ꓗ˗ꓔꓳ˗ꓡꓲꓗ ꓘꓴ ꓜꓲꓼ ꓞꓳ ꓑꓴꓔꓮꓳ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓘꓳꓼ ꓚꓳ ꓖꓪꓽ ꓙꓱ ꓜꓲꓼ ꓓꓴ ꓬꓰ ꓗꓷ ꓟ ꓓꓳꓽ
10 ꓦ ꓟ 10 ꓠꓬꓲ ꓗꓪ ꓐꓰ 11 ꓠꓬꓲ 2025 ꓘꓳꓼ ꓠꓽ ꓛꓳꓼ ꓠꓬꓲ ꓕꓯ ꓗ˗ꓔꓳ˗ꓡꓲꓗ ꓘꓴ ꓜꓲꓼ ꓞꓳ ꓑꓴꓔꓮꓳ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓘꓳꓼ ꓚꓳ ꓖꓪꓽ ꓙꓱ ꓜꓲꓼ ꓓꓴ ꓔꓯ ꓧꓪꓸ ꓧꓪ ꓐꓰ ꓬꓰ ꓓꓳ ꓡꓰꓳ ꓐꓰ ꓢꓷꓸ ꓪ ꓡꓳ꓿ ꓔꓲꓺ ꓒ ꓬꓳ˗ꓦ ꓐꓬꓲꓠ˗ꓔꓴ ꓡꓰ ꓧꓳꓽ ꓪꓴꓸ ꓟꓴ ꓢꓲ ꓠꓬꓲ ꓑꓴꓔꓮꓳ ꓟꓵꓽ ꓗꓪ ꓪꓴ˗ꓢ ꓟꓬꓱꓽ ꓟꓯ ꓔꓬ ꓟ ꓟꓸ ꓒ ꓟꓸ ꓟ ꓐꓴ ꓐꓰ ꓟꓬꓱꓽ ꓙ ꓒꓽ ꓐꓴ ꓐꓰ ꓕꓲ ꓪ ꓖꓪꓽ ꓙꓱ ꓜꓲꓼ ꓓꓴ ꓔꓯ ꓬꓰ ꓗꓷ ꓟ ꓥ ꓡꓳ꓿
ꓕꓱ ꓘꓳꓼ ꓚꓳ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓪꓴ˗ꓢ ꓟꓬꓱꓽ ꓟꓯ ꓔꓬ ꓢꓴ ꓟꓸ ꓒ ꓟꓸ ꓟ ꓐꓴ ꓝꓮꓲ ꓟꓬꓱꓽ ꓙ ꓒ ꓐꓴ ꓐꓹ ꓐ ꓜꓴꓻ ꓐꓴ ꓐꓰ ꓟꓹ ꓟ ꓜꓴꓻ ꓞꓳ ꓡꓯꓸ ꓜꓴꓻ ꓐꓴ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓴ ꓐꓴ ꓮ ꓙꓵꓽ ꓐ ꓗꓷ ꓟ ꓥ ꓡꓳ꓿
ꓖꓪꓽ ꓙꓱ ꓜꓲꓼ ꓓꓴ ꓗꓪ ꓛꓲ ꓡ ꓟ 2026 ꓘꓳꓼ 12 ꓦ ꓕꓯ ꓑꓴꓔꓮꓳ ꓟꓵꓽ ꓗꓪ ꓗ˗ꓔꓳ˗ꓡꓲꓗ ꓘꓴ ꓜꓲꓼ ꓞꓳ ꓛꓲ ꓡ ꓟ (75) ꓐꓲ ꓟ ꓙꓴꓐꓲ˗ꓡꓲ ꓑꓮꓲꓽ ꓔꓯ ꓬꓰ ꓠꓹ ꓟ ꓔꓯ ꓖꓪꓽ ꓙꓱ ꓜꓲꓼ ꓗꓷꓳ꓿ ꓝꓮꓲ ꓑꓮꓲꓽ ꓗꓪ ꓮ ꓡꓰ ꓐꓰ ꓟꓬꓱꓽ ꓬꓰ ꓠꓹ ꓟ ꓐꓰ ꓙꓴ˗ꓐꓲ˗ꓡꓲ ꓑꓮꓲꓽ ꓐꓱ ꓶ ꓬꓰ ꓙ ꓔꓳꓹ ꓙ ꓢꓴ ꓐꓴ ꓔꓯ ꓥ ꓟꓲ ꓢꓷꓸ ꓡꓰ ꓠꓹ ꓟ ꓐꓯ ꓑꓶ ꓠꓹ ꓟ ꓖꓪ ꓙꓱ ꓗꓷꓳ꓿
ꓖꓪ ꓙꓱ ꓜꓲꓼ ꓓꓴ ꓗꓪ ꓟꓬꓱꓽ ꓟꓯ ꓢꓴ ꓮ ꓙꓵꓽ (70) ꓣꓳ ꓐ ꓗꓷ ꓟ ꓥ ꓡꓳ꓿ ꓝꓮꓲ ꓗꓹ ꓛꓲ ꓛꓲ ꓡꓰ ꓑꓲ ꓡꓴꓸ ꓡꓳ ꓖꓪ ꓓꓴ ꓔꓯ ꓥ ꓟꓲ ꓧꓪꓹ ꓧꓪ ꓐꓰ ꓡꓳ ꓖꓪ ꓗꓷ ꓟ ꓥ ꓡꓳ꓿ ꓑꓴꓔꓮꓳ ꓟꓵꓽ ꓗꓪ ꓔꓲꓺ ꓒ ꓙꓵꓽ ꓔꓶꓸ ꓢ ꓔꓶꓸ ꓙꓳ ꓟ ꓥ ꓢꓲ ꓠꓬꓲ ꓡꓴ˗ꓫ˗ꓬ꓾ ꓜ˗ꓤ꓾ ꓑꓴꓔꓮꓳ ꓔꓲꓺ ꓒ ꓙꓵꓽ ꓔꓶꓸ ꓐꓴ ꓥ ꓡꓳ꓿ ꓑꓴꓔꓮꓳ ꓔꓲꓺ ꓒ ꓙꓵꓽ ꓔꓶꓸ ꓗꓪ ꓗ˗ꓔꓳ˗ꓡꓲ ꓘꓴ ꓜꓲꓼ ꓞꓳ ꓔꓬ ꓟ ꓞꓳ ꓘꓹ (20) ꓘꓹ ꓔꓬ ꓟ ꓥ ꓡꓳ ꓐꓰ ꓣꓦꓮ ꓣꓮꓪꓮꓠꓖ ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ꓿
