ꓮꓓ 330 ꓘꓳꓼ ꓕꓯ ꓙꓵꓻ ꓠꓲ, ꓔꓯ ꓗꓽ ꓕꓽ ꓢꓴ ꓙꓲꓻ ꓫꓬ ꓢꓴ ꓐꓮꓢꓲꓡ ꓚꓺ ꓟꓲꓽ ꓥ ꓡꓳ꓿ ꓖꓳ ꓕꓲ ꓙꓵ, ꓗꓪ ꓣꓳ‐ꓟ ꓪ ꓔꓲ ꓠꓬ ꓟꓯꓼ ꓢꓰꓼ ꓡꓯꓽ ꓘꓳˍ ꓗꓷ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓣꓳ‐ꓟ ꓪ ꓔꓲ ꓬꓲ ꓫꓵꓼ ꓒꓬꓱꓼ ꓡ ꓟ ꓥ ꓡꓳ꓿
ꓣꓳ‐ꓟ ꓪ ꓔꓲ ꓬꓲ ꓫꓵꓼ ꓠꓬ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓟꓽ ꓥ ꓐꓰ ꓟ. ꓟꓲꓽ ꓚꓺ ꓢꓴ ꓮꓣꓲꓴꓢ ꓔꓯ ꓟꓽ ꓠꓲ, ꓫꓵˍ ꓢꓴ ꓥ ꓡꓳ꓿ ꓙꓲꓻ ꓫꓬ ꓢꓴ ꓐꓮꓢꓲꓡ ꓠꓬ ꓮꓓ 389 ꓘꓳꓼ ꓕꓯ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰꓳ꓿ ꓖꓳ ꓗ. ꓠꓯ ꓙꓲꓻ ꓫꓬ ꓢꓴ gegory ꓠꓬ ꓚꓳꓠꓢꓔꓲꓠꓰꓠꓳꓐꓡꓰ ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓒꓬꓱꓼ ꓡ ꓟ ꓥ ꓡꓳ꓿\
ꓙꓲꓻ ꓫꓬ ꓢꓴ gegory ꓠꓬ ꓚꓳꓠꓢꓔꓲꓠꓰꓠꓳꓐꓡꓰ ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓙꓵꓽ ꓡꓰ ꓧꓳꓽ ꓪꓴ. ꓟꓴ ꓗꓷ ꓟ ꓙꓵ, ꓔꓯ ꓡꓳ ꓒꓱ ꓗꓪ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓟꓽ ꓔꓬ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓦꓲꓻ ꓤ ꓤ ꓗꓪ ꓔꓬ ꓗꓷ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓢꓽ ꓣꓳ ꓕꓲ ꓖꓳ ꓓꓱꓽ ꓪꓴ‐ꓢ ꓚꓱ, ꓔꓯ ꓙꓲ‐ꓢꓴ ꓢꓲꓺ ꓤ ꓐꓴ ꓚꓺ ꓟ. ꓖꓶ ꓗꓷ ꓟ ꓥ ꓡꓳ꓿
ꓟꓲ‐ꓢ ꓔꓲ ꓟ ꓐꓰ ꓪꓽ ꓘꓴ ꓙꓵ,ꓔꓯ ꓔꓲꓺ ꓒ ꓓꓽ ꓔꓬ ꓟ ꓦꓲꓻ ꓗꓪ ꓬꓰ ꓗꓷ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ gegory ꓠꓬ ꓚꓳꓠꓢꓔꓲꓠꓰꓠꓳꓐꓡꓰ ꓡꓳ ꓒꓱ ꓗꓪ ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓡꓲ ꓘꓳꓼ ꓟꓽ ꓐꓲ ꓢꓰ ꓕꓯ ꓚꓳꓠꓢꓔꓲꓠꓰꓠꓳꓐꓡꓰ ꓕꓲ ꓡꓳ ꓒꓱ ꓮ ꓙꓵꓽ ꓠꓬ ꓗ‐ꓔꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓟ ꓥ ꓡꓳ꓿
ꓕꓱ ꓡꓱ ꓐꓰ ꓪ ꓔꓲ ꓠꓬ ꓟꓽ ꓔꓱ, ꓟꓽ ꓜꓳ ꓟ ꓟ. ꓟꓲꓽ ꓚꓺ ꓢꓴ ꓐꓴ ꓡꓯꓽ ꓒꓯ, ꓗꓪ ꓐꓰ ꓚꓳꓠꓢꓔꓲꓠꓰꓠꓳꓐꓡꓰ ꓡꓳ ꓒꓱ ꓗꓪ ꓐꓰ ꓪꓽ ꓘꓴ ꓦꓲꓻ ꓓꓽ ꓔꓯ ꓙꓲꓻ ꓫꓬ ꓢꓴ gegory ꓔꓯ ꓡꓯꓼ ꓙꓱꓼ ꓖꓶ ꓗꓷꓳ꓿
ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓔꓲꓺ ꓒ ꓓꓽ ꓠꓬ ꓮ‐ꓫ ꓟꓲꓠꓳꓣ ꓟꓵꓽ ꓗꓪ ꓔꓬ ꓗꓷ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓓꓽ ꓠꓬ ꓬꓲ ꓧꓪꓽ ꓖꓳ ꓓꓱ ꓡꓳ ꓬꓰ ꓗꓪ ꓛꓲ ꓪꓽ ꓘꓴ ꓢꓲ ꓠꓬꓲ ꓔꓬ ꓗꓷ ꓟ ꓥ ꓡꓳ꓿ ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓮ ꓘꓶ. ꓛꓲ ꓢꓯꓼ ꓕꓵꓼ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓗꓷ ꓟ ꓥ ꓡꓳ꓿
