ꓠꓬꓲ. ꓠꓬꓲ ꓝꓮꓲ ꓕꓲ ꓧꓪ ꓟꓵꓽ ꓘꓳꓼ ꓒꓳ, ꓚꓱ, ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓐꓴ ꓟꓵꓽ ꓘꓳꓼ ꓔꓯ ꓟꓳꓺ ꓮ ꓡꓰ ꓬꓰ ꓔꓬ ꓡ ꓐꓯ ꓟ. ꓔꓯ ꓣꓳ ꓐꓴ ꓠ ꓡꓳ ꓓꓴ ꓬꓰ ꓡꓯ꓿ ꓟꓲ ꓠꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞ ꓡ ꓟ ꓔꓯ ꓟꓽ ꓙꓳ ꓠ, ꓟ ꓟꓬꓱꓽ ꓬꓰ ꓠ, ꓟ ꓠꓬ ꓘꓴ ꓜꓲꓼ ꓞꓳ ꓠꓬ ꓮ ꓘꓶ. ꓛꓲ ꓣꓺ ꓚꓵ ꓟ ꓥ ꓡꓳ꓿
ꓖꓳ ꓡꓱ ꓠꓬ ꓘꓴ ꓜꓲꓼ ꓞꓳ ꓐꓴ ꓠꓬ ꓮ ꓡꓰ ꓬꓰ ꓔꓬ ꓡ? ꓟꓲ ꓠꓯ ꓗꓪ ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓔꓯ ꓮ ꓟꓬ, ꓫ. ꓡꓰ ꓝꓲ ꓠ, ꓟ ꓒꓬꓱꓼ ꓡ ꓝꓲ ꓟ ꓟꓲ ꓠꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞ ꓡ ꓟ ꓠꓬ ꓞꓼ ꓞꓼ ꓬꓰ ꓠ, ꓟ ꓟꓬꓱꓽ ꓓꓽ ꓥ ꓢꓲ ꓠꓬꓲ ꓮ ꓕꓯ ꓥ ꓟꓲ ꓟꓽ ꓠꓽ ꓠꓽ ꓬꓰ ꓠ ꓔ ꓟ ꓟꓬꓱꓽ ꓥ ꓡꓳ꓿
ꓘꓴ ꓜꓲꓼ ꓞꓳ ꓕꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓠꓬ ꓕꓱ ꓟ ꓔꓯ ꓟꓳꓺ ꓞꓳ ꓤ ꓔꓯ ꓐꓯ ꓟ. ꓔ ꓟ ꓮ ꓟꓬ, ꓟꓽ ꓙꓳ ꓥ ꓟꓲ ꓘꓴ ꓜꓲꓼ ꓞꓳ ꓠꓬ ꓙꓼ ꓔꓯ ꓮ ꓟꓬ, ꓣꓱ ꓔꓬ ꓟ ꓗꓴꓷꓼ ꓐꓰ ꓗꓴꓷꓼ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓔꓯ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓟ ꓟꓬꓱꓽ ꓔꓯ ꓞꓼ ꓞꓼ ꓬꓰ ꓠ, ꓟ ꓐꓱ ꓶ ꓐꓯ ꓠ, ꓟ ꓢꓯꓼ ꓖꓶ ꓠ,ꓟ ꓮ ꓘꓶ. ꓣꓳꓺ ꓚꓵ ꓟ ꓥ ꓡꓳ꓿ ꓚꓳꓟꓑꓮꓠꓬ ꓔꓯ ꓧꓳꓽ ꓪꓴ. ꓟꓴ ꓢꓴ ꓐꓴ ꓐꓰ ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓴ ꓞꓼ ꓞꓼ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓗꓽ ꓕꓽ ꓖꓶ ꓠ, ꓟ ꓖꓪ ꓙꓱ ꓠ, ꓟ ꓣꓳꓺ ꓚꓵ, ꓟ ꓥ ꓡꓳ꓿
ꓟꓲ ꓠꓯ ꓕꓱ ꓟ ꓞ ꓡ ꓟ ꓔꓯ ꓠꓬꓲꓽ ꓧꓪ ꓕꓲ ꓧꓪ ꓦꓮꓔꓲꓚꓮꓠ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ ꓕꓱ ꓟ ꓔꓯ ꓠꓬ ꓧꓪ, ꓛꓲ ꓓꓴ ꓬꓲ ꓙꓵ, ꓐꓰ ꓟꓬꓱꓺ ꓖꓶ ꓔ ꓟ ꓥ ꓡꓳ꓿ ꓟꓲ ꓠꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞ ꓟ ꓔꓯ ꓟꓽ ꓙꓳ ꓡꓰ ꓠ, ꓟ ꓢꓯꓼ ꓕꓵꓼ ꓟ ꓠꓬ ꓠꓬꓲ. ꓠꓬꓲ ꓟꓲ ꓠꓯ ꓗꓪ ꓪꓴ‐ꓢ ꓖꓶ ꓡ ꓟ ꓧꓪ, ꓛꓲ ꓠ, ꓟ ꓢꓷ. ꓡꓰ ꓓꓴ ꓕꓲ ꓟ ꓥ ꓡꓳ꓿ ꓕꓱ ꓟ ꓔꓯ ꓣꓳ ꓢꓯꓼ ꓕꓵꓼ ꓠꓬ ꓣꓳ ꓠꓬ ꓠꓬꓲ. ꓟꓳ ꓓꓴ ꓠꓯ, ꓗꓪ ꓟꓬꓱꓽ ꓬꓰ ꓢꓴ ꓐꓴ ꓥ ꓡꓳ ꓐꓰ ꓐꓯ ꓟ ꓢꓷ. ꓡꓰ ꓓꓴ ꓒꓬꓱꓼ ꓡ ꓓꓴ ꓥ ꓡꓳ꓿
ꓖꓳ ꓟ ꓑꓶ. ꓓꓴ ꓘꓴ ꓜꓲꓼ ꓞꓳ ꓠꓬ ꓪꓴ‐ꓢ ꓚꓰꓼ ꓔ ꓟ ꓐꓰ ꓔꓱ, ꓚꓵ ꓟ ꓔꓯ ꓢꓷ. ꓠꓲ, ꓙꓳ ꓒꓽ ꓐꓴ ꓟꓬꓱꓽ ꓙꓳ ꓟ ꓥ ꓡꓳ꓿ ꓟꓽ ꓔꓱ, ꓟ ꓞꓳ ꓙꓳ ꓚꓱ, ꓐꓰ ꓶꓻ ꓡꓯꓼ ꓬꓰ ꓟ ꓚꓱ, ꓮ ꓙꓵꓽ ꓔꓯ ꓠꓽ ꓗꓷ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓟꓵꓽ ꓘꓳꓼ ꓒꓳ, ꓟ ꓔꓯ ꓗꓽ ꓕꓽ ꓠ, ꓟ ꓐꓱ ꓶ ꓪꓴ‐ꓢ ꓡꓰ ꓚꓰꓼ ꓔ ꓟ ꓔꓯ ꓒꓴꓽ ꓛꓳ ꓓꓴ ꓬꓰ ꓡꓯ꓿ ꓫ. ꓟꓳ ꓪ
