꓠꓬꓲ ꓠꓽ ꓕꓲ ꓠꓬꓲ ꓠꓯꓼ ꓙꓵ, ꓕꓯ ꓮꓣꓟꓰꓠꓲꓮ ꓗꓴꓷꓼ ꓢꓲ ꓒꓽ ꓓꓽ Nikol Pashinyan ꓠꓬ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓐꓰ ꓦꓮꓔꓲꓚꓮꓠ ꓔꓲꓺ ꓒ ꓪ ꓔꓲ ꓣꓳ. ꓦꓲꓻ ꓗꓪ ꓜꓲ ꓡꓯ ꓘꓳ ꓗꓷ ꓟ ꓥꓳ꓿
ꓖꓳ ꓗ. ꓠꓯ. ꓗꓴꓷꓼ ꓢꓲ ꓒꓽ ꓓꓽ ꓠꓬ ꓦꓮꓔꓲꓚꓮꓠ ꓟꓬꓱꓽ ꓙ ꓢꓴ ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓑꓲꓰꓔꓣꓳ ꓑꓮꓣꓳꓡꓲꓠ ꓐꓰ ꓟꓵꓽ ꓗꓳ. ꓓꓵ ꓓꓵ ꓜꓴꓻ ꓚꓱ, ꓔꓯ ꓟꓳ. ꓔꓲꓺ ꓒ ꓓꓽ ꓑꓮꓴꓡ ꓣꓲꓚꓧꓮꓣꓓ ꓖꓮꓡꓡꓮꓖꓧꓰꓣ ꓐꓰ ꓜꓲ ꓡꓯ ꓘꓳ ꓗꓷ ꓟ ꓥꓳ꓿
ꓕꓱ ꓡꓱ ꓜꓲ ꓗꓷ ꓕꓯ ꓦꓮꓔꓲꓚꓮꓠ ꓐꓰ ꓮꓣꓟꓰꓠꓲꓮ ꓗꓴꓷꓼ ꓠꓬꓲ ꓗꓴꓷꓼ ꓠꓬꓲ ꓗꓳ. ꓚ. ꓗꓪ ꓙꓲ_ ꓟ ꓙꓻ ꓡꓯ ꓘꓳ ꓓꓴ ꓙꓳ_ ꓟ ꓑꓶ ꓓꓴ ꓗ, ꓛꓲ_ ꓟ ꓔꓯ ꓐꓯ ꓔ ꓡꓳ꓿ ꓮꓣꓟꓰꓠꓲꓮ ꓗꓴꓷꓼ ꓠꓬ ꓙꓲ ꓢꓴ ꓢꓲ ꓤ ꓡꓲꓽ ꓒꓰꓼ ꓚꓱ, ꓔꓯ ꓟꓳ. ꓡꓳ. ꓬꓰ ꓟ ꓙꓵ, ꓗꓪ ꓐꓰ ꓕꓲ ꓝ. ꓐꓰ ꓕꓲ ꓝ. ꓙꓻ ꓡꓯ ꓘꓳ ꓡ ꓟ ꓗꓴꓷꓼ ꓕꓲꓽ ꓗꓴꓷꓼ ꓥ ꓡꓳ꓿
ꓮꓣꓟꓰꓠꓲꓮ ꓗꓴꓷꓼ ꓘꓴꓽ ꓗꓪ ꓔꓬ ꓟ ꓗ‐ꓕꓳ‐ꓡꓲꓗ ꓢ‐ꓢꓲ‐ꓠ ꓗꓪ ꓐꓰ ꓕꓲ ꓐꓱ ꓚꓱ, ꓔꓯ ꓥ ꓟꓲ ꓐꓯ ꓗꓷ ꓟ ꓥꓳ꓿ ꓖꓳ ꓟ ꓡꓰ ꓟꓽ ꓞꓲ ꓠꓬꓲꓽ ꓛꓱ ꓠꓬꓲ ꓙ ꓙꓻ ꓡꓯ ꓘꓳ ꓢꓲ꓾ ꓗꓴꓷꓼ ꓐꓱ ꓶ ꓙꓲ ꓖꓴ ꓙꓳ_ ꓟ ꓚꓱ,꓾ ꓖꓴ ꓟꓶ. ꓚꓮꓴꓚꓮꓢꓴꓢ ꓗꓪ ꓟꓶ ꓫꓵ ꓟ ꓢꓲ ꓡꓲ, ꓟ ꓔꓯ ꓫꓬ, ꓠ, ꓟ ꓥ ꓟꓲ ꓣꓳ. ꓚꓵ_ ꓟ ꓚꓱ, ꓔꓯ ꓟꓳ. ꓖꓪ ꓙꓱ ꓡꓯ ꓘꓳ ꓗꓷ ꓟ ꓥꓳ꓾ ꓐꓰ ꓦꓮꓔꓲꓚꓮꓠ ꓓꓳꓽ ꓫꓵ ꓐꓯ ꓑꓶ ꓔꓶ. ꓗꓪ ꓐꓰ ꓐꓯ ꓑꓶ ꓗꓷ ꓟ ꓥꓳ꓿
