ꓬ‐ꓖꓳꓥ ꓡꓳ ꓒꓱ ꓗꓪ ꓬꓰ ꓗꓷ ꓟ ꓙꓴ‐ꓐꓲ‐ꓡꓲ ꓑꓮꓲꓽ ꓓꓽ ꓗꓪ ꓚꓮꓣꓓꓲꓠꓮꓡ ꓡꓰ ꓗꓴꓷꓼ ꓐꓱ ꓶ ꓥꓳꓽ ꓡꓳ ꓓꓴ꓾ ꓪꓽ ꓡꓯꓽ ꓘꓳ, ꓟ ꓐꓰ ꓙꓲ ꓟ ꓟꓬꓱꓽ ꓔꓯ ꓬꓰ ꓠ, ꓟ ꓫ. ꓕꓱ ꓔ ꓟ ꓓꓳꓽ
10 ꓦ ꓟ 10 ꓠꓬꓲ. ꓠꓬꓲ 2025 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓚꓧꓮꓡꓰꓢ ꓐꓳ ꓡꓰ ꓬ‐ꓖꓳꓥ ꓡꓳ ꓒꓱ ꓗꓪ ꓬꓰ ꓗꓷ ꓟ ꓑꓮꓲꓽ ꓓꓽ ꓗꓪ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓗꓴꓷꓼ ꓐꓱ ꓶ ꓮ ꓟꓶ ꓟ ꓙꓵ, ꓠꓬ ꓥꓳꓽ ꓡꓳ ꓓꓴ ꓪꓽ ꓡꓯꓽ ꓘꓳ, ꓟ ꓟꓬꓱꓽ ꓔꓯ ꓬꓰ ꓠ, ꓟ ꓬꓲ ꓙꓵ, ꓥ ꓡꓳ ꓐꓰ ꓫ. ꓕꓱ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓠꓬ ꓟꓬ‐ꓟ ꓗꓴꓷꓼ ꓮ ꓙꓵꓽ ꓗꓪ ꓐꓰ ꓔꓲꓺ ꓒ ꓐꓴ (200) ꓣꓳ ꓐꓰ ꓙꓲ‐ꓢꓴ ꓢꓲꓺꓤ ꓐꓴ ꓮ ꓙꓵꓽ ꓐ ꓟ ꓙꓴ‐ꓐꓲ‐ꓡꓲ ꓑꓮꓲꓽ ꓓꓽ ꓗꓪ ꓫ. ꓕꓱ ꓗꓷ ꓟ ꓥ ꓡꓳ꓿ ꓝꓮꓲ ꓮ ꓟꓶ ꓟ ꓙꓵ, ꓗꓪ ꓗꓴꓷꓼ ꓘꓴꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓮ ꓟꓬ, ꓙꓳ ꓥ ꓟꓲ ꓪꓴ‐ꓢ ꓔꓯ ꓙꓵꓻ ꓟ ꓠꓲ, ꓟ ꓝꓮꓲ ꓠꓲ, ꓠꓵ ꓟ ꓗꓪ ꓐꓰ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓔꓬ ꓢꓴ ꓔꓲꓺ ꓒ ꓔꓲꓺ ꓟ ꓐꓴ ꓮ ꓙꓵꓽ ꓔꓯ ꓫ. ꓟꓳ ꓒꓴ ꓗ ꓫ. ꓕꓱ ꓗꓷ ꓟ ꓥ ꓡꓳ꓿
ꓝꓮꓲ ꓚꓮꓣꓓꓲꓠꓮꓡ ꓡꓰ ꓣꓳ ꓠꓬ ꓙꓲ‐ꓢꓴ ꓬꓰ‐ꓢꓴ ꓐꓰ ꓕꓲ ꓪ ꓟꓬꓱꓽ ꓬꓰ ꓠꓬ ꓣꓳ ꓠꓬ ꓮ ꓘꓶ. ꓛꓲ ꓓꓽ ꓒꓽ ꓓꓽ ꓟ ꓐꓴ ꓥ ꓢꓲ ꓠꓬꓲ ꓣꓳ ꓠꓬ ꓢꓲꓺ ꓒ ꓬꓰ‐ꓢꓴ ꓟꓽ ꓐ ꓠꓬ ꓣꓳ ꓬꓰ ꓟ ꓮ ꓙꓵꓽ ꓠꓬ ꓒꓬꓱꓼ ꓡ ꓟꓽ ꓓꓽ ꓐꓰ ꓫ. ꓕꓱ ꓗꓷ ꓟ ꓥ ꓡꓳ꓿
ꓝꓮꓲ ꓚꓮꓣꓓꓲꓠꓮꓡ ꓡꓰ ꓫ. ꓟꓳ ꓒꓴ ꓗ ꓬꓰ ꓟ ꓠꓬ ꓮ ꓙꓵꓽ ꓛꓲ ꓙꓲ ꓟ ꓟꓬꓱꓽ ꓥ ꓟ ꓐꓰ ꓢꓲꓽ ꓫꓬ ꓟ ꓟꓬꓱꓽ ꓥ ꓟ ꓔꓯ ꓫ. ꓕꓱ ꓗꓷ ꓟ ꓥ ꓡꓳ꓿ ꓚꓮꓣꓓꓲꓠꓮꓡ ꓡꓰ ꓣꓳ ꓠꓬ ꓮ ꓘꓶ. ꓛꓲ ꓢꓲꓽ ꓫꓬ ꓟ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓐ ꓡ ꓠ, ꓟ ꓢꓲꓺ ꓒ ꓬꓰ‐ꓢꓴ ꓔꓯ ꓪꓽ ꓪꓴꓽ ꓘꓳˍ ꓡꓯ ꓐꓰ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓬ‐ꓖꓳꓥ ꓡꓳ ꓒꓱ ꓗꓪ ꓙꓳ ꓟ ꓢꓔ.ꓟꓮꓣꓬ ꓪꓽ ꓘꓴ ꓦꓲꓻ ꓗꓪ ꓫ. ꓕꓱ ꓗꓷ ꓐꓰ ꓣꓦꓮ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
