ꓑꓯ‐ꓖꓴ, ꓟꓵꓽ ꓫꓴ ꓗꓪ ꓟ ꓡꓳ ꓒꓱ ꓕꓲ ꓐꓱ ꓗꓪ ꓟꓶꓽ ꓦ ꓬꓲ ꓓꓽ ꓟ ꓦ ꓔꓬ ꓠꓬꓲ ꓪꓽ ꓚꓲ ꓗꓪ ꓐꓰ ꓬꓲꓻ ꓙꓬ ꓬꓲꓻ ꓡ ꓢꓲ ꓬꓲꓻ ꓙꓬ ꓡꓳ ꓗ. ꓗꓪ ꓬꓲꓻ ꓙꓬ ꓙꓵꓽ ꓟꓶ. ꓡ ꓗꓷꓳ꓿ ꓳꓮꓔ‐ꓔꓪꓲꓠ ꓡꓳ ꓒꓱ꓾ ꓠꓬꓮꓴ‐ꓛꓬꓮꓬ‐ꓕꓮꓳꓸꓼ ꓠꓯ ꓞꓲꓼ ꓦꓲꓻ ꓗꓪ ꓬꓲꓻ ꓙꓬ ꓮ ꓟꓬ, ꓬꓲꓻ ꓓꓵꓽ ꓡ ꓟ ꓑꓶ. ꓓꓴ ꓞꓳ ꓠꓻ ꓐꓴ ꓔꓯ ꓚꓬꓴ. ꓓꓳ ꓪ ꓡꓰꓳ꓿
9 ꓦ (30)ꓠꓬꓲ꓾ ꓠꓬꓲ. ꓠꓬꓲ ꓠꓯꓼ ꓠꓯꓼ 5 ꓙꓵ, ꓛꓲ ꓕꓯ ꓠꓯ ꓞꓲꓼ ꓦꓲꓻ ꓗꓪ ꓬꓲꓻ ꓙꓬ ꓬꓲꓻ ꓓꓵꓽ ꓡ ꓟ ꓥ ꓡꓳ꓾ ꓐꓰ ꓬꓰ ꓙ ꓢꓴ ꓕꓲ ꓣꓳ ꓡꓰ ꓐꓯˍ ꓡꓳ꓿
“ꓟꓶ ꓦ ꓠꓽ ꓬꓲ ꓓꓽ ꓟ ꓦ ꓔꓬ ꓥ꓿ ꓬꓲꓻ ꓙꓬ ꓮ ꓟꓬ, ꓬꓲꓻ ꓞꓰ ꓡ ꓟ ꓪꓴ. ꓠꓬꓲˍ ꓟꓲ ꓥ ꓡꓳ꓿ ꓠꓯ ꓞꓲꓼ ꓦꓲ ꓬꓲ ꓘꓴꓽ ꓞꓳ ꓠꓻ ꓐꓴ ꓔꓬ ꓖꓴ ꓗꓪ ꓛꓲ ꓬꓲꓻ ꓙꓬ ꓙꓵꓽ ꓡꓶ ꓡ ꓟ ꓪꓴ. ꓠꓬꓲ ꓶꓻ ꓤ ꓚꓬ ꓢꓲ. ꓮ ꓙꓵꓽ ꓔꓯ ꓣꓴ ꓓꓳ ꓗꓷ ꓢꓲ꓾ ꓞꓳ ꓠꓻ ꓮ ꓙꓵꓽ ꓔꓯ ꓥˍ ꓟꓲ ꓚꓬꓴ. ꓓꓳ ꓗꓷꓳ”꓾ ꓐꓰ ꓬꓲ ꓡꓰ ꓐꓯˍ ꓡꓳ꓿
ꓳꓮꓔ‐ꓔꓪꓲꓠ ꓡꓳ ꓒꓱ ꓗꓪ ꓠꓬ ꓗꓳ. ꓗꓷ ꓟ 9 ꓦ ꓬꓲ ꓪꓴ. ꓕꓯ ꓢꓲꓢ‐ꓔꓮꓴ, ꓬꓲꓻ ꓙꓬ ꓟꓴ ꓓꓯꓻ ꓡ ꓢꓲ ꓡꓳꓽ ꓓꓳ ꓧꓳ, ꓗꓷ ꓟ ꓪꓴ. ꓠꓬꓲ ꓑ ꓫꓬꓼ ꓕꓲ ꓐꓱ ꓫꓵꓻ ꓗꓷ ꓟ ꓙꓳˍ ꓡꓳ꓿ ꓮ ꓟꓶ ꓕꓯ ꓠꓬ ꓳꓮꓔ‐ꓔꓪꓲꓠ ꓡꓳ ꓒꓱ ꓗꓪ ꓡꓰꓽ ꓟꓽ ꓞꓲ꓾ ꓔꓮꓴ‐ꓥꓴ꓾ ꓬꓰ‐ꓔ‐ꓫꓰ ꓡꓳ ꓒꓱ ꓐꓴ ꓗꓪˍ ꓟꓲ ꓟꓶꓽ ꓦ ꓮ ꓘꓶ. ꓦ ꓔꓬ ꓡꓳ꓾ ꓐꓰ ꓢꓷ. ꓪˍ ꓡꓳ꓿
ꓮ ꓟꓶ ꓟꓵꓽ ꓘꓳꓼ ꓔꓯ ꓟꓳ. ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ ꓚꓬ, ꓠꓬꓲ ꓔ ꓟ ꓗꓪ ꓠꓬ ꓬꓲꓻ ꓙꓬ ꓡꓳ ꓗꓪ ꓐꓰ ꓬꓲꓻ ꓙꓬ ꓙꓵꓽ ꓓꓯꓻ ꓡˍ ꓟ꓾ ꓬꓲ ꓙꓬ ꓙꓵꓽ ꓟꓶ. ꓡˍ ꓟ꓾ ꓪ ꓚꓲ ꓗꓪ ꓚꓳ. ꓬꓲꓻ ꓙꓬ ꓬꓲꓻ ꓞꓰꓻ ꓡˍ ꓟ ꓐꓰ ꓡꓳꓽ ꓓꓳ ꓧꓳ, ꓟ ꓔꓯ ꓟꓬꓽ ꓠꓬꓲ ꓤ ꓟꓳ ꓠ ꓔˍ ꓡꓳ ꓐꓰ ꓐꓯ ꓑꓶ ꓔ ꓟ ꓙꓳˍ ꓡꓳ꓿
News: Credit
