ꓔꓲꓺ ꓒ ꓪ ꓔꓲ ꓡꓰꓳ ꓠꓬ ꓐ‐ꓣ‐ꓜꓲ ꓗꓴꓷꓼ ꓙꓵꓽ ꓢꓲ ꓒꓽ Lula da Silva ꓐꓰ ꓜꓲ ꓡꓯ ꓘꓳ_ ꓟ꓾

ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓠꓬ ꓐ‐ꓣ‐ꓜꓲ ꓗꓴꓷꓼ ꓙꓵꓽ ꓢꓲ ꓒꓽ Luiz Inácio Lula da Silva ꓐꓰ 10 ꓦ ꓟ 13 ꓠꓬꓲ ꓠꓽ ꓕꓲꓽ ꓠꓬꓲ ꓕꓯ ꓦꓮꓔꓲꓚꓮꓠ ꓗꓪ ꓜꓲ ꓡꓯ ꓘꓳ ꓗꓷ ꓟ ꓥꓳ꓿

ꓗꓴꓷꓼ ꓙꓵꓽ ꓢꓲ ꓒꓽ Luiz Inácio Lula da Silva ꓐꓰ ꓔꓲꓺ ꓒ ꓪ ꓔꓲ ꓜꓲ ꓡꓯ ꓘꓳ ꓗꓷ ꓟ ꓗꓪ ꓠꓬ꓾ ꓙꓵꓻ ꓠꓲ, ꓚꓱ,꓾ ꓦ ꓡꓱ ꓚꓱ,꓾ ꓐ‐ꓣ‐ꓜꓲ ꓗꓴꓷꓼ ꓐꓰ ꓮ ꓟꓶ ꓒꓬꓱꓼ ꓔꓬ ꓟ ꓟꓵ ꓗꓳ. ꓓꓵ ꓓꓵ ꓗꓪ ꓫ. ꓓꓴ ꓟꓷꓼ ꓓꓴ ꓚꓱ, ꓔꓯ ꓟꓳ. ꓐꓯ ꓗꓷ ꓟ ꓥꓳ꓿ ꓖꓳ ꓟ ꓡꓰ ꓐꓰ ꓬꓲ ꓡꓰ ꓔꓲꓺ ꓒ ꓪ ꓔꓲ ꓔꓯ Apostolic Exhortation Dilexi Te ꓐꓰ “ꓙꓵꓻ ꓠꓲ, ꓚꓱ, ꓠꓬ ꓫ. ꓢꓴ ꓟꓷꓼ ꓢꓴ ꓠꓯꓼ ꓠꓲ, ꓠꓵꓻ ꓠ, ꓟ ꓠꓬ ꓣꓴ ꓒꓯꓽ ꓗꓷ ꓟꓽ ꓓꓽ꓾” ꓐꓯ_ ꓟ ꓓꓳꓽ ꓔꓯ ꓥ ꓟꓲ ꓫꓱ. ꓖꓶ ꓗꓷ ꓟ ꓥꓳ꓾ꓐꓰ ꓫ ꓗꓪ ꓐꓯ ꓑꓶ ꓔ ꓟ ꓥꓳ꓿

ꓐ‐ꓣ‐ꓜꓲ ꓗꓴꓷꓼ ꓮꓟꓮꓜꓳꓠ ꓗꓪ ꓔꓬ ꓟ꓾ ꓐꓮꓡꓰꓟ ꓡꓳ ꓒꓱ ꓗꓪ ꓡ ꓠ, ꓟ 11 ꓦ ꓕꓯ ꓬꓰ_ ꓟ ꓟꓵ ꓗꓳ. ꓓꓵ ꓓꓵ ꓟꓵꓽ ꓘꓳꓼ ꓚꓱ, ꓔꓯ ꓟꓳ. ꓚꓳꓑ30 ꓗꓪ ꓔꓲꓺ ꓒ ꓪ ꓔꓲ ꓔꓯ ꓘꓴ ꓔ ꓟ ꓥ ꓡꓳ꓾ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓟꓽ ꓜꓲꓼ ꓐ ꓡ ꓥ ꓟꓲ ꓗꓴꓷꓼ ꓙꓵ ꓢꓲ ꓒꓽ Lula da Silva ꓠꓬ ꓦꓮꓔꓲꓚꓮꓠ ꓔꓯ ꓞꓳ ꓙꓳꓻ ꓔꓬ ꓡꓳ꓾ ꓐꓰ ꓐꓯ ꓔ ꓡꓳ꓿ ꓖꓳ ꓟ ꓡꓰ ꓐꓰ ꓔꓲꓺ ꓒ ꓪ ꓔꓲ ꓔꓯ ꓐ‐ꓣ‐ꓜꓲ ꓗꓴꓷꓼ ꓗꓪ ꓚꓳ ꓙꓰ ꓡ ꓠ, ꓟ ꓥ ꓟꓲ ꓘꓴ ꓔ ꓡꓳ꓾ ꓐꓯ ꓔ ꓡꓳ꓿