ꓢ‐ꓑ‐ꓐꓳ ꓟꓵꓽ ꓗꓪ ꓦꓯ, ꓒꓶꓼ ꓮ ꓘꓶ. ꓟꓬꓽ ꓡ ꓟ ꓑꓶ. ꓓꓴ ꓦ ꓟꓲ ꓗꓪ ꓔꓶꓺ ꓔ ꓟ ꓜ ꓐꓬ ꓡꓰ ꓝꓲˍ ꓟ ꓓꓳꓽ
10 ꓦ ꓟ 3 ꓠꓬꓲ 2025 ꓘꓳꓼ ꓕꓯ ꓢ‐ꓑ‐ꓐꓳ ꓟꓵꓽ ꓗꓪ ꓠꓬ ꓦꓯ, ꓒꓶꓼ ꓮ ꓟꓬ, ꓟꓬꓽ ꓡ ꓟ ꓑꓶ. ꓓꓴ ꓦ ꓟꓲ ꓗꓪ ꓔꓶꓺ ꓔ ꓟ ꓜ ꓮ ꓟꓬ, ꓐꓬ ꓡꓰꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓕꓲ ꓣꓳ ꓫ. ꓕꓱ ꓔ ꓟ ꓠꓬ ꓕꓱ ꓕꓲ ꓘꓳꓼ ꓠꓬ ꓦꓯ, ꓒꓶꓼ ꓟꓬꓽ ꓡ ꓟ ꓑꓶ. ꓓꓴ ꓜ ꓟꓲ ꓗꓪ ꓜꓻ ꓜꓲ ꓥ ꓟꓲ ꓐꓬ ꓡꓰ ꓖꓴ ꓢꓲ ꓠꓬꓲ ꓜ ꓓꓴ ꓓꓳ ꓓꓴ ꓮ ꓘꓶ. ꓫ. ꓡ ꓓꓴ ꓙꓳ ꓡꓳ ꓐꓰ ꓫ. ꓕꓱ ꓔ ꓟ ꓥ ꓡꓳ꓿
ꓔꓴ ꓔꓴ ꓟꓶ ꓟꓶ ꓦꓯ, ꓒꓶꓼ ꓐꓴ ꓠꓬ ꓟꓶꓼ ꓘꓶꓼ ꓙꓵ, ꓑ ꓫꓬ ꓐꓴ ꓔꓶꓺ ꓔ ꓟ ꓜꓻ ꓮ ꓙꓵꓽ ꓔꓯ ꓜꓽ ꓖꓴ ꓡꓰ ꓟ ꓥ ꓡꓳ꓿ ꓕꓱ ꓦꓯ, ꓒꓶꓼ ꓐꓴ ꓠꓬ ꓑ ꓫꓬ ꓐꓴ ꓦ ꓟꓲ ꓓꓰ ꓟꓲ ꓮ ꓙꓵꓽ ꓗꓪ ꓔꓶꓺ ꓟ ꓜ ꓫꓵꓽ ꓜ ꓙꓰ ꓮ ꓙꓵꓽ ꓔꓯ ꓜꓽ ꓖꓴ ꓡꓰ ꓟ ꓥ ꓡꓳ꓿ ꓕꓱ ꓡꓰ ꓦꓯ, ꓒꓶꓼ ꓮ ꓟꓬ, ꓟꓬꓽ ꓡ ꓟ ꓠꓬ ꓑꓴꓔꓮꓳ ꓟꓵꓽ ꓗꓪ ꓥ ꓟꓲ ꓙꓳ ꓡꓳ ꓐꓰ ꓑ ꓫꓬ ꓐꓴ ꓡꓰ ꓫ. ꓕꓱ ꓔ ꓡꓳ꓿
ꓗ‐ꓚꓲ ꓗꓴꓷꓼ ꓫꓴꓻ ꓗꓪ ꓦꓯ, ꓒꓶꓼ ꓮ ꓟꓬ, ꓟꓬꓽ ꓡ ꓟ ꓠꓬ ꓗꓳ. ꓗꓷ ꓟ 1977 ꓘꓳꓼ ꓕꓯ ꓥ ꓡꓳ꓿ ꓦꓯ, ꓒꓶꓼ ꓡꓰ ꓜ ꓓꓴ ꓜ ꓖꓴ ꓡꓰ ꓟ ꓪꓴ. ꓠꓬꓲ ꓫꓵꓻ ꓢꓴ ꓑ ꓫꓬ ꓐꓴ ꓥ ꓟꓲ ꓙꓳ ꓗꓷ ꓟ ꓥ ꓡꓳ ꓐꓰ (The 74 Media ) ꓓꓳꓽ ꓗꓪ ꓐꓰ ꓢꓷ. ꓪ ꓟ ꓥ ꓡꓳ꓿
