ꓓꓮꓠꓮꓲ ꓔꓲꓺ ꓒ ꓙꓵꓽ ꓔꓶ. ꓗꓪ ꓘꓴ ꓜꓲꓼ ꓞꓳ ꓒꓳ, ꓡ ꓟ ꓐꓰ ꓡꓯ ꓒꓯ, ꓝ. ꓟ ꓢꓮꓚꓣꓮꓟꓰꓠꓔ ꓖꓶ_ ꓟ꓾
ꓟꓲ‐ꓚꓲ‐ꓠ ꓔꓲꓺ ꓒ ꓓꓽ ꓙꓵꓽ ꓔꓶ.꓾ ꓓꓮꓠꓮꓲ ꓔꓲꓺ ꓒ ꓙꓵꓽ ꓔꓶ. ꓢꓔ. ꓑꓮꓔꓣꓲꓚꓗ ꓪꓽ ꓘꓴ ꓦꓲꓻ ꓗꓪ ꓔꓲꓺ ꓒ ꓑꓮꓔꓰꓣ ꓡꓮꓐꓴ ꓠꓮꓪ ꓢꓮꓠ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ 9 ꓦ ꓟ 28‐30 ꓠꓬꓲ ꓕꓯ ꓬꓰ_ ꓟ꓾ ꓞꓳ ꓡꓱ ꓐꓴ ꓔꓯ ꓖꓳ ꓓꓱ ꓔꓲ, ꓖꓶ_ ꓟ ꓐꓰ ꓡꓯ ꓒꓯ, ꓝ. ꓟ ꓔꓯ ꓬꓰ ꓖꓶ ꓗꓷ ꓟ ꓥꓳ꓾ ꓝꓮꓲ ꓠꓱ. ꓐꓯꓼ ꓘꓴ ꓜꓲꓼ ꓞꓳ ꓗꓪ ꓐꓰ ꓓꓵꓽ ꓡ ꓟ꓾ ꓠꓲꓽ ꓔꓯ ꓦ ꓡꓱ ꓟ ꓗꓪ ꓐꓰ ꓒꓳ, ꓡ ꓢꓴ ꓮ ꓙꓵ 27 ꓣꓳ ꓔꓯ ꓥ ꓟꓲ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓙꓵꓻ ꓚꓱ, ꓥ ꓟ ꓖꓳ ꓓꓱ ꓔꓲ, ꓟ ꓢꓮꓚꓣꓮꓟꓰꓔꓴ ꓔꓯ ꓖꓶ ꓗꓷ ꓟ ꓥꓳ꓿ ꓓꓮꓠꓮꓲ ꓔꓲꓺ ꓒ ꓙꓵꓽ ꓔꓶ. ꓗꓪ ꓠꓬ ꓕꓲ ꓘꓳꓼ ꓡꓲ ꓕꓲ ꓘꓳꓼ ꓠꓱ. ꓐꓯꓼ ꓘꓴ ꓜꓲꓼ ꓞꓳ ꓐꓰ ꓠꓲꓽ ꓦ ꓡꓱ ꓢꓴ ꓐꓴ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓒꓳ, ꓡ ꓟ ꓙꓳ_ ꓡꓳ꓾ ꓐꓰ ꓢꓷ. ꓪ ꓡꓳ꓿
ꓕꓱ ꓟ ꓔꓯ ꓠꓬ ꓔꓲꓺ ꓒ ꓡꓮꓐꓴ ꓠꓮꓪ ꓢꓮꓠ ꓡꓰ ꓧꓳꓽ ꓪꓴ. ꓟꓴ ꓢꓲ ꓞꓳ ꓘ, ꓗꓪ ꓐꓰ ꓟ. ꓒꓽ ꓟ. ꓟ ꓐꓴ ꓢꓯꓼ ꓕꓵꓼ ꓢꓲ ꓠꓬꓲ 9 ꓦ ꓟ 30 ꓠꓬꓲ ꓗꓪ ꓠꓬ ꓡꓯ ꓒꓯ, ꓝ. ꓟ ꓢꓮꓚꓣꓮꓟꓰꓠꓔ ꓔꓯ ꓬꓲ ꓚꓱ, ꓮ ꓟꓬ, ꓫꓵ ꓗꓪ ꓐꓰ ꓟꓽ ꓘꓳ, ꓣꓴ ꓗꓷ ꓡꓰ ꓢꓴ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ (69) ꓜꓱꓻ ꓔꓯ ꓡꓯ ꓒꓯ, ꓝ. ꓟ ꓢꓮꓚꓣꓮꓟꓰꓠꓔ ꓔꓯ ꓥ ꓟꓲ ꓔꓲꓺ ꓒ ꓡꓰ ꓟꓲ‐ꓢ ꓪꓽ ꓘꓴ ꓖꓶ ꓢꓲ ꓡꓯ ꓒꓯ ꓝ. ꓟ ꓢꓮꓚꓣꓮꓟꓰꓠꓔ ꓔꓯ ꓖꓶ ꓗꓷ ꓟ ꓥꓳ꓿
