ꓕꓲ ꓟꓲ ꓠꓯ ꓡꓱꓼ ꓙꓲ˗ꓢꓴ ꓢꓲꓺ ꓤ ꓐꓴ ꓚꓳꓴꓠꓚꓲꓡ ꓥ ꓟ ꓪꓚꓚ ꓚꓳꓴꓠꓚꓲꓡ ꓗꓪ ꓐꓰ ꓬꓯ˗ꓢꓲ˗ꓡꓰ ꓟꓯꓼ ꓐꓴ ꓐꓰ ꓧꓮꓟꓮꓢ ꓟꓯ ꓜꓴꓻ ꓐꓴ ꓢꓲ ꓡꓲ, ꓟꓶ ꓡꓰ ꓟ ꓔꓯ ꓘꓳꓹ ꓣꓴ ꓡꓳ ꓐꓰ ꓐꓯ ꓔ ꓟ ꓓꓳꓽ
10 ꓦ ꓟ 11 ꓠꓬꓲ 2025 ꓘꓳꓼ ꓕꓯ ꓕꓲ ꓟꓲ ꓠꓯ ꓡꓱꓼ ꓗꓪ ꓔꓬ ꓟ ꓙꓲ˗ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓚꓳꓴꓠꓚꓲꓡ ꓥ ꓟ (ꓪꓚꓚ) ꓚꓳꓴꓠꓚꓲꓡ ꓔꓯ ꓧꓳꓽ ꓪꓴꓸ ꓟꓴ ꓔꓬ ꓢꓴ ꓥ ꓟ ꓣꓰꓦꓸ ꓑꓣꓳꓸ ꓓꓣ Jerry Pillay ꓡꓰ ꓬꓯ‐ꓢꓲ‐ꓡꓰ ꓟꓯꓼ ꓐꓴ ꓐꓰ ꓧꓮꓟꓮꓢ ꓟꓯꓼ ꓐꓴ ꓖ‐ꓜ ꓟꓵꓽ ꓗꓪ ꓟꓯꓼ ꓢꓰꓼ ꓡꓯꓽ ꓘꓳ_ ꓟ ꓔꓯ ꓠꓽ ꓗꓷ ꓟ ꓔꓯ ꓘꓳ, ꓣꓴ ꓡꓳ ꓐꓰ ꓫ. ꓕꓱ ꓔ ꓟ ꓥ ꓡꓳ꓿
ꓣꓰꓦ. ꓑꓲꓡꓡꓮꓬ ꓡꓰ ꓓꓽ ꓪꓴ. ꓟꓯꓼ ꓢꓰꓼ ꓡꓯꓽ ꓘꓳ_ ꓟ ꓔꓯ ꓠꓽ ꓗꓷ ꓟ ꓔꓯ ꓕꓳ ꓶ ꓐꓳ ꓡꓯꓽ ꓘꓳ, ꓟꓶ ꓟ ꓪꓴ. ꓠꓬꓲ ꓘꓳ, ꓣꓴ ꓟ ꓐꓰ ꓝꓮꓲ ꓝ. ꓢꓲ ꓠꓬꓲ ꓥ ꓟꓲ ꓞꓰ ꓞ, ꓟ꓾ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓫ. ꓕꓱ ꓔ ꓟ ꓥ ꓡꓳ꓿ ꓑ ꓫꓬ ꓐꓴ ꓠꓲ, ꓫ. ꓟꓬ ꓫ. ꓟ ꓐꓰ ꓫꓵꓻ ꓡꓰ ꓟ ꓟꓶ ꓡꓰ ꓟ꓾ ꓜ ꓓꓴ ꓓꓳ ꓓꓴ ꓟꓽ ꓙꓳ ꓟ ꓮ ꓟꓬ, ꓔꓯ ꓔꓳ, ꓜꓳ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓢꓲ ꓡꓲ, ꓟ ꓘꓳ, ꓣꓴ ꓟꓶ ꓟ ꓪꓴ. ꓠꓬꓲ ꓗ, ꓛꓲ ꓟ ꓓꓳꓽ ꓥ ꓡꓳ ꓐꓰ ꓫ. ꓕꓱ ꓗꓷꓳ꓿
ꓟ. ꓒ ꓓꓽ ꓡꓰ ꓖ‐ꓜ ꓟꓵꓽ ꓗꓪ ꓑ ꓫꓬ ꓐꓴ ꓜ ꓓꓴ ꓓꓳ ꓓꓴ ꓔꓯ ꓫ. ꓔꓬ ꓢꓲ ꓟ ꓐꓰ ꓟꓵꓽ ꓗꓳ. ꓓꓵ ꓓꓵ ꓗꓪ ꓐꓰ ꓬꓰ ꓙ ꓢꓴ ꓐꓴ ꓬꓰ ꓙ ꓠ, ꓟ ꓫ. ꓕꓱ ꓔ ꓡꓳ꓿ ꓝꓮꓲ ꓟꓲ ꓠꓯ ꓡ ꓞꓳ ꓕꓲ ꓣꓳ ꓪ ꓙꓵꓽ ꓪ ꓙꓳ ꓟ ꓔꓯ ꓒꓴꓽ ꓠ, ꓟ ꓫ. ꓕꓱ ꓔ ꓟ ꓥ ꓡꓳ꓿
ꓝꓮꓲ ꓪꓚꓚ ꓚꓳꓴꓠꓚꓲꓡ ꓗꓪ ꓐꓰ ꓖ‐ꓜ ꓑ ꓫꓬ ꓐꓴ ꓐꓬ ꓡꓰ ꓦꓲꓻ ꓔꓯ ꓝꓮꓲ ꓫꓬ, ꓖꓶ ꓠ, ꓟ ꓬꓰ ꓙ ꓢꓴ ꓐꓴ ꓔꓯ ꓓꓰꓽ ꓔ ꓟ ꓐꓱ ꓶ ꓟꓲ ꓠꓯ ꓢꓲ ꓡꓲ, ꓟ ꓔꓯ ꓟꓽ ꓐꓬ ꓡꓰ ꓠ, ꓟ ꓟꓬꓱꓽ ꓔꓯ ꓬꓰ ꓠ, ꓟ ꓓꓰꓽ ꓔ ꓡꓳ ꓐꓰ ꓪꓚꓚ ꓚꓳꓴꓚꓲꓡ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
