ꓠꓲ, ꓠꓵꓻ_ ꓟ ꓬꓲꓼ ꓤ ꓠꓬꓲ ꓤ ꓐꓴꓳ꓾

ꓕꓲ ꓘꓳꓼ ꓡꓲ ꓕꓲ ꓘꓳꓼ ꓟꓵꓽ ꓗꓳ. ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓟꓯ ꓠꓽ ꓦꓬꓼ ꓠꓬꓲ ( World Mission Sunday) ꓗꓪ ꓟꓵꓽ ꓗꓳ. ꓓꓵ ꓓꓵ ꓗꓪ ꓢ‐ꓢꓲ‐ꓠ ꓟꓬꓱꓽ ꓬꓰ ꓔꓬ ꓢꓴ꓾ ꓕꓲ ꓪ ꓢꓯꓼ ꓕꓵꓼ ꓢꓴ꓾ ꓝꓲ ꓓꓴ ꓟꓬꓱꓽ ꓗꓪ ꓢꓶ, ꓢꓶꓽ꓾ ꓢꓲ, ꓪꓰ ꓟꓬ ꓠꓬꓲ ꓟꓬ ꓡ ꓠ, ꓟ ꓐꓱ ꓶ ꓘꓴ ꓜꓲꓼ ꓞꓳ ꓗꓪ ꓐꓰ ꓪꓽ ꓘꓴ ꓖꓶ ꓔꓬ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓑꓰꓣꓴ ꓗꓴꓷꓼ ꓗꓪ ꓔꓲꓺ ꓒ ꓙꓵꓽ ꓪ ꓐꓰ ꓔꓲꓺ ꓒ ꓓꓽ ꓙꓵꓽ ꓪ ꓐꓰ ꓢ‐ꓢꓲ‐ꓠ ꓟꓬꓱꓽ ꓟꓯ ꓔꓬ ꓟ ꓙꓵ, ꓗꓪ ꓟꓵꓽ ꓗꓳ. ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓟꓯ ꓦꓬꓼ ꓠꓬꓲ ꓗꓪ ꓬꓰ ꓗꓷ ꓟ ꓬꓲ ꓚꓱ, ꓮ ꓙꓵ ꓠꓬ ꓘꓴ ꓜꓲꓼ ꓞꓳ ꓕꓲ ꓜꓴ ꓡꓱꓼ ꓔꓯ ꓒꓳ, ꓡꓶ. ꓗꓷ ꓟ ꓔꓯ ꓡꓳ. ꓟꓳ ꓪ ꓡꓳ꓿ World Mission Sunday ꓬꓲ ꓚꓱ, ꓠꓯꓼ ꓗꓪ ꓟꓵꓽ ꓗꓳ. ꓓꓵ ꓓꓵ ꓗꓪ ꓐꓰ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓐ ꓓꓴ ꓬꓰ ꓡꓯ꓿ ꓠꓴ ꓪ ꓪꓽ ꓘꓴ ꓢꓯꓼ꓾ ꓬꓱ ꓙ_ ꓟ ꓠꓬ ꓪꓴ‐ꓢ ꓶꓼ ꓓꓳ ꓫꓱ, ꓓꓳ ꓛꓱꓻ ꓓꓳ ꓠ, ꓟ꓾ ꓝꓲ ꓓꓴ ꓟꓬꓱꓽ ꓟꓯ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ꓾ ꓪꓽ ꓘꓴ ꓦꓲꓻ ꓫꓵꓼ ꓔꓯ ꓫꓬ, ꓔꓶ ꓠ, ꓟ꓾ ꓚꓲ ꓛꓬ ꓢ‐ꓢꓲ‐ꓠ ꓘꓴꓽ ꓗꓪ ꓔꓬ ꓟ ꓢꓲ ꓤ ꓐꓴ ꓔꓯ ꓧꓪꓽ ꓖꓳ ꓓꓱ ꓕꓲ ꓒꓳ, ꓗꓪ ꓢꓷ. ꓠꓲ, ꓕꓲ ꓒꓳ, ꓗꓪ ꓬꓰ ꓙ ꓔꓳ, ꓙ ꓠ, ꓟ ꓥꓳ꓿ ꓕꓱ ꓕꓲ ꓘꓳꓼ ꓠꓬ 10 ꓦ ꓟ 19 ꓠꓬꓲ ꓕꓯ ꓥ ꓡꓳ꓾ ꓕꓱ ꓕꓲ ꓘꓳꓼ ꓬꓲ ꓚꓱ, ꓠꓬ “ ꓡ ꓞꓳ ꓐꓴ ꓗꓳ, ꓡꓳ ꓗꓪ ꓐꓰ ꓥꓳ ꓡꓳ. ꓟ ꓐꓰ ꓢ‐ꓢꓲ‐ꓠ ꓟꓬꓱꓽ ꓟꓯ ꓟ꓾” ꓐꓰ ꓥ ꓡꓳ꓾ ꓟꓲ ꓠꓯ ꓡꓳ, ꓬꓰ ꓗꓪ ꓛꓲ ꓣꓳ ꓥꓳ ꓡꓳ. ꓓꓴ ꓥ ꓟ ꓢꓲ ꓒ ꓬꓰ‐ꓢꓴ ꓡꓰ ꓖꓶ ꓡ ꓟ ꓗ, ꓛꓲ_ ꓟ ꓟꓬꓱꓽ ꓙꓵꓽ ꓪ ꓔꓯ ꓠꓲ, ꓡꓱ ꓡꓱ ꓢꓯꓼ ꓕꓵꓼ ꓓꓴ ꓬꓰ ꓡꓯ꓾ꓟꓵꓽ ꓗꓳ. ꓓꓵ ꓓꓵ ꓗꓪ ꓔꓬ ꓟ ꓢ‐ꓢꓲ‐ꓠ ꓟꓬꓱꓽ ꓟꓯ ꓔꓬ ꓢꓴ ꓐꓴ ꓔꓯ ꓬꓰ ꓙ_ ꓟ ꓮ ꓙꓵ ꓐꓱ ꓶ ꓫ ꓟꓳ꓾ ꓪꓴ‐ꓢ ꓣꓱ ꓛꓰ ꓟꓶ ꓝꓲ꓾