ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓟꓬ˗ꓟ ꓗꓴꓷꓼ ꓢꓲ ꓡꓲꓹ ꓟꓶ ꓠꓹ ꓟ ꓟꓬꓱꓽ ꓬꓰ ꓠꓹ ꓟ ꓐꓱ ꓶ ꓐꓯ ꓔ ꓟ ꓓꓳꓽ
10 ꓦ ꓟ 19 ꓠꓬꓲ 2025 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓣꓳ˗ꓟ ꓗꓴꓷꓼ ꓝꓲ ꓓꓴ ꓒꓲ˗ꓕꓱ ꓪꓽ ꓘꓴ ꓦꓲꓻ ꓓꓽ ꓗꓪ ꓐꓰ ꓙꓲ˗ꓢꓴ ꓢꓲꓺ ꓤ ꓐꓴ ꓔꓯ ꓟꓸ ꓟꓲꓽ ꓚꓺ ꓗꓷ ꓟ ꓙꓵꓹ ꓕꓯ ꓟꓬ˗ꓟ ꓗꓴꓷꓼ ꓢꓲ ꓡꓲꓹ ꓟꓶ ꓠꓹ ꓟ ꓟꓬꓱꓽ ꓬꓰ ꓠꓹ ꓟ ꓐꓱ ꓶ ꓫꓸ ꓕꓱ ꓗꓷ ꓟ ꓥ ꓡꓳ꓿
ꓟꓵꓽ ꓗꓳꓹ ꓓꓵ ꓓꓵ ꓗꓪ ꓔꓬ ꓟ ꓗ˗ꓔꓳ˗ꓡꓲꓗ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓢꓴ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓗꓳꓸ ꓗꓷ ꓟ 2021 ꓘꓳꓼ ꓗꓪ ꓐꓰ ꓟꓬ˗ꓟ ꓗꓴꓷꓼ ꓗꓪ ꓒꓬꓱꓼ ꓗꓷ ꓟ ꓗꓴꓷꓼ ꓘꓴꓽ ꓗꓪ ꓢꓰꓼ ꓡꓯꓽ ꓘꓳ ꓓꓴ ꓑꓶꓸ ꓓꓴ ꓑ ꓫꓬ ꓐꓴ ꓠꓲꓹ ꓫꓸ ꓟꓬ ꓫꓸ ꓓꓴ ꓫꓸ ꓓꓴ ꓟꓷꓼ ꓓꓴ ꓮ ꓟꓬꓹ ꓔꓳꓹ ꓜꓳ ꓔꓬ ꓟ ꓪꓴꓸ ꓠꓬꓲ ꓢꓲ ꓡꓲꓹ ꓟꓶ ꓠꓹ ꓟ ꓟꓬꓱꓽ ꓬꓰ ꓠꓹ ꓟ ꓐꓯ ꓗꓷ ꓟ ꓥ ꓡꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓟꓬ˗ꓟ ꓗꓴꓷꓼ ꓓꓳꓽ ꓔꓯ ꓠ ꓡꓳꓹ ꓐ ꓙ ꓪ ꓟ ꓮꓽ ꓙꓵꓽ ꓠꓬ ꓠꓲꓹ ꓫꓸ ꓟꓬꓹ ꓫꓸ ꓓꓴ ꓓꓳꓽ ꓥ ꓡꓳ ꓐꓰ ꓐꓯ ꓗꓷꓳ꓿ ꓔꓲꓺ ꓒ ꓪ ꓔꓲ ꓡꓰꓳ ꓝꓴꓲꓸ ꓟꓽ ꓙꓳ ꓟ ꓑ ꓫꓬ ꓐꓴ ꓔꓬ ꓦꓲꓻ ꓐꓰ ꓢꓳꓻ ꓦꓲꓻ ꓮ ꓟꓬꓹ ꓗꓪ ꓐꓳ ꓢꓶꓽ ꓞꓶꓻ ꓗꓷ ꓟ ꓪꓴꓸ ꓠꓬꓲ ꓝꓴꓲ ꓟꓽ ꓙꓳ ꓟ ꓑ ꓫꓬ ꓮ ꓟꓬꓹ ꓫꓵꓻ ꓔꓬ ꓟ ꓪꓴꓸ ꓠꓬꓲ ꓟꓽ ꓙꓲ ꓟ ꓟꓬꓱꓽ ꓔꓯ ꓞꓼ ꓞꓼ ꓠꓽ ꓗꓷ ꓠꓹ ꓟ ꓐꓯ ꓗꓷꓳ꓿
ꓝꓮꓲ ꓟꓬ˗ꓟ ꓗꓴꓷꓼ ꓗꓪ ꓕꓲ ꓣꓳ ꓛꓳꓽ ꓕꓲ ꓣꓳ ꓢꓰꓼ ꓡꓯꓽ ꓘꓳ ꓔꓬ ꓟ ꓔꓯ ꓠꓽ ꓗꓷ ꓠꓹ ꓟ ꓗꓴꓷꓼ ꓢꓲ ꓡꓲꓹ ꓟꓶ ꓠꓹ ꓟ ꓟꓬꓱꓽ ꓔꓯ ꓬꓰ ꓠꓹ ꓟ ꓐꓱ ꓶ ꓓꓰꓽ ꓗꓷ ꓟ ꓥ ꓡꓳ꓿ ꓝꓮꓲ ꓮ ꓟꓶ ꓟ ꓙꓵꓹ ꓗꓪ ꓟꓯꓼ ꓢꓰꓼ ꓡꓯꓽ ꓘꓳꓹ ꓔꓬ ꓟ ꓴꓗꓣꓮꓲꓠꓰ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓡꓰ ꓠꓬꓲꓸ ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓠꓬ ꓪꓴ˗ꓢ ꓟꓬꓱꓽ ꓟꓯ ꓢꓴ ꓐꓴ ꓐꓱ ꓶ ꓑꓮꓲꓽ ꓦꓬꓼ ꓠꓬꓲ ꓥ ꓡꓳ꓿ ꓣꓳ ꓙꓲ˗ꓢꓴ ꓢꓲꓺ ꓤ ꓐꓴ ꓥ ꓟꓲ ꓪꓴ˗ꓢ ꓔꓯ ꓟꓽ ꓢꓷꓸ ꓢꓴ ꓐꓴ ꓔꓯ ꓣꓳ ꓞꓳ ꓙꓳ ꓚꓱꓹ ꓟꓬꓱꓽ ꓗꓪ ꓐꓰ ꓙꓲ˗ꓢꓴ ꓬꓰ˗ꓢꓴ ꓚꓱꓹ ꓔꓯ ꓟꓸ ꓖꓶ ꓓꓴ ꓬꓰ ꓡꓯ ꓐꓰ ꓫꓸ ꓕꓱ ꓗꓷ ꓢꓲ ꓠꓬꓲ ꓟꓬ˗ꓟ ꓗꓴꓷꓼ ꓐꓱ ꓶ ꓗꓴꓷꓼ ꓢꓲ ꓡꓲꓹ ꓟꓶ ꓠꓹ ꓟ ꓓꓰꓽ ꓗꓷ ꓟ ꓥ ꓡꓳ꓿
