ꓑꓴꓔꓮꓳ ꓡꓳ ꓒꓱ ꓠꓮꓟ‐ꓑꓮꓠ (1) ꓘ, ꓗꓪ ꓜ ꓦ ꓟꓲ ꓬꓲꓻ ꓙꓬ ꓟꓶ. ꓡꓰ ꓢꓲ ꓫ. ꓔꓬ ꓟ꓾
ꓑꓴꓔꓮꓳ ꓡꓳ ꓒꓱ ꓠꓮꓟ‐ꓑꓮꓠ (1) ꓘ, ꓗꓪ ꓞꓳ ꓘ, ꓢꓴ ꓐꓴ ꓬꓲ ꓪ ꓜ ꓟꓲ ꓬꓲꓻ ꓙꓬ ꓟꓶ. ꓡꓰ ꓢꓲ ꓐꓬ ꓡꓰ ꓟ ꓑꓶ ꓓꓴ ꓬꓲ ꓪ ꓜ ꓓꓴ ꓓꓳ ꓓꓴ ꓐꓱ ꓶ ꓫ. ꓔꓬ ꓡꓳ꓾ ꓐꓰ Beulah land ꓬꓰ ꓙ ꓢꓴ ꓜꓴꓻ ꓐꓴ ꓗꓪ ꓐꓰ ꓢꓷ. ꓪ ꓡꓳ꓿
ꓡꓳ, ꓬꓰ ꓟ 10 ꓦ 16 ꓠꓬꓲ ꓕꓯ ꓟꓶꓽ ꓦ ꓓꓽ ꓦ ꓟ ꓑꓶ ꓓꓴ ꓟꓮꓠ‐ꓢꓰ ꓐꓶ ꓓꓵ ꓕꓲ ꓛꓱ ꓪꓽ ꓚꓲꓻ ꓡꓶꓽ ꓡꓰ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ_ ꓟ ꓗꓷ ꓡꓰ ꓟ ꓥꓳ ꓐꓰ ꓢꓷ. ꓪ ꓡꓳ꓿
ꓠꓮꓟ‐ꓑꓮꓠ ꓘ, ꓗꓪ ꓠꓬ ꓞꓳ ꓦꓲꓻ 15 ꓦꓲꓻ ꓔꓬ ꓢꓲ ꓞꓳ ꓵ ꓣꓳ 70 ꓣꓳ ꓛꓲ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓬꓲ ꓪ ꓠꓬ ꓕꓱ ꓦ ꓟꓲ ꓬꓰ ꓜ_ ꓟ ꓔꓯ ꓡꓰ ꓜ ꓓꓴ ꓓꓳ ꓓꓴ ꓬꓰ ꓔꓬ ꓟ ꓥ ꓡꓳ꓾ ꓮ ꓟꓶ ꓡꓰ ꓐꓰ ꓐꓬ ꓡꓰ ꓟ ꓑꓶ ꓓꓴ ꓮ ꓟꓶ ꓡꓰ ꓟꓽ ꓞꓲ ꓡ ꓠ, ꓟ ꓕꓲ ꓘꓳꓼ ꓜ ꓫ ꓝꓲ. ꓗꓪ ꓛꓲ ꓜ ꓓꓴ ꓓꓳ ꓓꓴ ꓫ ꓔꓬ ꓡ ꓥꓳ꓾ ꓐꓰ ꓙꓬ ꓫ. ꓔꓬ ꓟ ꓥꓳ꓿
ꓖꓳ ꓟ ꓡꓰ ꓐꓰ ꓟꓵꓽ ꓡꓶꓽ ꓡ ꓟ ꓑꓶ ꓓꓴ ꓠꓮꓟ‐ꓑ‐ꓡꓯ ꓬꓲꓻ ꓙꓬ ꓡꓳ ꓐꓲ. ꓞ, ꓡꓰ ꓢꓲ ꓞꓳ ꓘ, ꓔꓬ ꓦꓲꓻ ꓗꓪ ꓛꓲ ꓬꓲꓻ ꓙꓬ ꓡꓵ ꓔꓬ ꓟ ꓑꓶ ꓓꓴ ꓓꓳꓺ ꓓꓴ ꓬꓲꓻ ꓙꓬ ꓫ. ꓔꓬ ꓡꓳ꓾ ꓐꓰ ꓢꓷ. ꓪ ꓡꓳ꓿ ꓬꓰ ꓙ ꓢꓴ ꓐꓴ ꓔꓯ ꓶꓽ ꓓꓰ ꓦ ꓥ ꓟꓲ ꓮ ꓟꓶ ꓗꓪ ꓛꓲ ꓡ ꓢꓲ ꓬꓰ ꓙ ꓡꓳ ꓫꓵ ꓟꓽ ꓙꓳ ꓢꓰ ꓟ ꓑꓶ ꓓꓴ ꓫ. ꓔꓬ ꓡꓳ꓾ ꓐꓰ ꓢꓷ. ꓪ ꓡꓳ꓾
