ꓔꓱ, ꓜꓳˍꓟ ꓔꓯ ꓙꓽ ꓗꓴ ꓠꓲ, ꓐꓰ ꓠꓵ., ꓠꓲ꓾ ꓠꓲ, ꓙꓽ ꓟꓬ ꓗꓳˍꓟ ꓐꓰ ꓢꓯꓼ ꓔꓬ ꓝꓲ ꓠꓯ.ꓼˍꓟ꓾
ꓔꓲ.. ꓒ ꓪ ꓔꓲ (14) ꓠꓬ ꓔꓱ, ꓜꓳ ꓠ, ꓟ ꓐꓱ ꓶ Jubiee ꓑꓮꓲ ꓓꓽ ꓬꓰˍꓟ ꓗꓪ ꓔꓱ, ꓜꓳˍꓟ ꓠꓬ ꓪꓴ‐ꓢ ꓔꓯ ꓠꓲ., ꓠꓵ ꓢꓲ꓾ ꓑ ꓫꓬ ꓐꓴ ꓔꓯ ꓠꓲ., ꓒꓴ ꓒꓴ ꓡꓰ ꓘꓴꓽ ꓣꓴ ꓗꓴ. ꓠꓯ.ꓼˍꓟ ꓕꓱ ꓟ ꓔꓯ ꓔꓱ, ꓜꓳˍꓟ ꓐꓯˍꓟ ꓥ ꓡꓳ ꓐꓰ ꓑꓮꓲ ꓓꓽ ꓗꓪ ꓡ ꓢꓴ ꓐꓴ ꓮ ꓙꓵꓽ ꓔꓯ ꓢꓯꓼ ꓖꓶ ꓗꓷ ꓟ ꓥˍꓡꓳ꓿
ꓑꓮꓲ ꓓꓽ ꓗꓪ ꓡ ꓢꓴ ꓐꓴ ꓔꓯ ꓔꓱ, ꓜꓳˍꓟ꓾ ꓙꓽ ꓗꓴ ꓠꓲ, ꓐꓰ ꓠꓵ., ꓠꓲ꓾ ꓠꓲ, ꓙꓽ ꓟꓬ ꓗꓳ ꓐꓰ ꓢꓯꓼ ꓔꓬ ꓝꓲ ꓠꓯ.ꓼˍꓟ ꓠꓬ ꓜꓴ ꓕꓲ ꓜꓴ ꓡꓲꓽ ꓕꓲ ꓜꓴ ꓔꓯ ꓪꓽ ꓡꓰ ꓝꓲ ꓠꓯ.ꓼˍꓟ ꓐꓰ ꓤ ꓑ ꓤ ꓤ ꓟꓶ ꓤ ꓐꓴ ꓠꓵ., ꓠꓲ, ꓐꓰ ꓪꓽ ꓙꓵꓽ ꓪ ꓙꓳˍꓟ ꓚꓱ, ꓔꓯ ꓐꓯꓼ ꓟ. ꓖꓶ ꓗꓷ ꓟ ꓥ ꓡꓳ꓿
ꓝꓮꓲ ꓢꓲ ꓫꓬ ꓕꓳꓽ ꓶ ꓗꓪ ꓥˍꓟꓲ ꓔꓱ, ꓜꓳˍꓟ ꓔꓯ ꓠꓲ, ꓠꓵ., ꓢꓲ꓾ ꓟꓽ ꓜꓳˍꓟ ꓔꓯ ꓤ ꓟꓳ ꓐꓰ ꓐꓯꓼ ꓔꓽ ꓟ ꓙꓳ ꓡꓳ꓿
ꓝꓮꓲ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓔꓱ, ꓜꓳˍꓟ ꓕꓲ ꓫꓵꓽ ꓔꓯ ꓖ ꓖꓶ ꓠꓯ.ꓼˍꓟ ꓥ ꓡꓳ꓾ ꓢꓴ ꓡꓰ ꓣꓳ ꓔꓯ ꓠꓲ., ꓟ ꓠ., ꓓꓴ ꓬꓰ ꓡ ꓥˍꓟꓲ ꓬꓲ ꓪ ꓔꓯ ꓖ ꓖꓶ ꓐꓰ ꓢꓯꓼ ꓖꓶ ꓗꓷ ꓟ ꓥ ꓡꓳ꓿ ꓬꓲ ꓟꓶ ꓗꓪ ꓔꓲ.. ꓒ ꓪ ꓔꓲ ꓡꓰꓳ (14) ꓡꓰ ꓐꓯ ꓟ ꓠꓬ ꓣꓳ ꓠꓲ., ꓟ ꓠꓯ.ꓼˍꓗꓪ ꓔꓱ, ꓜꓳˍꓟ ꓔꓯ ꓙꓽ ꓗꓴ ꓠꓲ, ꓐꓰ ꓠꓵ., ꓠꓲ꓾ ꓠꓲ, ꓙꓽ ꓟꓬ ꓗꓳ ꓐꓰ ꓢꓯꓼ ꓔꓬ ꓝꓲ ꓠꓯ.ꓼˍꓟ ꓚꓱ, ꓔꓯ ꓡꓳ, ꓬꓰ ꓟ ꓕꓲ ꓙꓵꓽ ꓕꓯ ꓢꓮꓲꓠꓔ ꓑꓰꓔꓰꓣ ꓪꓽ ꓘꓴ ꓦꓲ., ꓑꓮꓲ ꓗꓪ ꓡ ꓢꓴ ꓐꓴ ꓑ ꓫꓬ ꓐꓴ ꓔꓯ ꓢꓯꓼ ꓖꓶ ꓗꓷ ꓟ ꓥ ꓡꓳ꓿
