ꓙꓲ ꓢꓴ ꓢꓲ ꓤ ꓐꓴ ꓪꓽ ꓘꓴ ꓓꓴ ꓬꓰ ꓡꓯ꓾
ꓟꓽ ꓪ ꓡꓯ ꓘꓳ ꓟꓽ ꓫꓱꓹ ꓡꓯꓽ ꓘꓳ_ ꓟ ꓙꓵꓻ ꓠꓲꓹ꓾ ꓡꓲꓽ ꓒꓰꓼ ꓚꓱꓹ ꓗꓪ ꓐꓰ ꓗꓽ ꓔ ꓢꓲ ꓛꓲꓽ ꓔꓴ ꓠꓹ ꓟ ꓐꓱ ꓶ ꓢꓲ ꓡꓲꓹ ꓔꓱꓹ ꓜꓳ ꓠꓹ ꓟ ꓐꓰ ꓡ ꓞꓳ ꓐꓴ ꓠꓵꓻ ꓠꓲꓹ ꓫꓱꓹ ꓡꓯꓽ ꓘꓳ ꓠꓹ ꓟ ꓔꓯ ꓕꓲ ꓪ ꓢꓯꓼ ꓕꓵꓼ ꓓꓴ ꓬꓰ ꓡꓯ= ꓳ ꓬꓰ-ꓢꓴꓳ꓾ ꓢꓲ ꓒꓽ ꓠꓬ ꓟꓽ ꓫꓱꓹ ꓟ ꓗꓪ ꓐꓰ ꓕꓲ ꓟ ꓡꓰ ꓥ ꓢꓲ꓾ ꓡ ꓞꓳ ꓕꓲ ꓣꓳ ꓡꓲ ꓕꓲ ꓣꓳ ꓔꓯ ꓠꓵꓻ ꓠꓲꓹ ꓐꓰ ꓠꓬꓲꓸ ꓠꓸ ꓖꓶ ꓡꓯ= ꓥꓪ ꓠꓴ ꓔꓯ ꓚꓲ ꓛꓬ ꓔꓱꓹ ꓚꓲ ꓛꓬ ꓬꓲꓼ ꓠꓬꓲ ꓤ ꓠꓵꓻ ꓠꓲꓹ ꓐꓰ ꓔꓬ ꓠꓹ ꓟ ꓬꓰ ꓙ ꓖꓶ ꓡꓯ= ꓕꓲ ꓠꓲꓹ ꓕꓲ ꓪ ꓔꓬ ꓟꓶ ꓠꓹ ꓟ꓾ ꓪꓽ ꓘꓴ ꓠꓹ ꓟ꓾ ꓟꓬꓱꓽ ꓬꓰ ꓠꓹ ꓟ꓾ ꓐꓰ ꓔꓶꓻ ꓙꓱꓼ ꓐꓰ ꓘꓴ ꓟꓶ ꓢꓴ ꓒꓬꓱꓼ ꓡꓰ ꓝꓲ ꓡꓯ= ꓥꓪ ꓠꓴ ꓠꓬ ꓡꓳꓸ ꓐꓲ_ ꓟ ꓐꓰ ꓐꓲ ꓞꓹ ꓔꓬ ꓟ ꓟꓲ ꓠꓯ ꓗꓪ ꓔꓬ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓬꓲ ꓠꓯꓸ ꓟ ꓠꓲꓹ ꓟ ꓟꓽ ꓫꓱꓹ ꓡꓯꓽ ꓘꓳ ꓟ ꓐꓰ ꓠꓻ ꓓꓴ ꓐꓰ ꓔꓬ ꓟ ꓥ ꓡꓳ= ꓕꓲ ꓧꓪꓹ ꓧꓪꓹ ꓙꓵꓻ ꓠꓲꓹ ꓚꓱꓹ ꓠꓬ ꓥꓪ ꓠꓴ ꓔꓯ ꓕꓲ ꓠꓲꓹ ꓕꓲ ꓪ ꓗꓷ ꓡꓰ ꓝꓲ ꓟ ꓓꓰ ꓢ ꓔꓳꓹ ꓡꓯ ꓘꓳ_ ꓟ ꓬꓲ ꓚꓱꓹ ꓗꓷ ꓡꓰ ꓝꓲ_ ꓡꓳ= ꓥꓪ ꓠꓴ ꓠꓲꓹ ꓟ ꓔꓯ ꓢꓲ ꓫꓬ ꓠꓹ ꓟ ꓢꓲ ꓒꓽ ꓢꓲ-ꓫꓬ-ꓟ-ꓦ ꓔꓯ ꓡꓵꓽ ꓖꓶ ꓡꓯ=ꓖꓳ ꓕꓯ ꓢꓲ ꓥꓪ ꓠꓴ ꓔꓯ ꓕꓲ ꓠꓲꓹ ꓕꓲ ꓪ ꓗꓷ ꓡꓰ ꓝꓲ ꓢꓲ꓾ꓖꓳ ꓟ ꓗꓪ ꓐꓰ ꓝꓮꓲ ꓙꓽ ꓜꓲꓼ ꓢꓲ꓾ ꓠ ꓠꓹ ꓗꓴꓸ ꓠꓹ ꓟ ꓐꓰ ꓐꓬ ꓡꓰ ꓓꓴ ꓟꓽ ꓙꓳ ꓕꓲ ꓪꓽ ꓬꓰ ꓗꓴꓸ ꓠꓹ ꓟ ꓙꓻ ꓜꓲꓼ ꓐ ꓡ ꓟ ꓥꓳ= ꓙꓵꓻ ꓠꓲꓹ ꓚꓱꓹ ꓘꓴꓽ ꓗꓪ ꓐꓰ ꓢꓲ ꓡꓲꓹ ꓟ꓾ ꓔꓱꓹ ꓟ ꓐꓰ ꓠꓲꓹ ꓠꓵꓻ ꓗꓴꓸ_ ꓟ ꓚꓵ ꓚꓵ ꓬꓲꓸ ꓔꓯ ꓥꓳꓽ ꓠꓬ ꓥꓪ ꓠꓴ ꓔꓯ ꓟꓽ ꓫꓱꓹ ꓟ ꓔꓯ ꓙ ꓡꓰ ꓢꓲ ꓠꓬꓲ ꓕꓲ ꓠꓲꓹ ꓕꓲ ꓪ ꓔꓬ ꓢꓲ꓾ ꓟꓬꓱꓽ ꓬꓰ ꓐ ꓡ ꓠꓹ ꓙꓵꓻ ꓠꓲꓹ ꓔꓯ ꓢꓯꓼ ꓖꓶ ꓡꓵꓹ ꓔꓴ ꓖꓶ ꓡꓯ= ꓙꓵꓻ ꓠꓲꓹ ꓚꓱꓹ ꓠꓬ ꓐꓳꓽ ꓡ ꓛꓴꓸ ꓐꓰ ꓟꓽ ꓥ ꓠꓬ ꓐꓱꓻ ꓕꓴꓽ ꓡꓰ ꓐꓰ ꓟꓽ ꓣꓱ ꓣꓱ꓾ꓬꓲꓼ ꓠꓬꓲ ꓤ ꓡꓰ ꓐꓰ ꓕꓲ ꓠꓲꓹ ꓕꓲ ꓪ ꓗꓷ ꓠꓹ ꓟ ꓓꓽ ꓖꓴ ꓡꓰ ꓐꓰ ꓒꓬꓱꓼ ꓡꓰ ꓝꓲ꓾ ꓮ ꓙꓵ ꓙꓲ ꓖꓴ ꓙꓳ ꓡꓰ ꓝꓲ ꓠꓹ ꓟ ꓔꓶꓻ ꓙꓱꓼ ꓔꓯ ꓙꓵꓻ ꓠꓲꓹ ꓘꓳꓹ ꓣꓴ ꓢꓲ꓾ ꓤꓶꓻ ꓔꓯ ꓙ ꓖꓴ ꓧꓳꓽ ꓪꓴꓸ ꓖꓶ_ ꓟ꓾ ꓥꓳꓽ ꓡꓳꓸ ꓓꓴ ꓔꓯ ꓖꓶ_ ꓟ꓾ ꓐꓬꓱꓺ ꓘꓶꓽ ꓔꓯ ꓟꓲ ꓟꓲ ꓠꓯ ꓗꓪ ꓕꓲꓽ ꓠꓲꓹ ꓕꓲ ꓪ ꓥ ꓟ ꓠꓯꓺ ꓞꓲꓼ ꓒꓬꓱꓼ ꓡꓰ ꓝꓲ ꓡꓯ= ꓮꓟꓰꓠꓸ
