Nigeria ꓗꓴꓷꓼ ꓗꓪ ꓗ-ꓕꓳ-ꓡꓲꓗ ꓔꓲꓺ ꓒ ꓕꓲ ꓣꓳ ꓔꓯ ꓬꓲꓸ ꓔꓬ ꓔꓶꓸ ꓗꓪ ꓡ ꓡ ꓟ ꓚꓱꓹ ꓗꓪ ꓢꓰꓼ ꓗꓷ ꓟ꓾
ꓮ ꓟꓶ 9 ꓦ ꓟ 19 ꓠꓬꓲ 2025 ꓘꓳꓼ ꓕꓯ ꓠꓲꓖꓰꓣꓲꓮ ꓗꓴꓷꓼ ꓢꓴꓗꓗꓮ ꓢ-ꓢꓲ-ꓠ ꓗ-ꓕꓳ-ꓡꓲꓗ ꓔꓲꓺ ꓒ Matthew Eya ꓔꓯ ꓬꓲ ꓔꓬ ꓟ ꓔꓶꓸ ꓢꓔꓸ ꓚꓧꓮꓣꓡꓰꓢ ꓗꓪ ꓟꓳ-ꓓꓳ ꓐꓰ ꓡ ꓡ ꓕꓯ ꓙ ꓚꓱꓹ ꓗꓪ ꓢꓰꓼ ꓗꓷ ꓟ ꓥ ꓡꓳ=
ꓠꓲꓖꓰꓣꓲꓮ ꓗꓴꓷꓼ ꓠꓬ ꓞꓳ ꓫꓵ ꓮ ꓟꓬꓹ꓾ ꓟꓽ ꓪ_ ꓟ ꓙꓵꓻ ꓠꓲꓹ ꓚꓱꓹ ꓮ ꓟꓬꓹ꓾ ꓡꓲꓽ ꓒꓰꓼ ꓚꓱꓹ ꓮ ꓟꓬꓹ ꓐꓰ ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓡꓳ= ꓐꓶ ꓓꓵ Africa ꓗꓴꓷꓼ ꓗꓪ ꓐꓰ ꓬꓲ ꓓꓽ ꓥ ꓟ ꓗꓴꓷꓼ ꓕꓲ ꓟ ꓟꓲ ꓥ ꓡꓳ꓾ ꓖꓳ ꓡꓱ ꓥ ꓟꓲ ꓗꓴꓷꓼ ꓘꓴꓽ ꓗꓪ ꓠꓬ ꓧꓶꓼ ꓙꓱꓹ ꓓꓶ_ ꓟ꓾ ꓜꓲ ꓜꓲ ꓟꓴ ꓟꓴ ꓬꓰ_ ꓟ꓾ ꓟꓬꓱꓽ ꓟꓽ ꓙꓳ_ ꓟ ꓫꓵ ꓪꓴ꓾ ꓫꓸ ꓢꓢꓴ ꓟꓷꓼ ꓢꓴ ꓟꓬꓹ ꓟ ꓮ ꓘꓶꓸ ꓟꓬꓹ ꓟ ꓑꓶ ꓓꓴ ꓚꓲ ꓛꓬ ꓐꓱ ꓶ ꓗꓽ ꓕ ꓓꓴ ꓮ ꓘꓶꓸ ꓟꓽ ꓙꓳ ꓟ ꓗꓴꓷꓼ ꓕꓲꓽ ꓗꓴꓷꓼ ꓥ ꓡꓳ=
ꓗꓴꓷꓼ ꓶꓻ ꓡꓯꓼ ꓟꓬꓱꓽ ꓪꓴ ꓟꓴ ꓟ ꓢꓯꓼ ꓙꓳ ꓥ ꓟꓲ ꓗꓴꓷꓼ ꓘꓴꓽ ꓗꓪ ꓐꓰ ꓘꓹ ꓮ ꓟꓬꓹ ꓗꓪ ꓠꓬ ꓞꓳ ꓵ ꓣꓳ ꓟꓬꓹ ꓟ꓾ ꓮ ꓟꓶ ꓟ ꓦꓬꓼ ꓠꓬꓲ ꓡꓰ ꓟꓽ ꓥ ꓟꓶꓻ ꓫꓵ ꓗꓷ ꓡꓰ ꓟ ꓦꓲꓻ ꓐꓲꓽ ꓔꓬ ꓢꓰ ꓟ꓾ ꓡꓳ ꓒꓱ ꓗꓪ ꓛꓴ ꓙꓳ ꓡ ꓢꓴ ꓒꓳꓹ ꓔꓴ ꓡ ꓢꓴ ꓐꓴ ꓐꓰ ꓮ ꓕꓯ ꓟꓲ ꓔꓳꓹ ꓜꓳ ꓔꓬ ꓟ ꓟ ꓥ ꓡꓳ=
ꓗꓴꓷꓼ ꓞꓳ ꓵ ꓣꓳ ꓗꓪꓠꓬ ꓟꓴꓢꓡꓲꓟ ꓐꓰ ꓙꓵꓻ ꓢꓴ ꓢꓲ ꓤ ꓐꓴ ꓕꓲꓽ ꓐꓶ ꓕꓲꓽ ꓐꓶ ꓔꓬ ꓟ ꓥ ꓡꓳ= ꓗꓴꓷꓼ ꓖꓴ ꓟꓶꓸ ꓕꓲ ꓛꓱ ꓗꓪ ꓠꓬ ꓟꓴꓢꓡꓲꓟ ꓮ ꓟꓬꓹ ꓔꓬ ꓢꓲ꓾ ꓖꓴ ꓪꓴꓸ ꓕꓲ ꓛꓱ ꓗꓪ ꓠꓬ ꓙꓲ ꓢꓴ ꓢꓲ ꓤ ꓐꓴ ꓟꓬ ꓠꓬꓲ ꓔꓬ ꓟ ꓥ ꓡꓳ=
