ꓧꓳꓠꓖ ꓗꓳꓠꓖ ꓗꓪ ꓕꓳ ꓶ ꓢꓳꓻ ꓙꓳ꓾ ꓟꓬꓱꓽ ꓬꓰ ꓔꓶꓸ ꓮ ꓙꓵ ꓐꓲꓸ ꓢꓲ ꓟꓲꓽ ꓦꓲꓻ ꓕꓳꓽ ꓥꓳꓽ ꓔꓯ ꓔꓳꓹ ꓠꓹ ꓟ ꓢꓯꓼ ꓕꓵꓼ ꓔꓬ ꓟ꓾
ꓕꓱ ꓕꓲ ꓘꓳꓼ ꓗꓪ ꓢꓯꓼ ꓓꓽ ꓟ ꓙꓳ_ ꓟ ꓟꓲꓽ ꓦꓲꓻ ꓕꓳ ꓥꓳꓽ ꓢꓴꓑꓰꓣ ꓔꓬꓑꓧꓳꓳꓠ ꓟꓲꓽ ꓦꓲꓻ ꓢꓯꓼ ꓓꓽ ꓟ ꓑꓶ ꓓꓴ ꓧꓳꓠꓖ ꓗꓳꓠꓖ ꓗꓪ ꓕꓳ ꓶ ꓢꓳꓻ ꓦꓲꓻ꓾ ꓣꓳꓸ ꓦꓲꓻ꓾ ꓶꓻ ꓡꓯꓼ ꓟꓬꓱꓽ ꓔꓶꓸ ꓮ ꓙꓵ ꓐꓲꓸ ꓞꓹ ꓢꓲ ꓟꓲꓽ ꓦꓲꓻ ꓕꓳꓽ ꓥꓳꓽ ꓐꓱ ꓶ ꓙ ꓖꓶ ꓔꓬ ꓟ ꓥ ꓡꓳ=
ꓕꓱ ꓟꓲꓽ ꓦꓲꓻ ꓕꓳ ꓥꓳꓽ ꓔꓬꓑꓧꓳꓳꓠ ꓣꓮꓖꓮꓢꓮ ꓠꓬ Philippine ꓖꓴ ꓟꓶꓸ ꓬꓲ ꓗꓳ ꓡꓳ ꓟꓵꓽ ꓗꓪ ꓙꓻ ꓢꓲ ꓠꓬꓲ 9 ꓦ 23 ꓠꓬꓲ ꓕꓯ ꓧꓳꓠꓖ ꓗꓳꓠꓖ ꓖꓴ ꓪꓴꓸ ꓗꓪ ꓙꓻ ꓢꓲ ꓐꓶ ꓓꓵ ꓧꓶꓽ ꓟꓵꓽ ꓗꓪ ꓟꓳꓸ ꓡ ꓟ ꓥ ꓡꓳ=
ꓣꓮꓖꓮꓢꓮ ꓟꓲꓽ ꓦꓲꓻ ꓙꓱꓼ ꓢꓯꓼ ꓠꓬ ꓕꓲ ꓙꓵꓹ 137 ꓟꓲꓡꓰ ꓗꓪ ꓛꓲ ꓢꓯꓼ ꓙꓳ ꓓ_ ꓡꓳ ꓐꓰ ꓢꓪꓼ ꓔ ꓡꓳ= ꓝꓮꓲ ꓧꓳꓠꓖ ꓗꓳꓠꓖ ꓗꓪ ꓟꓲꓽ ꓦꓲꓻ ꓢꓯꓼ ꓬꓲꓸ ꓕꓲꓸ 10 ꓕꓲꓸ ꓗꓪ ꓐꓰ ꓬꓲ ꓕꓲꓸ 8 ꓙꓳ ꓡꓳ ꓐꓰ ꓐꓯ ꓑꓶ ꓔ ꓟ ꓥ ꓡꓳ= ꓟꓲꓽ ꓦꓲꓻ ꓓꓽ ꓟ ꓠꓬ ꓧꓳꓠꓖ ꓗꓳꓠꓖ ꓗꓪ ꓔꓷ ꓔꓷꓹ ꓟꓽ ꓙꓱꓼ ꓡ ꓥ ꓟꓲ ꓟꓲꓽ ꓦꓲꓻ ꓕꓳ ꓥꓳꓽ ꓙꓱꓼ ꓡ ꓟ꓾ ꓟꓶ ꓦ ꓓꓽ ꓦ ꓡ ꓟ ꓔꓯ ꓔꓳꓹ ꓜꓳ ꓡ ꓥꓳ ꓐꓰ ꓐꓯ ꓑꓶ ꓔ ꓡꓳ=
ꓧꓳꓠꓖ ꓗꓳꓠꓖ ꓟꓵ ꓘꓳꓼ ꓫꓸ ꓕꓱ ꓔꓶꓸ ꓗꓪ ꓐꓰ ꓠꓬ ꓟꓲꓽ ꓦꓲꓻ ꓕꓳ ꓥꓳꓽ ꓚꓱꓹ ꓔꓯ ꓢꓷꓸ ꓠꓹ ꓟ ꓮ ꓕꓯ ꓟꓲ ꓡꓳꓸ ꓠꓬꓲ ꓔꓬ ꓢꓲ ꓠꓬꓲ ꓣꓱ ꓬꓯꓼ ꓠꓬ ꓢꓷꓸ ꓡꓰ ꓠ ꓐꓯ ꓑꓶ ꓖꓶ ꓓꓴ ꓥ ꓡꓳ ꓐꓰ ꓐꓯ ꓔ ꓡꓳ= ꓧꓳꓠꓖ ꓗꓳꓠꓖ ꓙꓱꓻ ꓦꓲꓻ ꓠꓽ ꓔꓶꓸ ꓔꓯ ꓥ ꓟꓲ ꓙꓱꓻ ꓦꓲꓻ ꓚꓱꓹ ꓮ ꓟꓬꓹ ꓔꓯ ꓠꓽ ꓡꓰ ꓝꓲ ꓦ ꓟ ꓥ ꓡꓳ=
ꓧꓳꓠꓖ ꓗꓳꓠꓖ ꓗꓪ ꓣꓳꓸ ꓦꓲꓻ ꓕꓳꓽ ꓶ ꓢꓳꓻ ꓦꓲꓻ꓾ ꓙꓲ ꓔꓲ ꓮ ꓟꓬꓹ ꓔꓯ ꓐꓲꓸ ꓞꓹ ꓥ ꓟꓲ ꓢꓔꓳꓚꓗ ꓙꓲꓺ ꓔꓲ ꓔꓯ ꓠꓬ ꓕꓱ ꓡꓱ ꓒꓴ ꓓꓴ ꓥꓳ꓾ ꓐꓰ ꓡꓳꓹ ꓬꓰ ꓟ ꓕꓲ ꓘꓳꓼ ꓗꓪ ꓐꓰ ꓐꓯ ꓞꓰꓹ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=
