ꓕꓲ ꓟꓲ ꓠꓯ ꓡꓱ ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓜꓴꓻ ꓥ ꓟ ꓪꓚꓚ ꓚꓳꓴꓠꓚꓲꓡꓰ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓟ ꓟꓬꓱꓽ ꓬꓰ ꓟ ꓚꓱ, ꓥ ꓡꓳ꓿ꓪꓚꓚ ꓐꓯ ꓟ ꓪꓳꓣꓡꓓ ꓚꓳꓴꓠꓚꓲꓡꓰ ꓳꓝ ꓚꓧꓴꓣꓚꓧ ꓐꓯ ꓟ ꓘꓴ ꓜꓲꓼ ꓞꓳ ꓕꓲ ꓟ ꓡꓰ ꓕꓲ ꓟ ꓐ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓚꓳꓴꓠꓚꓲꓡꓰ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓲ ꓠꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞ ꓡ ꓟ ꓔꓯ ꓟꓳ. ꓮ ꓘꓶ. ꓛꓲ ꓧꓪ ꓔ ꓟ ꓔꓯ ꓣꓳ ꓡꓳ. ꓟꓳ ꓪ ꓟ ꓥ ꓡꓳ꓿
1994 ꓘꓳꓼ 5 ꓦ ꓕꓯ ꓐꓳ ꓔ ꓟ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ, ꓔꓯ ꓟꓳ. ꓮ ꓟꓬ, ꓛꓲ ꓡꓳ. ꓟꓳ ꓓꓽ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓐ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓚꓳꓴꓠꓚꓲꓡꓰ ꓗꓪ ꓐꓰ 1975 ꓘꓳꓼ ꓕꓯ ꓠꓰꓣꓳꓐꓲ ꓬꓰ ꓗꓷ ꓟ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓠꓬ ꓟꓵꓽ ꓘꓳꓼ ꓚꓱ, ꓔꓯ ꓟꓳˍ ꓓꓽ ꓪꓴ. ꓫ. ꓕꓱ ꓡ ꓟ ꓥ ꓡꓳ꓿
1988 ꓘꓳꓼ ꓗꓪ ꓛꓲ ꓪꓚꓚ ꓡꓰ ꓧꓳꓽ ꓪꓴ. ꓟꓴ ꓢꓴ ꓐꓴ ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ,ꓔꓯ ꓗꓽ ꓕꓽ ꓠ, ꓟ ꓐꓱ ꓶ ꓘꓴ ꓜꓲꓼ ꓞꓳ ꓮ ꓟꓬ, ꓔꓯ ꓝꓮꓲ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓢꓷ. ꓢꓴ ꓐꓴ ꓜꓴꓻ ꓮ ꓟꓬ, ꓘꓴꓽ ꓢꓲ ꓠꓬꓲ ꓖꓪꓽ ꓙꓱ ꓜꓲꓼ ꓓꓴ ꓮ ꓟꓬ, ꓬꓰ ꓡꓳˍ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓠ, ꓟ ꓐꓱ ꓶ ꓖꓪꓽ ꓙꓱ ꓜꓲꓼ ꓓꓴ ꓔꓯ ꓗ. ꓠꓯ ꓠꓬ ꓮ ꓟꓬ, ꓧꓪ ꓬꓰ ꓡ ꓟ ꓔꓯ ꓡꓳ. ꓟꓳ ꓪ ꓟ ꓥ ꓡꓳ꓿
ꓪꓚꓚ ꓡꓰ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ, ꓔꓯ ꓟꓳ ꓖꓪꓽ ꓙꓱ ꓟ ꓙꓵ, ꓕꓯ ꓪꓴ‐ꓢ ꓡꓰ ꓚꓰꓼ ꓔ ꓟ ꓙꓲ ꓟ ꓚꓱ, ꓔꓯ ꓠꓬꓲ. ꓠꓬꓲ ꓠꓬ ꓐꓬ ꓡꓰ ꓝꓲ ꓟ ꓓꓴꓽ ꓙ ꓫ. ꓓꓴ ꓒꓬꓱꓼ ꓡ ꓝꓲ. ꓟ ꓕꓱ ꓡꓱ ꓫꓵꓽ ꓚꓱ, ꓔꓯ ꓖꓪꓽ ꓙꓱ ꓗꓷꓳ꓿ ꓝꓮꓲ ꓟꓲ ꓠꓯ ꓖꓴ ꓪꓴ. ꓐꓰ ꓖꓴ ꓟꓶ ꓗꓪ ꓗꓴꓷꓼ ꓘꓴꓽ ꓗꓪ ꓫꓵꓽ ꓪꓴꓽ ꓟꓽ ꓓꓳ ꓡ ꓟ ꓚꓱ, ꓮ ꓟꓬ, ꓔꓯ ꓥ ꓟꓲ ꓖꓪꓽ ꓙꓱ ꓗꓷꓳ꓿
ꓪꓴ‐ꓢ ꓡꓰ ꓚꓰꓼ ꓔ ꓟ ꓮ ꓙꓵꓽ ꓔꓯ ꓠꓲ, ꓠꓵ ꓠ, ꓟ ꓥ ꓟꓲ ꓖꓪꓽ ꓙꓱ ꓗꓷ ꓟ ꓥ ꓡꓳ꓿ ꓠꓬꓲ. ꓠꓬꓲ ꓗꓪ ꓛꓲ ꓥ ꓟ ꓪꓚꓚ ꓙꓲ‐ꓢꓴ ꓢꓲꓺ ꓤ ꓐꓴ ꓚꓳꓴꓠꓚꓲꓡꓰ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓿
